(Video) ରିଲ୍ସ କରୁକରୁ ଚାଲିଗଲା ଜୀବନ, ଗ୍ରିଲ ପଡି ଗଣ୍ଡିରୁ ଅଲଗା ହେଲା ମୁଣ୍ଡ
ନୂଆଦିଲ୍ଲୀ: ବର୍ତ୍ତମାନ ସମସ୍ତଙ୍କୁ ଘେରିଛି ରିଲ୍ସ ନିଶା । ଛୁଆଠୁ ବୁଢା ସମସ୍ତେ ରିଲ୍ସ କରିବା ପାଇଁ ପାଗଳ । ଏମିତିକି ବିପଦକୁ ମଧ୍ୟ ଭୟ କରୁନାହାନ୍ତି । ଏଭଳି ଏକ ସମାନ ଘଟଣା ସାମ୍ନାକୁ ଆସିଛି ଉତ୍ତରପ୍ରଦେଶରୁ । ଆଗ୍ରାରେ ଜଣେ ଯୁବକ ରିଲ୍ସ ବନାଉଥିବା ବେଳେ ଜୀବନ ଯାଇଥିବା ଦେଖାଯାଇଛି । ସେହି ସମୟର ଭିଡିଓ ମଧ୍ୟ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
ସୂଚନା ଅନୁସାରେ, ଯୁବକଙ୍କର ବୟସ 20 ବର୍ଷ ଥିଲା । ରିଲ୍ସ ବନାଇବା ପାଇଁ ନମକ ବଜାରରେ ଅବସ୍ଥିତ ସାରଫା ବଜାରର ଜୋହରୀ ପ୍ଲାଜାରେ ଏକ ଛାତିଥରା ଦୁର୍ଘଟଣା ଘଟିଥିଲା । ଯୁବକଟିର ବେକ ତା ଦେହରୁ ଅଲଗା ହୋଇଯାଇଥିଲା। ସେ ଧୀର ଗତିରେ ଏକ ରିଲ୍ ତିଆରି କରୁଥିଲେ । ଭିଡିଓରେ ଏହା ଦେଖିବାକୁ ମିଳେ ଯେ ବାଳକଟି ରିଲ ତିଆରି କରୁଥିବା ସମୟରେ ଜାଲ ଉଠାଉଥିଲା, ହଠାତ୍ ତାଙ୍କ ପାଦ ଖସିଗଲା ଏବଂ ଜାଲଟି ସିଧାସଳଖ ତାଙ୍କ ବେକ ଉପରେ ପଡ଼ିଗଲା ।
ଯେତେବେଳେ ସେହି ଗ୍ରିଲଟି ଯୁବକର ବେକ ଉପରେ ପଡ଼ିଲା, ସେତେବେଳେ ଏହା ତାଙ୍କ ତଣ୍ଟିରୁ ଅଲଗା ହୋଇଗଲା ଏବଂ ବାଳକଟି ସେହି ସ୍ଥାନରେ ମୃତ୍ୟୁବରଣ କଲା । ମୃତ ଯୁବକଙ୍କର ନାମ ଆଫିସ ହୋଇଥିବା ବେଳେ ସେ ଆଗ୍ରା ନିବାସୀ ଥିଲେ । ଆଗ୍ରାର ଚାନ୍ଦି ମାର୍କେଟ ନମାକ ମାଣ୍ଡିରେ ଥିବା ଏକ କମ୍ପ୍ଲେସରେ କାମ କରୁଥିଲେ । କିନ୍ତୁ ବର୍ତ୍ତମାନ ସୁଦ୍ଧା ଯୁବକଙ୍କର ପରିବାର ଥାନାରେ କୌଣସି ଅଭିଯୋଗ କରିନାହାନ୍ତି । ମିଳିଥିବା ସୂଚନା ଅନୁଯାୟୀ, ଘଟଣା ଘଟିବା ପରେ ତୁରନ୍ତ ନାବାଳକକୁ ଡାକ୍ତରଖାନା ନିଆଯାଇଥିଲା । ତେବେ ସେଠାରେ ଡାକ୍ତର ମୃତ ଘେଷଣା କରିବା ପରେ ବିନା ପୋଷ୍ଟମୋର୍ଟମରେ ପରିବାର ଲୋକେ ନେଇଯାଇଥିଲେ ।
#आगरा l सर्राफा बाजार में हुआ दर्दनाक हादसा। रील बनाने के दौरान युवक की गई जान। स्लो मोशन में रील बना रहा था युवक। जाल हटाने में 3 मंजिल से नीचे गिरा युवक। pic.twitter.com/x9YDQOzSUd
— Danish Khan (@Danishk77853628) October 19, 2024
