Underwear ପିନ୍ଧି ବାହାରିଲେ ଇଂଲଣ୍ଡ ଅଧିନାୟକ: ଷ୍ଟୋକ୍ସଙ୍କ ଡ୍ରେସିଙ୍ଗ ରୁମ ଫଟୋ ହେଉଛି ଭାଇରାଲ

ନୂଆଦିଲ୍ଲୀ: ଇଂଲଣ୍ଡ ଟେଷ୍ଟ ଟିମର ଅଧିନାୟକ ବେନ ଷ୍ଟୋକ୍ସ ବର୍ତ୍ତମାନ ଖୁବ ଚର୍ଚ୍ଚାକୁ ଆସିଛନ୍ତି । ତେବେ ଏହି ଚର୍ଚ୍ଚା ତାଙ୍କ କିମ୍ବା ତାଙ୍କ ଦଳର ପ୍ରଦର୍ଶନକୁ ନେଇ ନୁହେଁ, ନିଜ ବେଶଭୂଷା ପାଇଁ ଟ୍ରୋଲ ହେବାରେ ଲାଗିଛନ୍ତି ବେନ ଷ୍ଟୋକ୍ସ । ଇଂଲଣ୍ଡ ଟିମର ଡ୍ରେସିଙ୍ଗ ରୁମରେ ତାଙ୍କୁ କେବଳ ଅଣ୍ଡୱିୟର ପିନ୍ଧି ଠିଆ ହୋଇଥିବାର ଦେଖିବାକୁ ମିଳିଛି । ଏହାର ଏକ ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହା ସହିତ ତାଙ୍କର ବ୍ୟାଗ ଆଉ ଏକ ପୋଷ୍ଟ ବି ଇଣ୍ଟରନେଟରେ ଟ୍ରେଣ୍ଡ ପାଲଟି ଯାଇଛି ।

ଇଂଲଣ୍ଡ ଟେଷ୍ଟ ଟିମର ଅଧିନାୟକ ବେନ ଷ୍ଟୋକ୍ସ ନିଜ ଅଫିସିଆଲ ଟ୍ୱିଟର ପେଜରେ ତାଙ୍କ ବ୍ୟାଗ ଚୋରି ହୋଇଯିବା ନେଇ ଏକ ପୋଷ୍ଟ କରିଥିଲେ । ସେ ଲେଖିଛନ୍ତି ଯେ, କିଙ୍ଗସ କ୍ରସ ଟ୍ରେନରୁ ଯିଏ ବି ମୋ ବ୍ୟାଗ ଚୋରି କରିଛନ୍ତି, ଆଶା କରୁଛି ବ୍ୟକ୍ତିକୁ ମୋ ପୋଷାକ ବଡ ହେଉଥିବ । ତେବେ ଏହାପରେ ତନୟ ନାମକ ଜଣେ ୟୁଜର ବେନ ଷ୍ଟେକ୍ସଙ୍କୁ ଟ୍ୟାଗ କରି ଏକ ଫଟୋ ସେୟାର କରିଛନ୍ତି । ଯେଉଁଥିରେ ଇଂଲଣ୍ଡ ଅଧିନାୟକଙ୍କୁ ମେହେନ୍ଦି ରଙ୍ଗର ଏକ ଅଣ୍ଡରୱିୟର ପିନ୍ଧିଥିବାର ଦେଖାଯାଇଛି । ତେବେ ଏହି ଫଟୋ ଇଂଲଣ୍ଡର ଡ୍ରେସିଙ୍ଗ ବୋଲି ଜାଣିବାକୁ ମିଳିଛି । ଦଳର ଖେଳାଳିମାନେ ଡ୍ରେସିଙ୍ଗ ରୁମରୁ ତାଳି ମାରୁଥିବା ବେଳେ ପୂର୍ବତନ ଅଧିନାୟକ ଜୋ ରୁଟଙ୍କ ସହିତ ବେନ ଷ୍ଟୋକ୍ସଙ୍କୁ ଦେଖାଯାଇଛି । ତେବେ ଷ୍ଟୋକ୍ସ ପ୍ୟାଣ୍ଟ ବଦଳରେ କେବଳ ଗୋଟିଏ ଅଣ୍ଡରୱିୟର ପିନ୍ଧିଥିବାର ଏହି ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ।

ଆଇପିଏଲ-୨୦୨୩ ଟୁର୍ଣ୍ଣାମେଣ୍ଟରେ ଏହି ଅଲରାଉଣ୍ଡର ଚେନ୍ନାଇ ସୁପର କିଙ୍ଗସ ଦଳ ତରଫରୁ ଖେଳୁଥିବାର ନଜର ଆସିବେ । ନିଲାମୀରେ ବେନ ଷ୍ଟୋକ୍ସଙ୍କୁ ୧୬.୨୫କୋଟିରେ ଦଳରେ ସାମିଲ କରିଛି ୟେଲୋ ଆର୍ମି । ଏହାସହିତ ଧୋନୀଙ୍କ ପରେ ଷ୍ଟୋକ୍ସ ଏହି ଦଳର ନେତୃତ୍ୱ ନେଇପାରନ୍ତି ।