ବିଧାତାର ଏ କି ଲିଖନ: ସଡ଼କ ଦୁର୍ଘଟଣାରେ ଚାଲିଗଲା ମା-ବାପାଙ୍କ ଜୀବନ, କାନ୍ଦୁଛି ଅଳ୍ପକେ ବର୍ତ୍ତିଥିବା କୁନି ପୁଅ

ଯାଜପୁର: ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ମା-ବାପାଙ୍କ ଜୀବନ କୁନିପୁଅ ଆଖି ସାମ୍ନାରେ ଚାଲିଯାଇଛି। ଏହି ଦୁର୍ଘଟଣାଟି ପାଣିକୋଇଲି ଥାନା ପୁରୁଣା ଟୋଲଗେଟ ନିକଟରେ ଘଟିଛି।

ସୂଚନା ଅନୁଯାୟୀ, ଗୋଟିଏ ପରିବାରର ବାପା ମା ଓ ତାଙ୍କର ୪ ବର୍ଷର ପୁଅ ଏକ ବାଇକ ଯୋଗେ କୁଆଖିଆ ଆଡୁ ପାଣିକୋଇଲି ଅଭିମୁଖେ ଯାଉଥିଲେ, ଏହି ସମୟରେ ହଠାତ ପୁରୁଣା ଟୋଲଗେଟ ନିକଟରେ ବାଇକକୁ ଏକ ଅଜଣା ଗାଡି ଧକ୍କା ଦେଇଥିଲା। ଏହାପରେ ସେ ଘଟଣାସ୍ଥଳରୁ ଫେରାର ହୋଇଯାଇଛି।

ଘଟଣାସ୍ଥଳରେ ମାଙ୍କର ମୃତ୍ୟୁ ଘଟିଥିବାବେଳେ ସ୍ଥାନୀୟ ସ୍ୱେଚ୍ଛାସେବୀ ଓ ପୁଲିସ ସହାୟତାରେ ଗୁରୁତର ବାପାଙ୍କୁ ଯାଜପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଛନ୍ତି।