ଚାର୍ଜ କରୁଥିଲେ ବ୍ୟାଟେରୀ ଗାଡ଼ି; ବାଇକ୍, ସ୍କୁଟି ସହ ସାଇକେଲରେ ଲାଗିଲା ନିଆଁ

ସୁନ୍ଦରଗଡ଼: ଆଜିକାଲି ଅଧିକାଂଶ ଲୋକମାନେ ବ୍ୟାଟେରୀ ଗାଡ଼ି ବ୍ୟବହାର କରୁଛନ୍ତି । ବେଳେ ବେଳେ ବ୍ୟାଟେରୀକୁ ନେଇ ଅନେକ ସମସ୍ୟା ଦେଖାଯାଉଥିବା ବେଳେ ଲୋକମାନେ ଅଭିଯୋଗ ମଧ୍ୟ କରୁଛନ୍ତି । ଏଥିମଧ୍ୟରେ ଏକ ବ୍ୟାଟେରୀ ଗାଡ଼ିରୁ ନିଆଁ ଲାଗି ୪ଟି ଗାଡ଼ି ଜଳିଯାଇଥିବା ସୂଚନା ମିଳିଛି । ସୁନ୍ଦରଗଡ଼ ସରକାରୀ ମହାବିଦ୍ୟାଳୟ ରାସ୍ତାରେ ଜଣେ ବ୍ୟକ୍ତି ବ୍ୟାଟୋରୀ ସ୍କୁଟିକୁ ଚାର୍ଜରେ ବସାଇଥିବା ବେଳେ ସେଥିରେ ନିଆଁ ଲାଗିଥିଲା । ଏହା ପରେ ସ୍କୁଟିରୁ ନିଆଁ ଲାଗି ବାଇକ୍ ଓ ୩ ସ୍କୁଟି ସହ ସାଇକେଲ ଜଳିଯାଇଥିଲା । ଏହି ଦୃଶ୍ୟ ଦେଖି ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।