ବିୟର ବି ହୋଇଥାଏ ଏକ୍ସପାୟର; ଯଦି ନ ଦେଖି ପିଅନ୍ତି ତେବେ ଶରୀର ଉପରେ ପଡ଼ିବ ଏଭଳି ପ୍ରଭାବ…
ଓଡ଼ିଶା ଭାସ୍କର: ମଦ ବିଷୟରେ କୁହାଯାଏ ଯେ ଏହା ଯେତେ ପୁରୁଣା ହେବ, ଏହାର ମୂଲ୍ୟ ସେତେ ଅଧିକ ବଢିଥାଏ । କିନ୍ତୁ ବିୟର କ୍ଷେତ୍ରରେ ଏହା ହୁଏ ନାହିଁ । ଯଦି ବିୟର ଅତ୍ୟଧିକ ପୁରୁଣା ହୋଇଯାଏ କିମ୍ବା ଶେଷ ହୋଇଯାଏ, ତେବେ ଏହାକୁ ପିଇବା ଉଚିତ୍ ନୁହେଁ । ଅଧିକାଂଶ ସମୟରେ ଲୋକେ ବିୟର କିଣିବା ପରେ ଏକ୍ସପାୟରି ଡେଟ୍ ପଢୁନାହାନ୍ତି, କିନ୍ତୁ ଏପରି କରିବା ଭୁଲ୍ । ଯଦି ଆପଣ ଭୁଲବଶତଃ ଅବଧି ସମାପ୍ତ ହୋଇଥିବା ବିୟର ପିଅନ୍ତି, ତେବେ ଆପଣ ଏପରି ସମସ୍ୟାରେ ପଡ଼ିପାରନ୍ତି ।
ପ୍ରତ୍ୟେକ ବିୟରର ଏକ୍ସପାୟରି ଡେଟ୍ ଅଲଗା ଅଲଗା ଅଟେ । ତେବେ ଅଧିକାଂଶ ବିୟର ସାଧାରଣତଃ ୬ ମାସ ମଧ୍ୟରେ ଶେଷ ହୋଇଯାଏ । ତେଣୁ ବିୟର କିଣିବା ସମୟରେ ଏହାର ମ୍ୟାନୁଫ୍ୟାକ୍ଚର୍ ଡେଟ୍ ଓ ଏକ୍ସପାୟରି ଡେଟ୍ ନିଶ୍ଚୟ ଯାଞ୍ଚ କରନ୍ତୁ। ଯଦି ବିୟରର ଅବଧି ଶେଷ ହୋଇଛି କିମ୍ବା କେଉଁଠାରୁ ଲିକ୍ ହେଉଛି, ତେବେ ଏହାକୁ କେବେ ବି କିଣନ୍ତୁ ନାହିଁ। ଯଦି ଆପଣ ଖରାପ ବିୟର ପିଅନ୍ତି ତେବେ ଆପଣଙ୍କୁ ଫୁଡ୍ ପଏଜନିଂ ହୋଇପାରେ । ଏହା ବ୍ୟତୀତ ଆପଣ ଗୁରୁତର ଅସୁସ୍ଥ ମଧ୍ୟ ହୋଇପାରନ୍ତି ।
ଏବେ ପ୍ରଶ୍ନ ଉଠୁଛି ଯେ, ଯେତେବେଳେ ମଦ ପୁରୁଣା ହେଲେ ଅଧିକ ବିଳାସପୂର୍ଣ୍ଣ ହୋଇଯାଏ, ତା’ର ଦାମ୍ ବଢିଯାଏ, ତେବେ ବିୟର ରେ କାହିଁକି ନୁହେଁ । ବିୟର ପୁରୁଣା ହେଲେ କାହିଁକି ଖରାପ ହୋଇଯାଏ, କିନ୍ତୁ ଏଥିରେ ଆଲକୋହଲ ମଧ୍ୟ ଥାଏ? ବାସ୍ତବରେ, ମଦ ଖରାପ ହୁଏ ନାହିଁ କାରଣ ଏହାକୁ ତିଆରି କରିବାର ପଦ୍ଧତି ଅଲଗା ଅଟେ ଏବଂ ଏଥିରେ ଆଲକୋହଲର ମାତ୍ରା ମଧ୍ୟ ବହୁତ ଅଧିକ ଥାଏ, ଯାହା ଏହାକୁ ଖରାପ ହେବାକୁ ଦିଏ ନାହିଁ ।
ତେବେ ବିୟରରେ ମାତ୍ର ୬ରୁ ୮ ପ୍ରତିଶତ ଆଲକୋହଲ ରହିଥାଏ। ଏହା ସହିତ ବିୟର ପ୍ରସ୍ତୁତ କରିବା ପାଇଁ ଶସ୍ୟ ବ୍ୟବହାର କରାଯାଏ । ଏହି କାରଣରୁ କିଛି ଦିନ ପରେ ବିୟର ଖରାପ ହୋଇଯାଏ ।
