ନୂଆରୂପରେ ଫେରିଲା ପବ୍ଜୀ: ଜାଣନ୍ତୁ କେମିତି କରିବେ ଡାଉନଲୋଡ
ନୂଆଦିଲ୍ଲୀ: ଅପେକ୍ଷାର ଘଟିଛି ଅନ୍ତ, ନୂଆ ରୂପରେ ଫେରିଛି ପବ୍ଜୀ ମୋବାଇଲ । ବ୍ୟାଟେଲଗ୍ରାଉଣ୍ଡ ମୋବାଇଲ ଇଣ୍ଡିଆ ନାମରେ ପୁଣିଥିରେ ଭାରତରେ ଲଞ୍ଚ ହୋଇଛି । କିଛି ଦିନ ତଳେ ଏହି ଗେମର ବିଟା ଟେଷ୍ଟିଂ ଆରମ୍ଭ ହୋଇଥିଲା । ଆଉ ଏବେ ଏହା ସମସ୍ତଙ୍କ ପାଇଁ ଉପଲବ୍ଧ କରାଯାଇଛି । ହେଲେ ଏବେବି ଏହା ଆଇଓଏସ ପାଇଁ ଉପଲବ୍ଧ ହୋଇନାହିଁ । ଆଶା କରାଯାଉଛି ଏହା ଖୁବ୍ ଶୀଘ୍ର ଆଇଓଏସ ପାଇଁ ମଧ୍ୟ ଉପଲବ୍ଧ ହେବ ।
ତେବେ ଆଣ୍ଡ୍ରଏଡ୍ ବ୍ୟବହାରକାରୀ ଗେମକୁ ପ୍ଲେ ଷ୍ଟୋରରୁ ଡାଉନଲୋଡ କରିପାରିବେ । ଏପର୍ଯ୍ୟନ୍ତ ଏହାକୁ ୫୦ ଲକ୍ଷ ଲୋକ ଡାଉନଲୋଡ କରିସାରିଲେଣି । ଏହାସହ ଗେମ୍ ର ୧ କୋଟି ଡାଉନଲୋଡ ହେବା ପରେ କମ୍ପାନୀ ତରଫରୁ ସ୍ୱତନ୍ତ୍ର ପୁରସ୍ମାର ମଧ୍ୟ ରହିଛି । ଏହି ଗେମ୍ ହେଉଛି ପବ୍ଜୀର ଭାରତୀୟ ଭର୍ଜନ । ଭାରତ ସରକାରଙ୍କ ପକ୍ଷରୁ ଦିଆଯାଇଥିବା ନିର୍ଦ୍ଦେଶ ଅନୁଯାୟୀ ଏଥିରେ ପରିବର୍ତ୍ତନ କରାଯାଇ ପୁଣିଥରେ ଏହାକୁ ଭାରତରେ ଲଞ୍ଚ କରାଯାଇଛି ।
