କ୍ରିକେଟ ଜଗତରୁ ଅବସର ପାଇଁ ନେଲେ ନିଷ୍ପତ୍ତି: ୪୫ ବର୍ଷ କ୍ୟାରିୟରରେ ପଡିଲା ପୂର୍ଣ୍ଣଚ୍ଛେଦ
ନୂଆଦିଲ୍ଲୀ: କ୍ରିକେଟ ଜଗତରୁ ଅବସର ପାଇଁ ଘୋଷଣା କରିଛନ୍ତି ଆଉ ଜଣେ କିମ୍ବଦନ୍ତୀ । ଅଷ୍ଟ୍ରେଲିଆର ପୂର୍ବତନ ଅଧିନାୟକ ତଥା କମେଣ୍ଟ୍ରେଟର ଇଆନ ଚାପେଲ ସନ୍ନ୍ୟାସ ପାଇଁ ଘୋଷଣା କରିଛନ୍ତି । କ୍ରିକେଟ କମେଣ୍ଟ୍ରି ଦୁନିଆରୁ ଅବସର ନେବା ପାଇଁ ନିଷ୍ପତ୍ତି ନେଇଛନ୍ତି ଇଆନ ଚାପେଲ । ଏଥି ସହିତ ୪୫ ବର୍ଷର ଏକ ଲମ୍ବା କ୍ୟାରିୟରରେ ସେ ପୂର୍ଣ୍ଣଚ୍ଛେଦ ପକାଇଛନ୍ତି ।
ଖେଳରେ ନିଜ ବୁଦ୍ଧିମାନ ବିଚାର ଏବଂ ଏସବୁକୁ ବର୍ଣ୍ଣନା କରିବାର ସରଳ ଉପାୟ ପାଇଁ ।ରା ବିଶ୍ୱରେ ସ୍ୱତନ୍ତ୍ର ପରିଚୟ ପାଇଛନ୍ତି ଚାପେଲ । ରିଚି ବିନାଉଡ, ଟନି ଗ୍ରେଗ୍ ଏବଂ ବିଲ ଲରୀଙ୍କ ସହିତ ୩ ଦଶକରୁ ଅଦିକ ସମୟ ପର୍ଯ୍ୟନ୍ତ ଅଷ୍ଟ୍ରେଲିଆର କ୍ରିକେଟର ବ୍ରଡକାଷ୍ଟିଙ୍ଗ ଟିମର ଚାପେଲ ଜଣେ ସଦସ୍ୟ ରହିଥିଲେ । ତେବେ ୪୫ ବର୍ଷ କ୍ରିକେଟ କମେଣ୍ଟ୍ରି କରିବା ପରେ ଆଜି ଏଥିରୁ ସନ୍ନ୍ୟାସ ନେଇ ସେ ଘୋଷଣା କରିଛନ୍ତି ।
ଅବସର ଘୋଷଣା କରିବା ସହିତ ସେ ଖୁବ ଇମୋସନାଲ ହୋଇଛନ୍ତି । ଚାପେଲ କହିଛନ୍ତି ଯେ, ଏହିସବୁ ଦିନ ମୋତେ ନିଶ୍ଚୟ ମନେ ରହିବ, ଯେବେ ମୋ ପାଖରେ କ୍ରିକେଟ ଖେଳିବା ପାଇଁ ଉଚିତ ସମୟ ଥିଲା । କିନ୍ତୁ କ୍ରିକେଟରୁ ବିଦାୟ ନେବା ପାଇଁ ମୁଁ ନିଷ୍ପତ୍ତି ନେଇ କମେଣ୍ଟ୍ରି ବକ୍ସରେ ପାଦ ଥାପିଥିଲି ।’ ତେବେ ଆଜି ଏହି ଯାତ୍ରାରେ ପୂର୍ଣ୍ଣଚ୍ଛେଦ ପଡିଛି ।
