ସ୍ୱିଗି ବୟଙ୍କୁ ମାରି ଫିଙ୍ଗିଦେଲେ! ସନ୍ଦେହଜନକ ଭାବେ ଉଦ୍ଧାର ହେଲା ମୃତଦେହ
କଟକ: ଟ୍ୱିନ ସିଟିରେ ବଢୁଛି ଅପରାଧ । ବିଭିନ୍ନ ସ୍ଥାନରୁ ଅନେକ ଅପରାଧିକ ମାମଲା ରେକର୍ଡ କରାଯାଉଥିବା ବେଳେ ଏବେ ଏକ ସନ୍ଦେହ ଜନକ ମୃତଦେହ ଉଦ୍ଧାର କରାଯାଇଛି । ମୃତଦେହଟି ଜଣେ ସ୍ୱିଗି ଡେଲିଭରୀ ବୟଙ୍କର ହୋଇଥିବା ଜାଣିବାକୁ ମିଳିଛି । ଲ’ ୟୁନିଭର୍ସିଟି କଲେ ସମ୍ମୁଖରୁ ଯୁବକଙ୍କ ରକ୍ତାକ୍ତ ମୃତଦେହ ଉଦ୍ଧାର କରିଛି ପୋଳିସ । ତେବେ ପୋଲିସ ମୃତକଙ୍କ ପରିଚୟ ପାଇଥିବା ଜାଣିବାକୁ ମିଳିଛି ।
ସୂଚନା ଅନୁସାରେ, କଟକର ଲ’ ୟୁନିଭର୍ସିଟି କଲେଜ ସମ୍ମୁଖରୁ ଜଣେ ଯୁବକଙ୍କର ମୃତଦେହ ଉଦ୍ଧାର କରାଯାଇଛି । ମୃତକ ଜଣକ ଜଣେ ସ୍ୱିଗି ଡେଲିଭରୀ ବୟ ବୋଲି ଜଣାପଡିଥିବା ବେଳେ ସ୍ଥାନୀୟ ସିଡିଏ ଅଞ୍ଚଳର ବୋଲି ସୂଚନା ରହିଛି । ତେବେ ଏବେ ସନ୍ଦେହଘେରରେ ରହିଛି ଯୁବକଙ୍କ ମୃତ୍ୟୁ । ଖବର ପାଇ ଘଟଣାସ୍ଥଳରେ ଫେଜ-୨ ପୋଳିସ ପହଞ୍ଚିବା ସହ ମାମଲାର ତଦନ୍ତ ଆରମ୍ଭ କରିଛି । ଏହା ସହିତ ଶବ ଜବତ କରି ପୋଷ୍ଟମର୍ଟମ ପାଇଁ ପଠାଇଛି ପୋଲିସ । ତେବେ ଏହା ଦୁର୍ଘଟଣା ନା ହତ୍ୟା ସେ ନେଇ ପୋଲିସ ଅଧିକ ଖୋଳତାଡ ଜାରି ରଖିଛି ।
