ରଥଯାତ୍ରା ପୂର୍ବରୁ ମହାପ୍ରଭୁଙ୍କୁ କାହିଁକି ହୁଏ ଜ୍ୱର, ଜାଣନ୍ତୁ କିପରି ହୋଇଥାଏ ଚିକିତ୍ସା

Advertisement

ଓଡ଼ିଶା ଭାସ୍କର: ପାଖେଇ ଆସୁଛି ଭକ୍ତ ଏବଂ ଭଗବାନଙ୍କ ମିଳନର ପର୍ବ ରଥଯାତ୍ରା । ଏଥିପାଇଁ ସାରା ବିଶ୍ୱ ଚଳଚଞ୍ଚଳ ହୋଇଉଠିଛି । ପୁରୀରେ କୋଟି କୋଟି ଲୋକେ ଏହି ପର୍ବରେ ସାମିଲ ହୋଇଥାଆନ୍ତି । ଏହି ରଥଯାତ୍ରା ପୂର୍ବରୁ ମହାପ୍ରଭୁଙ୍କର ସ୍ନାନପୂର୍ଣ୍ଣିମା ପର୍ବ ପାଳନ କରାଯାଇଥାଏ । ଏହା ପରେ ମହାପ୍ରଭୁଙ୍କୁ ଜ୍ୱର ହୋଇଥାଏ । ଅଣସର ଘରେ ମହାପ୍ରଭୁ ୧୫ ଦିନ ପର୍ଯ୍ୟନ୍ତ ରହିଥାଆନ୍ତି । ତେବେ ଆସନ୍ତୁ ଜାଣିବା କାହିଁକି ଜଗନ୍ନାଥଙ୍କୁ ଜ୍ୱର ଆସିଥାଏ ଏବଂ ଏହାର ଚିକିତ୍ସା ପରମ୍ପରା କଣ ରହିଛି ।

ପୁରୀରେ ରଥଯାତ୍ରାର ଆୟୋଜନ ଆଷାଢ଼ ମାସ ଶୁକ୍ଳ ପକ୍ଷର ଦ୍ୱିତୀୟ ତିଥିରେ କରାଯାଇଥାଏ । ଏହି ଯାତ୍ରା ପୂର୍ବରୁ ଭଗବାନ ଜଗନ୍ନାଥଙ୍କୁ ଜ୍ୱର ହୋଇଥାଏ । ବର୍ତ୍ତମାନ ସେ ଅଣସର ଘରେ ଏକାନ୍ତରେ ଅଛନ୍ତି । ଏହି ଜ୍ୱର ହେବା ପରେ ଭକ୍ତଙ୍କ ପାଇଁ ଦର୍ଶନ ବନ୍ଦ କରାଯାଇଥାଏ । ବୈଦ୍ୟ ପ୍ରଭୁଙ୍କର ଚିକିତ୍ସା କରିଥାଆନ୍ତି । ଜ୍ୟେଷ୍ଠ ପୂର୍ଣ୍ଣିମାରେ ମହାପ୍ରଭୁ ନିଜ ଭାଇ-ଭଉଣୀଙ୍କ ସହ ଗର୍ଭଗୃହରୁ ବାହାରି ଶହସ୍ର କଳସୀ ଜଳରେ ସ୍ନାନ କରନ୍ତି । ଥଣ୍ଡା ପାଣିରେ ଗାଧୋଇବା ହେତୁ ମହାପ୍ରଭୁଙ୍କୁ ଜ୍ୱର ହୋଇଯାଇଥାଏ ।

ଏହି କାରଣରୁ ସେ ୧୫ ଦିନ ପର୍ଯ୍ୟନ୍ତ ଶୟନ କକ୍ଷରେ ବିଶ୍ରାମ ନିଅନ୍ତି । କୁହାଯାଏ ଯେ, ମନୁଷ୍ୟଙ୍କ ଭଳି ଅସୁସ୍ଥ ସମୟରେ ଭଗବାନଙ୍କର ମଧ୍ୟ ଚିକିତ୍ସା ହୋଇଥାଏ । ମହାପ୍ରଭୁଙ୍କୁ ଏକାନ୍ତରେ ଉପଚାର କରାଯାଇଥାଏ । ଏହି ସମୟରେ ଅନେକ ଔଷଧ ମହାପ୍ରଭୁଙ୍କୁ ଦିଆଯାଇଥାଏ । ଔଷଧୀୟ କାଢା ମଧ୍ୟ ମହାପ୍ରଭୁଙ୍କୁ ପିଆଯାଏ । ଏହି ସମୟରେ ପ୍ରଭୁଙ୍କ ପାଖେ ଖେଚୁଡି ଭୋଗ ଲଗାଯାଏ । ଏହାପରେ ସଂପୂର୍ଣ୍ଣ ସୁସ୍ଥ ହେବା ପରେ ତିନି ଦେବା-ଦେବୀଙ୍କୁ ରଥଯାତ୍ରା ପାଇଁ ବାହାର କରାଯାଇଥାଏ ।