ଅଜଣା ବ୍ୟକ୍ତିଙ୍କ ସହ ରୋମାଣ୍ଟିକ୍ ଟ୍ରିପରେ ଗଲେ ଯୁବତୀ, ‘ଏପରି ମଜା କଲେ କି…ପରେ’
ଟିକଟକରେ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି, ଯେଉଁଠାରେ ଜଣେ ଯୁବତୀ ନିଜ ଡେଟିଂର ଅଜୀବ ଅନୁଭୂତିକୁ ସେୟାର କରିଛନ୍ତି । ଏବି ନାମକ ଟିକଟକ୍ ୟୁଜର କହିଛନ୍ତି ଯେ, କିଛି ଦିନ ପୂର୍ବରୁ ସେ ଅନଲାଇନ୍ ଡେଟିଂ ଆପ୍ ଟିଣ୍ଡରରେ ଏକ ସୁନ୍ଦର ଯୁବକଙ୍କୁ ‘ଲାଇକ୍’ କରିଥିଲେ । ପରେ ସେଠାରେ ଦୁହେଁ ପରସ୍ପରର ନମ୍ବର ସେୟାର କରିଥିଲେ । ଏହା ପରେ ଏବି ସେହି ଅଜଣା ଯୁବକଙ୍କୁ ମେକ୍ସିକୋ ଯିବାକୁ କହିଥିଲେ ।
ଏବି ନିଜ ଟିକଟକ ଆକାଉଣ୍ଟରେ ଭିଡିଓ ମାଧ୍ୟମରେ କହିଛନ୍ତି ଯେ, ‘ ୱିକେଣ୍ଡରେ ସେହି ଯୁବକ ସହିତ ମେକ୍ସିକୋ ଯାଇ ବୁଲିବା ପାଇଁ ଭାବିଲି । ଏପରି ଭାବେ ମୋ ଛୁଟି ବି ଭଲରେ ବିତିଯିବ । ଏହାପରେ ଯୁବକ ଜଣକ ମଧ୍ୟ ୨ ଜଣଙ୍କ ପାଇଁ ଫ୍ଲାଇଟ୍ ଟିକେଟ୍ ବୁକ୍ କରିଥିଲା ଓ ଆମେ ସେଠାରେ ସେଠାକୁ ଯିବା ପାଇଁ ବାହାରିଥିଲୁ ।’
ରିପୋର୍ଟ ମୁତାବକ, ମେକ୍ସିକୋରେ ଏବି ସେହି ଅଜଣା ଯୁବକ ସହିତ ବହୁତ ଫଟୋ ଉଠାଇବା ସହ ନିଜ ସୋସିଆଲ ମିଡିଆ ଆକାଉଣ୍ଟରେ ବି ସେୟାର କରିଥିଲେ । ବୋଟ୍ ଟ୍ରିପ୍, ସୁଇମିଂ ପୁଲ୍, ବିଚରେ ମସ୍ତି କରିବାକୁ ଫଟୋ ବି ଏବି ସେୟାର କରିଥିଲେ । ଫଟୋକୁ ଦେଖି ଦୁହେଁ ଦମ୍ପତ୍ତି ବୋଲି ଲାଗୁଥିଲା । ଏବି ଏହି ଟ୍ରିପକୁ ଖୁବ୍ ଉପଭୋଗ କରିଥିଲେ । ତାଙ୍କୁ ଲାଗୁଥିଲା କି, ତାଙ୍କ ଲଭ୍ ଷ୍ଟୋରୀ ଭଲ ଚାଲିବ ।
କିନ୍ତୁ ମେକ୍ସିକୋରୁ ଫେରିବା ପରେ ଏବିଙ୍କୁ ଶକ୍ତ ଝଟକା ଲାଗିଥିଲା, ଯେବେ ସେହି ଅଜଣା ଯୁବକଙ୍କ ମେସେଜ୍ କରିଥିଲେ । ଯୁବକଜଣକ ମେସେଜରେ କହିଥିଲେ ଯେ, ‘ମେକ୍ସିକୋ ଯିବା ପାଇଁ ଧନ୍ୟବାଦ । କିନ୍ତୁ ଆମେ ଆଗକୁ ଏହି ସମ୍ପର୍କ ରଖିପାରିବା ନାହିଁ ।’ ଯୁବକଙ୍କ ମେସେଜ ଦେଖି ଏବିଙ୍କ ହୃଦୟ ଭାଙ୍ଗି ଯାଇଥିଲା । ସେ ନିଜର ଡେଟିଂ ଅନୁଭୂତିକୁ ଟିକଟକ୍ ଭିଡିଓରେ ସେୟାର କରିଥିଲେ । ଏହି ଭିଡିଓକୁ ବର୍ତ୍ତମାନ ସୁଦ୍ଧା ୧ କୋଟି ୩୦ ଲକ୍ଷରୁ ଅଧିକ ଲୋକ ଦେଖିସାରିଲେଣି । ଏହା ବ୍ୟତୀତ ଲୋକମାନେ ତାଙ୍କୁ ମଜାଳିଆ କମେଣ୍ଟ ମଧ୍ୟ ଦେଉଥିବା ଦେଖିବାକୁ ମିଳିଛି ।
