ପ୍ରେମିକାର ପୁଅକୁ ମାରିଥିବା ଅଭିଯୁକ୍ତକୁ କୋର୍ଟଚାଲାଣ, କାନ୍ଥରେ ପିଟି ହତ୍ୟା କରିଥିବା କଲା ସ୍ବୀକାର
ବାରଙ୍ଗ: ଜଗତସିଂହପୁର ଜିଲ୍ଲାର ବାରଙ୍ଗ ଥାନା ଅଞ୍ଚଳର ବେଲଗଛିଆ କୁଆଖାଇ ନଦୀବନ୍ଧରେ ଜଣେ ପ୍ରେମିକାର ଅଢେଇ ବର୍ଷର ଶିଶୁ ସନ୍ତାନକୁ ନିର୍ମମ ଭାବେ ହତ୍ୟା କରିଥିବା ଅଭିଯୋଗରେ ଅଭିଯୁକ୍ତ ପ୍ରେମିକ ବବି ଦେହୁରୀକୁ ପୋଲିସ ଗିରଫ କରି କୋର୍ଟଚାଲାଣ କରିଛି। ନନ୍ଦନକାନନ ଥାନା ପୋଲିସ ବବିକୁ ଜେରା କରିବା ପରେ ସେ ଶିଶୁଟିକୁ ହତ୍ୟା କରିଥିବା କଥା ସ୍ୱୀକାର କରିଛି।
ପୋଲିସ ତଦନ୍ତରୁ ଜଣାପଡ଼ିଛି ଯେ, ବବି ଦେହୁରୀ ତାଙ୍କ ପ୍ରେମିକା ମାନ ସିଂଙ୍କୁ ବହୁତ ଭଲପାଇବା ଦାବି କରିଛନ୍ତି। କିନ୍ତୁ ମାନ ସିଂଙ୍କ ଅଢେଇ ବର୍ଷର ପୁଅ ତାଙ୍କ ରକ୍ତର ଜନ୍ମିତ ନଥିଲା। ବବି କହିଛନ୍ତି ଯେ, ମାନ ସିଂ ତାଙ୍କ ପିଲାକୁ ଅଧିକ ସମୟ ଦେଉଥିବା ଦେଖି ସେ ଈର୍ଷା କରୁଥିଲେ ଏବଂ ଏହାକୁ ବରଦାସ୍ତ କରି ନପାରି ଶିଶୁଟିର ଗୋଡ଼ ଧରି କାନ୍ଥରେ ପିଟି ହତ୍ୟା କରିଥିଲେ।
ହତ୍ୟା ପରେ ଘଟଣାକୁ ଲୁଚାଇବା ପାଇଁ ବବି ପ୍ରେମିକା ମାନ ସିଂଙ୍କୁ ଫୁସଲାଇ ଶିଶୁଟିର ମୃତଦେହ ସହ ବେଲଗଛିଆ କୁଆଖାଇ ନଦୀବନ୍ଧରେ ଫିଙ୍ଗିବାକୁ ନେଇଥିଲେ। ସେଠାରେ ମୃତଦେହକୁ ଏକ ବୁଦାମୂଳରେ ଫିଙ୍ଗି ଚାଲିଯିବା ବେଳେ ସ୍ଥାନୀୟ ଲୋକଙ୍କ ନଜର ପଡ଼ିଯାଇଥିଲା, ଫଳରେ ବବି ଧରାପଡ଼ିଥିଲେ।