ଅଭିନେତ୍ରୀଙ୍କୁ ହାତୁଡିରେ ପିଟି ହତ୍ୟା: ଖଣ୍ଡ ଖଣ୍ଡ କରି ଫିଙ୍ଗି ଦେଲେ ଏହି ଆଡଲ୍ଟ ଷ୍ଟାରଙ୍କ ଶରୀର
ନୂଆଦିଲ୍ଲୀ: ଇଟାଲୀର ଆଡଲ୍ଟ ଷ୍ଟାର କେରୋଲ ମାଲଟେସୀଙ୍କ ହତ୍ୟା ଘଟଣାର ହୋଇଛି ପର୍ଦ୍ଦାଫାଶ । ହତ୍ୟକାରୀମାନେ ଅଭିନେତ୍ରୀଙ୍କୁ ହତ୍ୟା କରିବାର ସମସ୍ତ ସତ୍ୟ ବୟାନ କରିଛନ୍ତି । ଗଳା କାଟିବା ପୂର୍ବରୁ କେରୋଲଙ୍କୁ ହାତୁଡିରେ ଆକ୍ରମଣ କରାଯାଇଥିଲା ଏବଂ ଶରୀର ଖଣ୍ଡ ଖଣ୍ଡ କରି ଫିଙ୍ଗି ଦିଆଯାଇଥିବା ହତ୍ୟାକାରୀମାନେ ସ୍ୱୀକାର କରିଛନ୍ତି । ଏହି ଅଭିଯୋଗରେ ପ୍ରେମିକଙ୍କୁ ଗିରଫ କରିଛି ପୋଲିସ । ଏହା ସହିତ ମାମଲା ସମାଧାନ ହୋଇଥିବା ଦାବି କରିଛି ପୋଲିସ ।
ଆଡଲ୍ଟ ଷ୍ଟାର କେରୋଲ ମାଲଟେସୀଙ୍କୁ ହତ୍ୟା କରି ଶରୀରକୁ ଖଣ୍ଡ ବିଖଣ୍ଡିତ କରି ଫିଙ୍ଗି ଦିଆଯାଇଥିଲା । ମୃତ ଶରୀରର ପରିଚୟ ଲୁଚାଇବା ଏମିତି କରାଯାଇଥିବା ବେଳେ ଜଣେ ପ୍ରଶଂସକ ଅଭିନେତ୍ରୀଙ୍କ ଶରୀରରେ ଥିବା ଟାଟୁକୁ ଦେଖି ତାଙ୍କୁ ଚିହ୍ନି ପାରିଥିଲେ । ଏହାପରେ ହତ୍ୟା ରହସ୍ୟର ସମାଧାନ କରୁ କରୁ ପୋଲିସ ଅଭିଯୁକ୍ତ ପ୍ରେମିକ ପାଖରେ ପହଞ୍ଚିଥିଲା । ତେବେ ପ୍ରେମିକ ଏବେ ହତ୍ୟାର ସମ୍ପୂର୍ଣ୍ଣ ଚିତ୍ର ବଖାଣିଛି । ହତ୍ୟା କରିବା ପରେ ଅଭିନେତ୍ରୀଙ୍କୁ ଚେହେରା ଜାଳିଦେବା ସହିତ ଶରୀରକୁ ଖଣ୍ଡ ଖଣ୍ଡ କରି ଫ୍ରିଜରେ ରଖି ଦେଇଥିଲା । ଏମିତି କି ସନ୍ଦେହ ନ ହେବା ପାଇଁ ଅଭିନେତ୍ରୀଙ୍କ ମାଆଙ୍କ ସହ କେରୋଲଙ୍କ ମୋବାଇଲରୁ ମେସେଜ ମଧ୍ୟ କରୁଥିଲା ପ୍ରେମିକ । କିନ୍ତୁ ଶେଷରେ ସମସ୍ତ ଘଟଣା ଏବେ ସାମନାକୁ ଆସିଛି ।
