UPSC ପରୀକ୍ଷାର ଉତ୍ତର ଦେଇପାରିଲା ନାହିଁ ChatGPT; ସବୁଠି ପାସ ହେଲେ ଭାରତୀୟ ସିଭିଲ୍ ସର୍ଭିସେସ୍ ପରୀକ୍ଷାରେ ହାରିଗଲା …
ନୂଆଦିଲ୍ଲୀ:ଚାଟ୍ ଜିପିଟି ଗତ କିଛି ମାସ ହେବ ବହୁତ ଚର୍ଚ୍ଚାରେ ଅଛି। ସମଗ୍ର ବିଶ୍ୱରେ ଲୋକମାନେ ଏହାକୁ ବ୍ୟବହାର କରୁଛନ୍ତି ଏବଂ ଏହାପାଇଁ ପାଗଳ ହୋଇ ଯାଉଛନ୍ତି। ବିଶେଷକରି ଲୋକମାନେ ଏହାର ଉତ୍ତର ଶୈଳୀ ଦ୍ୱାରା ବହୁତ ପ୍ରଭାବିତ ହେଉଛନ୍ତି। ଏହି AI ଚାଟ୍ବଟ୍ ସମଗ୍ର ବିଶ୍ୱରେ ଅନେକ ବଡ ପରୀକ୍ଷା ସମାଧାନ ସଫା କରିଦେଇଛି ।
ଓପନ୍ ଏଆଇ ଏହାକୁ ଗତ ବର୍ଷ ସେପ୍ଟେମ୍ବରରେ ଲଞ୍ଚ କରିଥିଲା ଏବଂ ସେବେଠାରୁ ଏହା ଦୁନିଆର ଅନେକ କଠିନ ପରୀକ୍ଷାରେ ଉତ୍ତୀର୍ଣ୍ଣ ହୋଇଛି। ଆମେରିକାରେ, ChatGPT ମାଷ୍ଟର ଅଫ୍ ବିଜିନେସ୍ ଆଡମିନିଷ୍ଟ୍ରେସନ୍ ପ୍ରୋଗ୍ରାମକୁ ସଫଳର ସହ ଅତିକ୍ରମ କରିଛି ।
କେବଳ ଏତିକି ନୁହେଁ, ଆମେରିକାର ଡାକ୍ତରୀ ପରୀକ୍ଷାରେ ଅଧିକାଂଶ ଛାତ୍ରଙ୍କ ଅପେକ୍ଷା ଚାଟବଟ୍ ଭଲ ସ୍କୋର କରିଛି। ଏହା ସହିତ, ଚାଟ୍ ଜିପିଟି ଗୁଗୁଲ୍ କୋଡିଂ ଇଣ୍ଟରଭ୍ୟୁ ଲେଭଲ୍ ୩ କୁ ମଧ୍ୟଅତିକ୍ରମ କରିଛି । ChatGPT ର ଲୋକପ୍ରିୟତା ଏବଂ ଛାତ୍ରଛାତ୍ରୀ ମାନଙ୍କ ବ୍ୟବହାରକୁ ଦେଖି ଏହା ନ୍ୟୁୟର୍କ ବିଦ୍ୟାଳୟରେ ଅବରୋଧ କରାଯାଇଥିଲା।
ବାସ୍ତବରେ, ପିଲାମାନେ ଏହା ସାହାଯ୍ୟରେ ସେମାନଙ୍କର ହୋମୱାର୍କ କରୁଥିଲେ । ସମଗ୍ର ବିଶ୍ୱରେ ପରୀକ୍ଷାରେ ନିଜର ବିଜୟ କରୁଥିବା ଚାଟଜିପିଟି ଭାରତରେ କିନ୍ତୁ ବିଫଳ ହୋଇଛି। ବାସ୍ତବରେ, ଏଇ ଚାଟବଟ୍ ୟୁପିଏସସି ର ଭାରତୀୟ ସିଭିଲ୍ ସର୍ଭିସେସ୍ ପରୀକ୍ଷାରେ ବିଫଳ ହୋଇଛି, ଯାହା ଦୁନିଆର ସବୁଠାରୁ କଷ୍ଟଦାୟକ ପରୀକ୍ଷା ଭାବରେ ପରିଗଣିତ।
ଆନାଲିଟିକ୍ସ ଇଣ୍ଡିଆ ମାଗାଜିନ୍ ଚାଟ୍ ଜିପିଟିରୁ ୟୁପିଏସସି ସମ୍ବନ୍ଧୀୟ ପ୍ରଶ୍ନ ପଚାରିଛି, ଯେଉଁଥିରେ ଏହା ବିଫଳ ହୋଇଛି। ପତ୍ରିକା ୟୁପିଏସସି ପ୍ରିଲିମ୍ସ ୨୦୨୨ ର ପ୍ରଥମ ପେପେର ରୁ ୧୦୦ ଟି ପ୍ରଶ୍ନ ପଚାରିଥିଲା, ଯାହାର ଉତ୍ତର ଇଣ୍ଟରନେଟରେ ଉପଲବ୍ଧ ।
୧୦୦ ଟି ପ୍ରଶ୍ନ ମଧ୍ୟରୁ, ChatGPT କେବଳ ୫୪ ର ଉତ୍ତର ଦେବାକୁ ସକ୍ଷମ ହୋଇଛି । ୨୦୨୧ ମସିହାରେ, ସାଧାରଣ ବର୍ଗ ପାଇଁ କଟ୍ଅଫ୍ ୮୭.୫୪% ଥିଲା। ସେହି ଅନୁଯାୟୀ, ଚାଟ୍ ଜିପିଟି ୟୁପିଏସସି ପରୀକ୍ଷାରେ ସଫଳ କରିବାକୁ ସକ୍ଷମ ନୁହେଁ ।
ସୂଚନାମୁତାବକ ChatGPT ରେ ଥିବା ସୂଚନା କେବଳ ସେପ୍ଟେମ୍ବର୨୦୨୧ ରେ ସୀମିତ । ଏହି କାରଣରୁ ସେ ସାମ୍ପ୍ରତିକ ଘଟଣାଗୁଡ଼ିକର ଉତ୍ତର ଦେଇ ପାରିନାହିଁ । କିନ୍ତୁ ଚାଟବଟ୍ ଭୂଗୋଳ ଏବଂ ଅର୍ଥନୀତି ସହ ଜଡିତ ଅନେକ ପ୍ରଶ୍ନର ଭୁଲ ଉତ୍ତର ମଧ୍ୟ ଦେଇଛି । କେବଳ ଏତିକି ନୁହେଁ, ଇତିହାସର କିଛି ପ୍ରଶ୍ନର ଉତ୍ତର ମଧ୍ୟ ଭୁଲ ହୋଇଛି ।ଏଥି ସହିତ, ଚାଟବଟ୍ ପ୍ରକୃତି ସହିତ ଜଡିତ ପ୍ରଶ୍ନଗୁଡିକର ବିଭ୍ରାନ୍ତିକର ଉତ୍ତର ଦେଇଛି ।
