ଆଫଗାନିସ୍ତାନ ଏବଂ ପାକିସ୍ତାନରେ ବନ୍ୟା: ବଜ୍ରପାତ ଯୋଗୁଁ ୫୭ ମୃତ, ମରିଗଲେ ୨୫୦ ରୁ ଅଧିକ ପ୍ରାଣୀ
ନୂଆଦିଲ୍ଲୀ: ଆଫଗାନିସ୍ତାନ ଏବଂ ପାକିସ୍ତାନରେ ପ୍ରବଳ ବର୍ଷା ଓ ବଜ୍ରପାତ ଯୋଗୁଁ ୫୭ ଜଣଙ୍କର ମୃତ୍ୟୁ ହୋଇଛି । ଏଥି ସହିତ ଉଭୟ ଦେଶରେ ଏକ ହଜାରରୁ ଅଧିକ ଘର ନଷ୍ଟ ହେବା ସହ ୨୫୦ ରୁ ଅଧିକ ପ୍ରାଣୀଙ୍କର ମଧ୍ୟ ମୃତ୍ୟୁ ହୋଇଥିବା ସୂଚନା ମିଳିଛି ।
ଯେଉଁମାନେ ପ୍ରାଣ ହରାଇଛନ୍ତି ସେମାନଙ୍କ ମଧ୍ୟରେ ଆଫଗାନିସ୍ତାନର ୩୩ ଜଣ ଏବଂ ପାକିସ୍ତାନର ୨୪ ଜଣ ସାମିଲ ଅଛନ୍ତି । ପାକିସ୍ତାନରେ ସର୍ବାଧିକ ମୃତ୍ୟୁ ପଞ୍ଜାବରେ ରେକର୍ଡ କରାଯାଇଛି । ଉଭୟ ଦେଶର ପାଣିପାଗ ବିଭାଗ ଅନୁଯାୟୀ ଆସନ୍ତା ଦିନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ।
ତାଲିବାନର ପ୍ରାକୃତିକ ବିପର୍ଯ୍ୟୟ ପରିଚାଳନା ମନ୍ତ୍ରଣାଳୟର ମୁଖପାତ୍ର ଅବଦୁଲ୍ଲା ଜନ ସାକ୍ କହିଛନ୍ତି ଯେ, ବନ୍ୟା ରାଜଧାନୀ କାବୁଲ ଏବଂ ଦେଶର ଅନ୍ୟାନ୍ୟ ପ୍ରଦେଶକୁ ପ୍ରଭାବିତ କରିଛି । ପ୍ରାୟ ୮୦୦ ହେକ୍ଟର ଫସଲ ନଷ୍ଟ ହୋଇଯାଇଛି ଏବଂ ବନ୍ୟା ଯୋଗୁଁ ରାସ୍ତା ନଷ୍ଟ ହୋଇଯାଇଛି । ପଶ୍ଚିମ ଫରାହ, ହେରାତ, ଦକ୍ଷିଣ ଜାବୁଲ ଏବଂ କାନ୍ଦାହାର ପ୍ରଦେଶରେ ସର୍ବାଧିକ କ୍ଷୟକ୍ଷତି ହୋଇଛି । ଆଗାମୀ ଦିନରେ ଆଫଗାନିସ୍ତାନର ୩୪ ଟି ଅଞ୍ଚଳରେ ପ୍ରବଳ ବର୍ଷା ହୋଇପାରେ ବୋଲି ପାଣିପାଗ ବିଭାଗ ଚେତାବନୀ ଦେଇଛି ।
