ବିଶେଷ ଢଙ୍ଗରେ କୋହଲିଙ୍କୁ ବାର୍ଥ ଡେ’ ୱିସ୍ କଲେ ଅନୁଷ୍କା ଶର୍ମା, ପୋଷ୍ଟ ସେୟାର କରି କହିଲେ ଏହି କଥା
ନୂଆଦିଲ୍ଲୀ: ଟିମ୍ ଇଣ୍ଡିଆର ପୂର୍ବତନ ଅଧିନାୟକ ତଥା ତାରକା ବ୍ୟାଟ୍ସମ୍ୟାନ୍ ବିରାଟ କୋହଲି ଆଜି ତାଙ୍କର ୩୫ ତମ ଜନ୍ମଦିନ ପାଳନ କରୁଛନ୍ତି। ଏହି ବିଶେଷ ଦିନରେ ବିରାଟ କୋହଲିଙ୍କୁ ସମଗ୍ର ବିଶ୍ୱ ଅନେକ ଜନ୍ମଦିନର ଶୁଭେଚ୍ଛା ଜଣାଉଛନ୍ତି। ବିରାଟଙ୍କ ପ୍ରଶଂସକମାନେ ତାଙ୍କୁ ସୋସିଆଲ ମିଡିଆରେ ଜନ୍ମଦିନର ଶୁଭେଚ୍ଛା ଜଣାଉଛନ୍ତି।
ଏଭଳି ପରିସ୍ଥିତିରେ ତାଙ୍କ ପତ୍ନୀ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ତାଙ୍କୁ ଶୁଭେଚ୍ଛା ନ ଜଣାଇ କିପରି ରହିପାରିବେ? ଅନୁଷ୍କା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସ୍ୱାମୀ ବିରାଟଙ୍କ ପାଇଁ ଏକ ସ୍ୱତନ୍ତ୍ର ପୋଷ୍ଟ ମଧ୍ୟ ସେୟାର କରିଛନ୍ତି। ଅଭିନେତ୍ରୀ ବିରାଟ ବୋଲିଂର ଏକ ଚିତ୍ର ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ଏହି ଫଟୋରେ ସେ କହିଛନ୍ତି ଯେ, ବିରାଟ କିପରି ବିନା ଲିଗାଲ ବଲ୍ ପକାଇ ନିଜ ଟି-୨୦ କ୍ୟାରିୟରର ପ୍ରଥମ ୱିକେଟ ନେଇଥିଲେ।
ଯଦିଓ ବିରାଟ ନିଜର ଉତ୍କୃଷ୍ଟ ବ୍ୟାଟିଂ ପାଇଁ ସାରା ବିଶ୍ୱରେ ପ୍ରସିଦ୍ଧ, କିନ୍ତୁ ଏହି ପୋଷ୍ଟ ମାଧ୍ୟମରେ ଅନୁଷ୍କା ଏକ ରେକର୍ଡ ବିଷୟରେ କହିଛନ୍ତି ଯାହା ଶ୍ରେଷ୍ଠ ବୋଲରମାନେ ମଧ୍ୟ ହାସଲ କରିପାରିନାହାଁନ୍ତି। ଅନୁଷ୍କାଙ୍କ ଏହି ପୋଷ୍ଟ ବହୁତ ଭାଇରାଲ ହେବାରେ ଲାଗିଛି। ଏହି ଫଟୋ ଶେୟାର କରିବାବେଳେ ଅନୁଷ୍କା ଲେଖିଛନ୍ତି ଯେ, ସେ ଜୀବନର ପ୍ରତ୍ୟେକ ଭୂମିକାରେ ଉତ୍କୃଷ୍ଟ ଏବଂ ତାଙ୍କ କ୍ୟାପରେ କିଛି ନୂତନ ସଫଳତା ଯୋଡିଛନ୍ତି। ଏହି ଜୀବନରେ ମୁଁ ତୁମକୁ ଏହିପରି ଭଲ ପାଏ ଏବଂ ସବୁବେଳେ, ପ୍ରତ୍ୟେକ ମୁହୂର୍ତ୍ତ, ଯାହା ହେଉନା କାହିଁକି।
View this post on Instagram
