ଭାରତର ଆମ୍ବକୁ ଫେରାଇ ଦେଲା ଆମେରିକା! ଫସିଗଲା ୧୫ଟି ଜାହାଜ, କୋଟି କୋଟି ଟଙ୍କାର କ୍ଷତି

ନୂଆଦିଲ୍ଲୀ: ଆମେରିକା ଭାରତର ବନ୍ଧୁ ବୋଲି ସବୁବେଳେ ଦାବି କରିଆସିଛି। ହେଲେ ଏବେ ସେହି ଆମେରିକା ଭାରତର କୋଟି କୋଟି ଟଙ୍କା କ୍ଷତି କରିଛି। କାରଣ ଭାରତରୁ ବିକ୍ରି ହେବାକୁ ଯାଇଥିବା ଆମ୍ୱ ଜାହାଜକୁ ଆମେରିକା ଫେରାଇ ଦେଇଛି।

ଭାରତର ପାଖାପାଖି ୧୫ ଟି ଆମ୍ୱ ଭର୍ତ୍ତି ଜାହାଜକୁ ଆମେରିକା ଫେରାଇ ଦେଇଥିବା ସୂଚନା ମିଳିଛି। ଯାହା ଫଳରେ ଭାରତର କୋଟି କୋଟି ଟଙ୍କା କ୍ଷତି ହୋଇଛି। କେବଳ କ୍ଷତି ହୋଇଛି ତାହା ନୁହେଁ, ଏହି ଘଟଣା ଭାରତ-ଆମେରିକା ବାଣିଜ୍ୟ ସମ୍ପର୍କ ଉପରେ ମଧ୍ୟ ପ୍ରଶ୍ନ ଉଠାଇଛି।

ଆମ୍ୱ ଫେରାଇ ଦେଲା ଆମେରିକା:  ହଁ ଜଣା ପଡିଛି କି ଆମେରିକା ଭାରତର ୧୫ ଟି ଆମ୍ୱ ଭର୍ତ୍ତି ଜାହାଜକୁ ଫେରାଇ ଦେଇଛି। ଆମେରିକାର କଷ୍ଟମ୍ସ ଅଧିକାରୀମାନେ ଡକ୍ୟୁମେଣ୍ଟରେ ଅସଙ୍ଗତି ଯୋଗୁଁ ଲସ୍ ଆଞ୍ଜେଲସ୍, ସାନ୍ ଫ୍ରାନ୍ସିସ୍କୋ ଏବଂ ଆଟଲାଣ୍ଟା ସମେତ ଅନେକ ବିମାନବନ୍ଦରରେ ଭାରତରୁ ପଠାଯାଇଥିବା ଜାହାଜକୁ ଫେରାଇ ଦେଇଛନ୍ତି।

ଏହି ନିଷ୍ପତ୍ତି ଯୋଗୁଁ କେବଳ ଭାରତୀୟ ରପ୍ତାନିକୁ ପ୍ରାୟ ୪.୨ କୋଟି ଟଙ୍କା କ୍ଷତି ହୋଇଛି। କେବଳ ଭାରତ କ୍ଷତି ସହିଛି ତାହା ନୁହେଁ ବରଂ ଏହି ଘଟଣା ଭାରତ-ଆମେରିକା ବାଣିଜ୍ୟ ସମ୍ପର୍କ ଉପରେ ମଧ୍ୟ ପ୍ରଶ୍ନ ଉଠାଇଛି।

ମୁମ୍ୱାଇରୁ ରପ୍ତାନୀ ପୂର୍ବରୁ ମେ’ ୮ ଓ ୯ ତାରିଖରେ ନଭି ମୁମ୍ୱାଇରେ ଥିବା ୟୁନାଇଟେଡ୍ ଷ୍ଟେଟ୍ ଡିପାର୍ଟମେଣ୍ଟ ଅଫ୍‌ ଏଗ୍ରିକଲ୍ଚର୍ ପ୍ରତିନିଧିଙ୍କ ତତ୍ତ୍ୱାବଧାନରେ ଆମ୍ୱଗୁଡ଼ିକୁ ରେଡିଏସନ୍ ଟ୍ରିଟ୍‌ମେଣ୍ଟ ପ୍ରକ୍ରିୟାରେ ଯାଞ୍ଚ କରାଯାଇଥିଲା।

ପିପିକ୍ୟୁ ୨୦୩ ଫର୍ମର ଆବଶ୍ୟକତା ଅନୁସାରେ ଉକ୍ତ ପ୍ରକ୍ରିୟାରେ ଆମ୍ୱକୁ କୀଟାଣୁ ନାଶକ କରି ଏହାକୁ ଅଧିକ ସମୟ ସତେଜ ରଖିବା ପାଇଁ ବିକିରଣ ନିୟନ୍ତ୍ରଣ ଡୋଜ୍ ଦିଆଯାଏ।

ଆମେରିକାକୁ କୌଣସି ଫଳ ରପ୍ତାନି କରିବା ପାଇଁ ଏହି ପ୍ରକ୍ରିୟା ଆପଣାଇବା ବାଧ୍ୟତାମୂଳକ କରାଯାଇଛି। ଏହା କରିବା ସତ୍ତ୍ୱେ ଆମେରିକା ଅଧିକାରୀମାନେ ଏଥିରେ ତ୍ରୁଟି ଥିବା ଦର୍ଶାଇ ଆମ୍ୱକୁ ଗ୍ରହଣ କରିବାକୁ ମନା କରିଦେଇଥିଲେ।

ଭାରତ-ଆମେରିକା ବାଣିଜ୍ୟ ଚୁକ୍ତି ଉପରେ ପ୍ରଭାବ: ଏହି ଘଟଣା ଏପରି ସମୟରେ ସାମ୍ନାକୁ ଆସିଛି ଯେତେବେଳେ ଭାରତ ଏବଂ ଆମେରିକା ବାଣିଜ୍ୟ ଚୁକ୍ତିକୁ ଚୂଡ଼ାନ୍ତ କରିବାକୁ ଚେଷ୍ଟା କରୁଛନ୍ତି।

ପ୍ରସ୍ତାବିତ ଚୁକ୍ତିରେ, ଭାରତ ବୟନଶିଳ୍ପ, ଚମଡା, ଚିଙ୍ଗୁଡ଼ି, ରାସାୟନିକ ପଦାର୍ଥ ଏବଂ ଅଙ୍ଗୁର ଭଳି ଅନେକ ଉତ୍ପାଦ ଉପରେ ଶୁଳ୍କ ଛାଡ଼ ମାଗିଥିବା ବେଳେ, ଆମେରିକା ଶିଳ୍ପ ଉତ୍ପାଦ, ମଦ, ବୈଦ୍ୟୁତିକ ଯାନବାହନ ଏବଂ କ୍ଷୀର ଉତ୍ପାଦ ଉପରେ ରିହାତି ଚାହୁଁଛି।

ଏହି ସମୟରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିଛନ୍ତି ଯେ ଭାରତ ପ୍ରକୃତରେ କୌଣସି ଶୁଳ୍କ ବିନା ଏକ ଚୁକ୍ତି ପ୍ରସ୍ତାବ ଦେଇଛି, ଯେତେବେଳେ ଭାରତୀୟ ପକ୍ଷ ଅନୁଯାୟୀ ସେମାନେ ଏକ ବିଜୟ-ଜୟ ଚୁକ୍ତି ଆଡ଼କୁ ଅଗ୍ରସର ହେଉଛନ୍ତି।