ଏକ ଦେଶ ଏକ ନିର୍ବାଚନ କମିଟିରେ ରହିବାକୁ ମନା କଲେ କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀ, ଶାହାଙ୍କୁ ଲେଖିଲେ ଚିଠି

ଓଡିଶା ଭାସ୍କର: ଏକ ଦେଶ ଏକ ନିର୍ବାଚନ ପ୍ରସଙ୍ଗକୁ ନେଇ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ନେତୃତ୍ୱରେ କମିଟିର ସମସ୍ତ ସଦସ୍ୟମାନଙ୍କୁ ଆଇନ ମନ୍ତ୍ରଣାଳୟ ଘୋଷଣା କରିଛି। ଏଥିପାଇଁ ୮ ଜଣିଆ ସଦସ୍ୟଙ୍କୁ ନେଇ ଏକ କମିଟିରେ ସାମିଲ କରାଯାଇଛି । ଏହି କମିଟିରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା, କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀ, ପୂର୍ବତନ ରାଜ୍ୟସଭା ସାଂସଦ ଗୁଲାମ ନବୀ ଆଜାଦ, ପୂର୍ବତନ ଅର୍ଥ ଆୟୋଗର ଅଧ୍ୟକ୍ଷ ଏନ.କେ ସିଂ, ଲୋକସଭାର ପୂର୍ବତନ ସଚିବ ସୁଭାଷ ସି କାଶ୍ୟପ, ବରିଷ୍ଠ ଓକିଲ ଏଥିରେ ହରିଶ ସାଲଭେ ଏବଂ ପୂର୍ବତନ ସିଭିସି ସଞ୍ଜୟ କୋଠାରୀଙ୍କୁ ସାମିଲ କରାଯିବ ବୋଲି ସୂଚନା ରହିଛି ।

ସେହିପରି ଆଇନ ମନ୍ତ୍ରୀ ଅର୍ଜୁନ ରାମ ମେଘୱାଲ ଏବଂ ସଚିବ, ଆଇନ ମନ୍ତ୍ରଣାଳୟ କମିଟିରେ ସ୍ୱତନ୍ତ୍ର ଭାବେ ନିମନ୍ତ୍ରିତ ହେବେ । ଏହି କମିଟି ତୁରନ୍ତ ଏହାର କାର୍ୟ୍ୟ ଆରମ୍ଭ କରିବ ଏବଂ ଏହାର ମୁଖ୍ୟାଳୟ ନୂଆଦିଲ୍ଲୀରେ ହେବ ବୋଲି ଜଣାପଡିଛି । ଏହି କମିଟି ଆତ୍ମବିଶ୍ୱାସର ଗତିବିଧି, ତ୍ରୁଟି ବିରୋଧୀ ଆଇନ ଏବଂ ହ୍ୟାଙ୍ଗ ବିଧାନସଭା କିମ୍ବା ଲୋକସଭା ପରିସ୍ଥିତିକୁ ବିଶ୍ଳେଷଣ କରିବ ଏବଂ ସେହି ଅନୁଯାୟୀ ଉପଯୁକ୍ତ ପରାମର୍ଶ ଦେବେ ।

କିନ୍ତୁ କଂଗ୍ରେସ ସାଂସଦ ଅଧୀର ରଞ୍ଜନ ଚୌଧରୀ ଏହି କମିଟିର ସଦସ୍ୟ ହେବାକୁ ମନା କରିଛନ୍ତି । ଏନେଇ ସେ ଅମିତ ଶାହାଙ୍କୁ ଚିଠି ଲେଖି ଅବଗତ କରାଇଛନ୍ତି । ଚିଠିରେ ଲେଖିଛନ୍ତି ଗୋଟିଏ ଦେଶ ଗୋଟିଏ ନିର୍ବାଚନ ପାଇଁ ଗଠିତ କମିଟିର ସଦସ୍ୟ ନହେବାକୁ ମନା କରିବାରେ ତାଙ୍କର କୌଣସି ଦ୍ୱନ୍ଦ୍ୱ ନାହିଁ । କାରଣ ଏହା ଏକ ଧୋକ୍କା ବୋଲି କହିଛନ୍ତି । ରାଜ୍ୟସଭାର ବିରୋଧୀ ଦଳ ନେତାଙ୍କୁ ନରଖିବା ଘୋର ଅପମାନ । ଜାଣିଶୁଣି ସଂସଦୀୟ ଗଣତାନ୍ତ୍ରିକ ବ୍ୟବସ୍ଥାର ଅପମାନ କରାଯାଇଛି । ତେଣୁ ଏଭଳି କମିଟିର କୌଣସି ଔଚିତ୍ୟ ନଥିବାରୁ ଆପଣଙ୍କ ନିମନନ୍ତ୍ରଣକୁ ଅସ୍ୱୀକାର କରିବା ଛଡା ବିକଳ୍ପ ନାହିଁ ବୋଲି ଅଧୀର ରଞ୍ଜନ ଚୌଧୁରୀ ଚିଠିରେ ଉଲ୍ଲେଖ କରିଛନ୍ତି ।