Ajab Gajab: ଖାଇଦେଉଛନ୍ତି ୬୦ ରୁ ୭୦ ରୁଟି କିନ୍ତୁ ପୁରୁନି ପେଟ, ଚିନ୍ତାରେ ଶାଶୁ ଘର ଏବେ କରିବେ କଣ ….

ଭୁବନେଶ୍ୱର:ଆମେ ଆପଣଙ୍କୁ ଯେଉଁ ମହିଳାଙ୍କ ବିଷୟରେ ଆଜି କହିବୁ ଆପଣ ତାଙ୍କ ବିଷୟରେ ଜାଣିଲେ ଆଶ୍ଚର୍ଯ୍ୟ ହେଇ ଯିବେ। ମହିଳା ଜଣକ ମଧ୍ୟପ୍ରଦେଶର ରାଜଗଡ଼ର ସହର ନିକଟବର୍ତ୍ତୀ ନେବଜ ଗାଁର ବାସିନ୍ଦା। ମହିଳାଙ୍କ ନାମ ମଞ୍ଜୁ ସୌନ୍ଧିଆ । ତାଙ୍କର ଦୁଇଟି ପିଲା ଅଛନ୍ତି। ତିନି ବର୍ଷ ପୂର୍ବରୁ ମଞ୍ଜୁ ଏହି ଅଜବ ରୋଗରେ ପୀଡିତ ଥିଲେ। ଏହି ରୋଗ ତାଙ୍କ ଜୀବନକୁ କଷ୍ଟକର କରିଦେଇଛି। ମହିଳା ଜଣକ ସବୁବେଳେ କେବଳ ରୋଟି ଖାଆନ୍ତି ଏବଂ ପାଣି ପିଅନ୍ତି।

ସୂଚନାମୁତାବକ ସେ ସକାଳରୁ ସନ୍ଧ୍ୟା ପର୍ଯ୍ୟନ୍ତ କେବେଳ ଖାଆନ୍ତି। ଆଶ୍ଚର୍ଯ୍ୟର କଥା ହେଉଛି ଯେ ମହିଳା ଜଣକ ସକାଳରୁ ରାତି ପର୍ଯ୍ୟନ୍ତ ୬୦ ରୁ ୭୦ ରୁଟି ଖାଆନ୍ତି। ତଥାପି ସେ ଦୁର୍ବଳ ଅନୁଭବ କରନ୍ତି। ମହିଳାଙ୍କ ବାପାମାଆ ଏବଂ ଶ୍ୱଶୁର ଘର ଲୋକ ଏହି ଖବରକୁ ନେଇ ଚିନ୍ତିତ। ମହିଳାଙ୍କ ଚିକିତ୍ସା ମଧ୍ୟ କରାଯାଇଥିଲା, କିନ୍ତୁ କୌଣସି ଲାଭ ହୋଇନଥିଲା।

ମଞ୍ଜୁ ଛଅ ମାସ ପୂର୍ବରୁ ଜଣେ ମହିଳା ଡାକ୍ତରଙ୍କ ସହ ପରାମର୍ଶ କରିଥିଲେ। ସେ ନର୍ଭସ ଅନୁଭବ କରୁଥିବାରୁ ତାଙ୍କୁ ଭର୍ତ୍ତି କରାଯାଇଥିଲା ଏବଂ ଚିକିତ୍ସା କରାଯାଇଥିଲା। ଯେତେବେଳେ ମହିଳା ଜଣକ ପରେ ପୁଣି ଥରେ ଗଲେ, ଡାକ୍ତର ତାଙ୍କୁ ମଲ୍ଟିଭିଟାମିନ୍ ଔଷଧ ଲେଖି ଦେଇଥିଲେ। ମଞ୍ଜୁଙ୍କୁ ଚିକିତ୍ସା କରୁଥିବା ମହିଳା ଡାକ୍ତର କହିଥିଲେ ଯେ ଏହା ଏକ ମାନସିକ ରୋଗ ଯେଉଁଥିରେ ମଞ୍ଜୁ ଭୋକ ଅନୁଭବ କରନ୍ତି, ତେଣୁ ସେ ତାଙ୍କ ମନକୁ ଶାନ୍ତ କରିବା ପାଇଁ ବାରମ୍ବାର ରୋଟି ଖାଆନ୍ତି ଏବଂ ପାଣି ପିଅନ୍ତି।

ମହିଳା ଡାକ୍ତରଙ୍କ ପରାମର୍ଶ କ୍ରମେ, ମଞ୍ଜୁ ଭୋପାଳର ଜଣେ ମାନସିକ ରୋଗ ବିଶେଷଜ୍ଞଙ୍କ ସହିତ ମଧ୍ୟ ପରାମର୍ଶ କରିଥିଲେ। ସେ ମଞ୍ଜୁଙ୍କୁ କହିଥିଲେ ଯେ ଏହା ଏକ ମାନସିକ ରୋଗ ନୁହେଁ। ମଞ୍ଜୁଙ୍କ ଭାଇ କହିଥିଲେ ଯେ ମଞ୍ଜୁଙ୍କୁ କିଛି ସମୟ ପୂର୍ବରୁ ଟାଇଫଏଡ୍ ହୋଇଥିଲା, ଯାହାରୁ ସେ ସୁସ୍ଥ ହୋଇଯାଇଥିଲେ, କିନ୍ତୁ ସେ ଗତ ତିନି ବର୍ଷ ଧରି ରୁଟି ଖାଇବାର ଏହି ଅଜବ ରୋଗରେ ପୀଡିତ ଅଛନ୍ତି। କେତେବେଳେ ସେ ୨୦ ରୁ ୩୦ ଏବଂ କେତେବେଳେ ୬୦ ରୁ ୭୦ ରୁଟି ଖାଆନ୍ତି।

ମଞ୍ଜୁଙ୍କୁ ଚିକିତ୍ସା କରିଥିବା ମହିଳା ଡାକ୍ତର ପରିବାରକୁ ତାଙ୍କୁ ଫଳ, ଖିଚଡି ଏବଂ ଅନ୍ୟାନ୍ୟ ଖାଦ୍ୟ ସାମଗ୍ରୀ ଦେବାକୁ ପରାମର୍ଶ ଦେଇଛନ୍ତି ଯାହା ଦ୍ୱାରା ସେ ରୁଟି ଖାଇବା ଅଭ୍ୟାସ ଛାଡିପାରିବେ। ମଞ୍ଜୁଙ୍କ ବାପାଘର ଏବଂ ଶ୍ୱଶୁର ଘର ଲୋକେ ତାଙ୍କର ଚିକିତ୍ସା କରାଇଥିଲେ, କିନ୍ତୁ କୌଣସି ଲାଭ ମିଳିଲା ନାହିଁ। ଚିକିତ୍ସା ଯୋଗୁଁ ଆର୍ଥିକ ଅବସ୍ଥା ଆହୁରି ଖରାପ ହୋଇଗଲା। ଏପର୍ଯ୍ୟନ୍ତ ସରକାରଙ୍କ ପକ୍ଷରୁ କୌଣସି ସାହାଯ୍ୟ ମିଳିନାହିଁ। ପରିବାର ପାଖରେ ମଞ୍ଜୁଙ୍କ ଚିକିତ୍ସା ପାଇଁ ଟଙ୍କା ମଧ୍ୟ ନାହିଁ। ତେଣୁ ସେମାନେ ଏବେ ସରକାରଙ୍କ ସାହାର୍ଯ୍ୟ ଅପେକ୍ଷାରେ ରହିଛନ୍ତି ।