Breaking: କଟକ ବାଲିଯାତ୍ରା ପଡ଼ିଆରୁ ଆୟୁଷ୍ମାନ କାର୍ଡର ଶୁଭାରମ୍ଭ, ଆଧାରକାର୍ଡରେ ବି ପାଇପାରିବେ ସୁବିଧା

କଟକ: କଟକରୁ ହେବ ଆୟୁଷ୍ମାନ ଭାରତ କାର୍ଡର ଶୁଭାରମ୍ଭ। ଏପ୍ରିଲ ୧୧ ତାରିଖରେ କଟକ ବାଲିଯାତ୍ରା ପଡିଆରେ ହେବ ଆୟୁଷ୍ମାନ ଭାରତର ଶୁଭାରମ୍ଭ। ଆଉ ଓଡ଼ିଶାରେ ଏହି ଆୟୁଷ୍ମାନ କାର୍ଡର ଶୁଭାରମ୍ଭ କରିବେ କେନ୍ଦ୍ର ସ୍ୱାସ୍ଥ୍ୟାମନ୍ତ୍ରୀ ଜେପି ନଡ୍ଡା।

ଏଥିପାଇଁ ନଡ୍ଡା ୩ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି। ୧୦ ତାରିଖ ଦିନ ବିଳମ୍ୱିତ ରାତିରେ ଭୁବନେଶ୍ୱରରେ ପହଞ୍ଚିବେ। ଆଉ ୧୧ ତାରିଖ ଦିନ ଯୋଜନାର ଶୁଭାରମ୍ଭ କରିବେ। ଏଥିପାଇଁ ବାଲିଯାତ୍ରା ପଡିଆରେ ପହଞ୍ଚି ସମୀକ୍ଷା କରିଛନ୍ତି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ।

ପୂର୍ବରୁ ବିଜେପି ଯେତେବେଳେ ବିରୋଧୀ ଦଳରେ ଥିଲା । ସେତେବେଳେ ଆୟୁଷ୍ମାନ ଯୋଜନା ଲାଗୁ କରିବାକୁ ଦାବି ରଖିଥିଲା। ଯାହା ଏବେ କାର୍ଯ୍ୟକାରୀ ହେବାକୁ ଯାଉଛି। ଆଗକୁ ଉଭୟ ଆୟୁଷ୍ମାନ ଭାରତ ଓ ଗୋପବନ୍ଧୁ ଜନ ଆରୋଗ୍ୟ ଯୋଜନାରେ ରାଜ୍ୟବାସୀ ଲାଭ ପାଇବେ।

ଏପରିକି ଆଧାରକାର୍ଡରେ ବି ଲୋକମାନେ ଏ ସୁବିଧା ପାଇପାରିବେ। ନୂଆକାର୍ଡ ନପହଞ୍ଚିଥିଲେ ପୂରୂଣା କାର୍ଡରେ ମଧ୍ୟ ଲୋକମାନେ ଏହି ଯୋଜନାରେ ଲାଭ ପାଇପାରିବେ। ଏବଂ ଦେଶର ୨୯ ହଜାର ହସ୍ପିଟାଲରେ ଚିକିତ୍ସା ସୁବିଧା ପାଇପାରିବେ ବୋଲି କହିଛନ୍ତି ମୁକେଶ ମହାଲିଙ୍ଗ।

ଏହି ଶୁଭାରମ୍ଭ କାର୍ଯ୍ୟକ୍ରମରେ ଯୋଗଦେବେ କେନ୍ଦ୍ର ସ୍ୱାସ୍ଥ୍ୟାମନ୍ତ୍ରୀ ଜେପି ନଡ୍ଡା, ମୁଖ୍ୟମନ୍ତ୍ରୀ ମୋହନ ଚର ମାଝୀ। ଦୁଇ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ଓ କନକ ବର୍ଦ୍ଧନ ସିଂଦେଓ। ଏହାସହ ତିନି ଜଣ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ୱିନୀ ବୈଷ୍ଣବ ଏବଂ ଜୁଏଲ ଓରାମ।