ଘରେ ପଶି ବୃଦ୍ଧାଙ୍କୁ ଝୁଣି ମାରିଦେଲା ପାଗଳ କୁକୁର

ଜଳେଶ୍ୱର: ଦିନକୁ ଦିନ ବୁଲା କୁକୁରଙ୍କ ଉତ୍ପାତ ବଢ଼ିବାରେ ଲାଗିଛି । ଏଥିମଧ୍ୟରେ ଜଳେଶ୍ୱର ଭୋଗରାଇ ବ୍ଲକ୍ ଜୟରାମପୁର ଗାଁରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ଘରେ ଏକ ପାଗଳ କୁକୁର ପଶି ଜଣେ ବୃଦ୍ଧାଙ୍କୁ ଝୁଣି ମାରିଦେଇଥିବା ଖବର ସାମ୍ନାକୁ ଆସିଛି । ଘର ଭିତରେ ଚାଲିଥିଲା କୁକୁର ସହ ମଣିଷର ଲଢ଼େଇ । ଶେଷରେ କୁକୁର ଓ ମଣିଷ ଲଢ଼େଇରେ ବୃଦ୍ଧାଙ୍କ ଜୀବନ ଚାଲିଯାଇଥିଲା । ବୃଦ୍ଧାଙ୍କୁ ବଞ୍ଚାଇବାକୁ ଯାଇ ପାଗଳ କୁକୁରକୁ ପିଟିପିଟି ହତ୍ୟା କରିଥିଲେ ଗ୍ରାମବାସୀ ।