ପ୍ରତିବର୍ଷ ୧ କୋଟି ଲୋକଙ୍କ ଜୀବନ ନେଉଛି ମଦ ଓ ସ୍ୱିଟ୍ ଡ୍ରିଙ୍କ୍: ଅଧିକ ଟ୍ୟାକ୍ସ ଲାଗୁ କରିବାକୁ WHOର ଅନୁରୋଧ
Advertisement
ନୂଆଦିଲ୍ଲୀ : WHO (ବିଶ୍ୱ ସ୍ୱାସ୍ଥ୍ୟ ସଂଗଠନ) କହିଛି ଯେ, ସାରା ବିଶ୍ୱରେ ମଦ୍ୟପାନ ଏବଂ ମିଠା ପାନୀୟ ଯୋଗୁଁ ଏକ କୋଟି ଲୋକ ମୃତ୍ୟୁବରଣ କରୁଛନ୍ତିି । ଏହାକୁ ହ୍ରାସ କରିବା ପାଇଁ ଡବ୍ଲୁଏଚଓ ସରକାରଙ୍କୁ ଏପରି ପଦାର୍ଥ ଉପରେ ଅଧିକ ଟ୍ୟାକ୍ସ ଲାଗୁ କରିବାକୁ ଅନୁରୋଧ କରିଛି । ଡବ୍ଲୁଏଚଓ କହିଛି ଯେ, ବହୁତ କମ୍ ଦେଶ ନିଜ ନାଗରିକଙ୍କ ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ ଟ୍ୟାକ୍ସ ବ୍ୟବହାର କରୁଛନ୍ତି ।
ମଦ ଏବଂ ଚିନି ଥିବା ମିଠା ପାନୀୟ ଉପରେ ଟ୍ୟାକ୍ସ ବୃଦ୍ଧି କରିବାକୁ ଡବ୍ଲୁଏଚଓ ବିଶ୍ୱକୁ ଅନୁରୋଧ କରିଛି । ମଙ୍ଗଳବାର ଦିନ ଡବ୍ଲୁଏଚଓ ଏକ ବିବୃତ୍ତି ଜାରି କରିଛି । ଏଥିରେ କୁହାଯାଇଛି ଯେ, ଲୋକଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଉଥିବା ଏପରି ଉତ୍ପାଦ ଉପରେ ବିଶ୍ୱରେ ହାରାହାରି ଟ୍ୟାକ୍ସ କମ୍ ରହିଛି । ଟ୍ୟାକ୍ସ ବୃଦ୍ଧି କରିବା ଦ୍ୱାରା ଲୋକଙ୍କ ସ୍ୱାସ୍ଥ୍ୟରେ ଉନ୍ନତି ଆସିପାରିବ । ଡବ୍ଲୁଏଚଓ କହିଛି ଯେ, ସମସ୍ତ ଚିନିରେ ପ୍ରସ୍ତୁତ ସମସ୍ତ ପ୍ରକାରର ମିଠା ପାନୀୟ ଏବଂ ମଦ ଉପରେ ଏକ୍ସାଇଜ୍ ଟ୍ୟାକ୍ସ ଲାଗୁ ହେବା ଉଚିତ ।
ମଦ୍ୟପାନ ହେତୁ ପ୍ରତିବର୍ଷ ୨୬ ଲକ୍ଷ ଲୋକ ମୃତ୍ୟୁ ବରଣ କରନ୍ତି :-
ଡବ୍ଲୁଏଚଓ କହିଛି ଯେ, ବିଶ୍ୱରେ ମଦ୍ୟପାନ ଯୋଗୁଁ ପ୍ରତିବର୍ଷ ୨୬ ଲକ୍ଷ ଲୋକ ମୃତ୍ୟୁ ବରଣ କରୁଛନ୍ତି । ଅସ୍ୱାସ୍ଥ୍ୟକର ଖାଦ୍ୟ ଏବଂ ପାନୀୟ ଖାଇବା ଦ୍ୱାରା ୮୦ ଲକ୍ଷରୁ ଅଧିକ ଲୋକ ମୃତ୍ୟୁ ବରଣ କରୁଛନ୍ତି । ମଦ୍ୟପାନ ଏବଂ ଶର୍କରା ପାନୀୟ ଉପରେ ଟ୍ୟାକ୍ସ ବୃଦ୍ଧି ଏହି ମୃତ୍ୟୁକୁ ହ୍ରାସ କରିବ । ଏହା କେବଳ ଏହି ଉତ୍ପାଦଗୁଡିକର ବ୍ୟବହାରକୁ ହ୍ରାସ କରିବ ନାହିଁ, ବରଂ କମ୍ପାନୀଗୁଡିକ ସ୍ୱାସ୍ଥ୍ୟ ପାଇଁ ଉତ୍ତମ ଉତ୍ପାଦ ତିଆରି କରିବାକୁ ଉତ୍ସାହିତ କରିବ ।