କଟ୍ରିନା-ଭିକିଙ୍କ ବିବାହରେ ଯୋଗଦେବେ ଅନୁଷ୍କା-ବିରାଟ, ଝିଅ ଭାମିକା ବି ରହିବେ ସାମିଲ!
ମୁମ୍ବାଇ: ବଲିଉଡ୍ ର ଲଭ୍ ବାର୍ଡସ୍ କଟ୍ରିନା କୈଫ୍ ଇ ଭିକି କୌଶଲଙ୍କ ବିବାହକୁ ନେଇ ସବୁଠି ଚର୍ଚ୍ଚାର ମାହୋଲ ରହିଛି । ବିବାହକୁ ନେଇ ପ୍ରତ୍ୟେକ ଦିନ ଦିନ ନୂଆ ଅପଡେଟ୍ ସାମନାକୁ ଆସୁଛି । ଆଉଟଫିଟ୍, ମେକଅପ୍, ଅତିଥିଙ୍କ ଲିଷ୍ଟଙ୍କୁ ନେଇ ଜବରଦସ୍ତ ଚର୍ଚ୍ଚା ହେଉଛି । ହେଲେ ଏବେ ଦମ୍ପତିଙ୍କ ବିବାହରେ କିଛି ସ୍ପେଶାଲ୍ ଅତିଥି ଯୋଗଦେବା ନେଇ ଖବର ମିଳିଛି । ଅନ୍ୟପଟେ କୋଭିଡ୍ ର ନୂତନ ଭାରିଆଣ୍ଟକୁ ନେଇ ଅତିଥିଙ୍କ ସଂଖ୍ୟା କମ୍ କରିବା କଟ୍ରିନା-ଭିକି ଯୋଜନା କରୁଛନ୍ତି ।
ତେବେ ସ୍ୱତନ୍ତ୍ର ଅତିଥିଙ୍କ କଥା କହିବାକୁ ଗଲେ, ଭିକି-କଟ୍ରିନାଙ୍କ ବିବାହରେ ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା, ବିରାଟ କୋହଲି ଓ ତାଙ୍କ ଝିଅ ଭାମିକା ଯୋଗଦେବା କଥା ବିଶେଷ ସୁତ୍ରରୁ ଜଣାପଡ଼ିଛି । ତେବେ ସେମାନଙ୍କ ପାଖକୁ ନିମନ୍ତ୍ରଣ ପଠାଯାଇସାରିଛି । ରିପୋର୍ଟ ଅନୁସାରେ, କଟ୍ରିନା ଓ ଅନୁଷ୍କା ଦୁହିଁଙ୍କ ମଧ୍ୟରେ ଏକ ଖାସ୍ ବନ୍ଧୁତ୍ୱ ରହିଛି । ଦୁହେଁ ଫିଲ୍ମ ଜବ୍ ତକ୍ ହେ ଜାନ୍ ରେ ଏକାଠି କାମ କରିଥିଲେ । ଫିଲ୍ମ ପରଠାରୁ ଦୁହିଁଙ୍କ ମଧ୍ୟରେ ଏକ ଖାସ୍ ବଣ୍ଡିଂ ତିଆରି ହୋଇଥିଲା ।
