ବ୍ରେଭିସଙ୍କ ପାଇଁ ଲଢିଲେ ୩ ଫ୍ରାଞ୍ଚାଇଜି: ୩ କୋଟିରେ କିଣିଲା ମୁମ୍ବାଇ ଇଣ୍ଡିଆନ୍ସ
ନୂଆଦିଲ୍ଲୀ: ସାଉଥ୍ ଆଫ୍ରିକାର ୧୯ ବର୍ଷୀୟ ଖେଳାଳି ଡେୱାଲ୍ଡ ବ୍ରେଭିସ୍ ୩ କୋଟିର ଚେକ୍ ହାସଲ କରିଛନ୍ତି । ୧୯ ବର୍ଷରୁ କମ୍ ବିଶ୍ୱକପରେ ଶିଖର ଧୱନଙ୍କ ୧୪ ବର୍ଷର ରେକର୍ଡ ଭାଙ୍ଗିଥିବା ବ୍ରେଭିସଙ୍କୁ ୩ କୋଟି ଟଙ୍କାରେ କିଣିଛି ମୁମ୍ବାଇ । ବ୍ରେଭିସଙ୍କ ବିଶ୍ୱକପ୍ ପ୍ରଦର୍ଶନ ପରେ ବଡ ଆଇପିଏଲ୍ କଣ୍ଟ୍ରାକ୍ଟ ଆଶା କରାଯାଉଥିଲା । ୨୦ ଲକ୍ଷ ବେସ୍ ପ୍ରାଇସ୍ ଥିବା ବ୍ରେଭିସଙ୍କୁ ନେବା ପାଇଁ ଚେନ୍ନାଇ, ପଞ୍ଜାବ ଓ ମୁମ୍ବାଇ । ତେବେ ୩ କୋଟିର ବିଡ୍ ସହିତ ମୁମ୍ବାଇ ବ୍ରେଭିସଙ୍କୁ କିଣି ନେଇଥିଲା । ବେବି ଏବି ନାମରେ ପରିଚିତ ବ୍ରେଭିସ୍ ପଡିଆର ଚାରିଦିଗକୁ ଶଟ୍ ମାରିବାର ଦକ୍ଷତା ରଖିଥାନ୍ତି ।
ଅନ୍ୟ ପକ୍ଷରେ ଭାରତୀୟ ଅନକ୍ୟାପଡ ଖେଳାଳି ଅଭିନବ ସଦରଙ୍ଗାନିଙ୍କୁ ୨.୬କୋଟି ଟଙ୍କାରେ କିଣିଛି ଗୁଜରାଟ ଟାଇଟାନ୍ସ । ଅଭିନବ ସଦରଙ୍ଗାନଙ୍କ ବେସ୍ ପ୍ରାଇସ ୨୦ ଲକ୍ଷ ଟଙ୍କା ରହିଥିବା ବେଳେ ତାଙ୍କୁ ନେବା ପାଇଁ କେକେଆର ଆଗ୍ରହ ପ୍ରକାଶ କରିଥିଲା । ସେହିପରି ୪୦ ଲକ୍ଷ ବେସ୍ ପ୍ରାଇସ୍ ରଖିଥିବା ରାହୁଲ ତ୍ରିପାଠୀ ୮.୫ କୋଟି ଟଙ୍କାରେ ବିକ୍ରି ହୋଇଛନ୍ତି । ୬ କୋଟି ଯାଏଁ କେକେଆର ରାହୁଲଙ୍କ ପାଇଁ ବିଡ୍ କରିଥିଲା । ତେବେ ଶେଷରେ ୮.୫ କୋଟି ଟଙ୍କା ବିଡିଂ ସହିତ ସନରାଇଜର୍ସ ବାଜି ମାରି ନେଇଥିଲା ।
