(Video) ମନ୍ଦିର ପ୍ରସାଦରୁ ବାହାରୁଛି ମୂଷା ଛୁଆ: ତିରୁପତି ପରେ ସିଦ୍ଧିବିନାୟକ ମନ୍ଦିରକୁ ନେଇ ବିବାଦ…
ନୂଆଦିଲ୍ଲୀ: ବିଶ୍ୱ ପ୍ରସିଦ୍ଧ ତିରୁପତି ବାଲାଜୀ ମନ୍ଦିରର ଲଡୁରେ ପଶୁଙ୍କ ଚର୍ବି ମିଳିବା ମାମଲାକୁ ନେଇ ବର୍ତ୍ତମାନ ସାରା ଭାରତରେ ଚର୍ଚ୍ଚା ହେଉଛି । ଏହି ମାମଲା ଜୋର ଧରିଥିବା ବେଳେ ବର୍ତ୍ତମାନ ମୁମ୍ବାଇର ପ୍ରସିଦ୍ଧ ସିଦ୍ଧିବିନାୟକ ମନ୍ଦିରକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଭାରତ ପ୍ରସିଦ୍ଧ ଏହି ମନ୍ଦିରର ପ୍ରସାଦରେ ମିଳିଛି ମୂଷା ଛୁଆ । ଏହି ଘଟଣାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ତେବେ ପ୍ରସାଦରେ ଏଭଳି ସବୁ ଜିନିଷ ମିଳିବା ହିନ୍ଦୁ ଭକ୍ତଙ୍କ ଆସ୍ଥା ଏବଂ ବିଶ୍ୱାସକୁ ନେଇ ଖେଳୁଥିବା କୁହାଯାଇଛି ।
ସୂଚନା ଅନୁସାରେ, ମୁମ୍ବାଇର ପ୍ରଭାଦେବୀରେ ଅବସ୍ଥିତ ଶ୍ରୀ ସିଦ୍ଧି ବିନାୟକ ମନ୍ଦିର ପ୍ରତି ଲୋକଙ୍କର ଖୁବ ଆସ୍ଥା ରହିଛି । ଏହି ମନ୍ଦିରରେ ଅଗ୍ରପୂଜ୍ୟ ପ୍ରଭୁ ଶ୍ରୀଗଣେଶ ପୂଜା ପାଇଥାନ୍ତି । କିନ୍ତୁ ଏହି ମନ୍ଦିରର ଏକ ଭିଡିଓ ବର୍ତ୍ତମାନ ଭାଇରାଲ ହେବାକୁ ଲାଗିଛି । ଯାହାକୁ ନେଇ ମନ୍ଦିର ପ୍ରଶାସନ ଉପରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି । ମନ୍ଦିରର ପ୍ରସାଦରେ ମୂଷା ଛୁଆ ମିଳିଥିବା ମାମଲା ଚର୍ଚ୍ଚାକୁ ଆସିଥିବା ବେଳେ ଏହାର ଏକ ଭିଡିଓ ଭାଇରାଲ ହେଉଛି । ଏହି ଭିଡିଓର ଏକ ଟ୍ରେ’ରେ ସିଲ୍ ପ୍ୟାକ ହୋଇଥିବା ଏକ ଲେଡଲ ରହିଛି । କିନ୍ତୁ ଗୋଟିଏ ପ୍ୟାକେଟରେ ଏକ ମୂଷା ଛୁଆ ଥିବା ଦେଖିବାକୁ ମିଳିଛି । ଏହି ପ୍ରସାଦ ମୁମ୍ବାଇର ସିଦ୍ଧିବିନାୟକ ମନ୍ଦିରର ବୋଲି ଦାବି ହେଉଛି । ତେବେ ଏହି ମାମଲାକୁ ନେଇ ବର୍ତ୍ତମାନ କଡ଼ା ଆକ୍ସନ ପାଇଁ ଦୀବି କରାଯାଉଛି ।
सिद्धिविनायक मंदिरातील प्रसादावर उंदरांची पिल्ले सापडल्याचा दावा सोशल मीडियावर व्हायरल होणाऱ्या व्हिडिओमध्ये केला जातआहे. pic.twitter.com/e9VS1k6HuO
— Viral Content (@ViralConte97098) September 24, 2024
ସୂଚନା ଅନୁସାରେ, ସିଦ୍ଧିବିନାୟକ ମନ୍ଦିରର ପ୍ରସାରୁ ମିଳିଥିବା ଏହି ପ୍ରସାଦକୁ ନେଇ ପ୍ରତିକ୍ରିୟା ରଖିଛନ୍ତି ସିଦ୍ଧି ବିନାୟକ ଗଣପତି ମନ୍ଦିର ଟ୍ରଷ୍ଟ ଅଧ୍ୟକ୍ଷ ତଥା ବିଧାୟକ ସଦା ସରବଣକର । ଭିଡିଓରେ ହୋଇଥିବ ସିଦ୍ଧି ବିନାୟକ ଟ୍ରଷ୍ଟର ନହେଁ ବୋଲି କହିଛନ୍ତି ମନ୍ଦିରର ଟ୍ରଷ୍ଟ ଅଧ୍ୟକ୍ଷ । ସେ କହିଛନ୍ତି ଯେ, ପ୍ରସାଦ ପ୍ରସ୍ତୁତ ହେଉଥିବା ସ୍ଥାନ ଖୁବ ସଫା-ସୁତୁରା ରହିଛି । ଏହାବ୍ୟତୀତ ମୁମ୍ବାଇ ନଗର ନିଗମର ଲ୍ୟାବରେ ପରୀକ୍ଷଣ ପରେ ହିଁ ପ୍ରସାଦରେ କାଜୁ ଏବଂ ଘିଅ ବ୍ୟବହୃତ ହୋଇଥାଏ । ସେହିପରି ବ୍ୟବହୃଥ ପାଣି ମଧ୍ୟ ପରୀକ୍ଷା କରାଯାଏ । ଭକ୍ତଙ୍କୁ ଦିଆ ଯାଉଥିବା ପ୍ରସାଦ ସମ୍ପୂର୍ଣ୍ଣ ଶୁଦ୍ଧ ରଖିବା ଉପରେ ବିଶେଷ ଗୁରୁତ୍ୱ ଦିଆଯାଉଛି । ତେବେ ଭାଇରାଲ ହେଉଥିବା ଭିଡିଓ ସିଦ୍ଧିବିନାୟକ ମନ୍ଦିରର ନୁହେଁ ବୋଲି ସେ ପ୍ରକାଶ କରିଛନ୍ତି ।
#WATCH | Mumbai: Sada Sarvankar, Shiv Sena leader & Chairperson of Shree Siddhivinayak Ganapati Temple Trust (SSGT) says, “The place where prasad of Lord Ganesh is prepared here is very neat and clean. We make all efforts to keep it very clean. Ghee, cashew and whatever else goes… pic.twitter.com/65p89KUwiL
— ANI (@ANI) September 24, 2024
