ଗୋଟିଏ ଦିନରେ ୧୦୦ କୋଟି ପାର୍ କଲା ଫିଲ୍ମ ‘ଆନିମଲ’
ମୁମ୍ବାଇ: ଓପନିଂ ଡେ’ ବା ଗୋଟିଏ ଦିନରେ ୧୦୦ କୋଟି ପାର୍ କରିଛି ରଣବୀର କପୁରଙ୍କ ଫିଲ୍ମ ‘ଆନିମଲ’। ଭାରତରେ ୬୩ କୋଟି ରୋଜଗାର କରିଥିବା ବେଳେ ସାରା ବିଶ୍ୱର ସିନେମାଘର ଆୟକୁ ମିଶାଇ ଫିଲ୍ମଟି ଏହି ମାଇଲଷ୍ଟୋନ ସହଜରେ ପାର କରିଛି। ଆଗକୁ ଛୁଟିଦିନ ଆସୁଥିବାରୁ ଏହା ଆହୁରି ଭଲ ରୋଜଗାର କରିବ ବୋଲି କୁହାଯାଉଛି। ତେବେ ବ୍ଲକବଷ୍ଟର ଫିଲ୍ମ ‘ବର୍ଫି’ ପରେ ଅଭିନେତାଙ୍କ ଏହି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଭିନ୍ନ କ୍ରେଜ ଦେଖିବାକୁ ମିଳିଛି।
ସନ୍ଦୀପ ରେଡ୍ଡୀ ଭାଙ୍ଗାଙ୍କ ନିର୍ଦ୍ଦେଶିତ ଫିଲ୍ମ ‘ଆନିମଲ’ ହେଉଛି ଏକ ଗ୍ୟାଙ୍ଗଷ୍ଟାର ଡ୍ରାମାଭିତିକ ସିନେମା । ଯାହାର କାହାଣୀ ବାପା-ପୁଅଙ୍କ ସମ୍ପର୍କକୁ ନେଇ ଗତିଶୀଳ ହୋଇଛି । ଫିଲ୍ମରେ ବାପା ଭୁମିକାରେ ଅନୀଲ କପୁରଙ୍କ ଅଭିନୟ ରହିଛି । ସେହିପରି ପୁଅ ଭୂମିକାରେ ଅଭିନେତା ରଣବୀର କପୁରଙ୍କୁ ଦେଖିବାକୁ ମିଳିଛି । ହିନ୍ଦୀ ଭାଷା ସମତେ ତାମିଲ, ତେଲଗୁ, କନ୍ନଡ, ମାଲାୟଲମ୍ ମୋଟ୍ ୫ଟି ଭାଷାରେ ମୁକ୍ତିଲାଭ କରିଛି ଫିଲ୍ମ ଆନିମଲ୍ । ଏହି ସିନେମା ଜରିଆରେ ପ୍ରଥମ ଥର ପାଇଁ ଏକାଠି ନଜର ଆସିଛନ୍ତି ରଣବୀରଙ୍କ ସହ ସାଉଥ କ୍ରସ ଗାର୍ଲ ବା ଅଭିନେତ୍ରୀ ରଶ୍ମିକା ମନ୍ଦାନା। ‘ଆନିମଲ୍’ରେ ରଣବୀରଙ୍କ ଅଭିନୟ ବ୍ୟତିତ ସୁନ୍ଦରୀ ରଶ୍ମିକା ମନ୍ଦାନାଙ୍କ ସହ ତାଙ୍କ କେମେଷ୍ଟ୍ରି ଲାଇମଲାଇଟ୍ରେ ରହିଛି। ଦର୍ଶକ ମାନେ ଉଭୟଙ୍କ ଯୋଡି ସହ ଫିଲ୍ମ କଣ୍ଟେଣ୍ଟକୁ ଖୁବ ପ୍ରଶଂସା କରୁଥିବା ଦେଖିବାକୁ ମିଳୁଛି।
