ମେଡ଼ିକାଲରେ ପ୍ରସବ କଲେ ଆଉ ଜଣେ ୧୦ମ ଛାତ୍ରୀ

ଯାଜପୁର: ଆଉଜଣେ ୧୦ମ ଛାତ୍ରୀ ମେଡିକାଲରେ ପ୍ରସବ କରିଛନ୍ତି। ବରୀ ବ୍ଲକ ଅଞ୍ଚଳର ୧୦ମ ଶ୍ରେଣୀ କନ୍ୟା ସନ୍ତାନ ଜନ୍ମ ଦେଇଛନ୍ତି। ସୂଚନାନୁଯାୟୀ, ବରୀ ମେଡିକାଲରୁ ଛାତ୍ରୀ ଜଣଙ୍କୁ ଯାଜପୁର ସ୍ଥାନାନ୍ତର କରାଯାଇଛି।

ଫେବୃଆରୀ 25 ତାରିଖରେ ଏଭଳି ଏକ ଘଟଣା ସାମ୍ନାକୁ ଆସିଥିଲା। ହଷ୍ଟେଲରେ ପ୍ରସବ କରିଥିଲେ ୧୦ମ ଶ୍ରେଣୀ ଛାତ୍ରୀ। ପରୀକ୍ଷା ଦେଇ ଫେରିବା ପରେ ହଷ୍ଟେଲରେ କଲେ ପ୍ରସବ। ଚିତ୍ରକୋଣ୍ଡା ଥାନା ଅଞ୍ଚଳରେ ଥିବା ଏକ ବିଦ୍ୟାଳୟରେ ଘଟିଥିଲା ଏଭଳି ଅଭାବନୀୟ ଘଟଣା।

ଏହି ଖବର ପାଇବା ପରେ ଛାତ୍ରୀଙ୍କୁ ଉଦ୍ଧାର କରି ପୋଲିସ ମେଡିକାଲକୁ ପଠାଇଥିଲା। ପ୍ରସବକୁ ନେଇ ବିଦ୍ୟାଳୟ କତ୍ତୃପକ୍ଷଙ୍କୁ ଦାୟୀ କରିଛନ୍ତି ଛାତ୍ରୀଙ୍କ ଅଭିଭାବକ।

ଏହି ଘଟଣାକୁ ନେଇ ପ୍ରଶ୍ନ ଉଠୁଛି ଯେ, ହଷ୍ଟେଲରେ ରହୁଥିବା ଛାତ୍ରୀ ମାଆ କେମିତି ହେଲେ। କାହିଁକି ଛାତ୍ରୀଙ୍କୁ ଦେଇପାରିଲେ ନାହିଁ ସୁରକ୍ଷା। ଏହି ନିରୀହ ଆଦିବାସୀ ଛାତ୍ରୀଙ୍କୁ କିଏ ଶୋଷଣ କରିଛି, ପୋଲିସ ଏ ନେଇ ତଦନ୍ତ ଜାରି ରଖିଛି।