ନିର୍ବାଚନ ପରବର୍ତ୍ତୀ ହିଂସାର ଏନଏଚଆରସି ରିପୋର୍ଟ ବିରୋଧରେ ହାଇକୋର୍ଟରେ ପ୍ରମାଣପତ୍ର ଦାଖଲ କଲେ ପଶ୍ଚିମବଙ୍ଗ ସରକାର
ପଶ୍ଚିମବଙ୍ଗ ସରକାର କଲିକତା ଉଚ୍ଚ ନ୍ୟାୟାଳୟଙ୍କ ଆଦେଶ ପରେ ରାଷ୍ଟ୍ରୀୟ ମାନବାଧିକାରଙ୍କ ରିପୋର୍ଟ ବିରୋଧରେ ପ୍ରମାଣପତ୍ର ଦାୟର କରିଛନ୍ତି । ମାନବାଧିକାର କମିଶନଙ୍କ ରିପୋର୍ଟରେ କୁହାଯାଇଥିଲା ଯେ ବିଧାନସଭା ନିର୍ବାଚନ ପରେ ହୋଇଥିବା ହିଂସାରେ ସଂପୂର୍ଣ୍ଣ ଭାବେ ରାଜ୍ୟ ସରକାର ଦାୟୀ । ଆଉ ଏହାକ ନେଇ ପଶ୍ଚିମବଙ୍ଗ ସରକାର ଅଭିଯୋଗ କରିଥିଲେ ଲୋକମତ ହାସଲ କରି ନିର୍ବାଚିତ ହୋଇଥିବା ସରକାରଙ୍କୁ ବଦନାମ କରିବା ପାଇଁ ଚେଷ୍ଟା କରାଯାଉଛି । ରାଜ୍ୟ ସରକାର କହିଛନ୍ତି ମେ ୨ରେ ବିଧାନସଭା ନିର୍ବାଚନ ଫଳାଫଳ ଆସିବା ପରେ ରାଜ୍ୟରେ କେଉଁଠି ବି ହିଂସକ ପରିସ୍ଥିତି ନହେଉ ଏନେଇ ସବୁ ଉପାୟ ଆପଣାଇଥିଲେ ।
ପଶ୍ଚିମବଙ୍ଗ ସରକାର ହାଇକୋର୍ଟରେ ୯୫ ପୃଷ୍ଠାର ପ୍ରମାଣପତ୍ର ଦାଖଲ କରିଛନ୍ତି । ଗୃହ ସଚିବ ବି.ପି. ଗୋପାଳିକା କହିଛନ୍ତି ଏନଏଚଆରସିର ରିପୋର୍ଟ ଶାସନରେ ଥବା ସରକାରଙ୍କ ବରୋଧରେ ପ୍ରସ୍ତୁତ କରାଯାଇଛି ଏବଂ ଜାଣିଶୁଣି ରାଜ୍ୟ ସରକାରଙ୍କୁ ବଦନାମ କରିବା ପାଇଁ ରିପୋର୍ଟ ପ୍ରସ୍ତୁତ କରାଯାଇଛି । ରାଜ୍ୟ ସରକାର ଅଭିଯୋଗ କରିଛନ୍ତି ଏନଏଚଆରସି ସମିତିର ବିଜେପି ସହ ଭଲ ସମ୍ପର୍କ ରହିଛି ଏବଂ ଏହି କାରଣରୁ ଶାସନରେ ଥିବା ସରକାରଙ୍କୁ ବଦନାମ କରିବା ପାଇଁ ଏମିତି କରାଯଇଛି । ସରକାର ଯାଞ୍ଚ କରୁଥିବା ସମିତିରେ ବିଜେପି ନେତା ଆତିଫ ରାସିଦଙ୍କୁ ପ୍ୟାନେଲରେ ସାମିଲ୍ କରିବା ନେଇ ପ୍ରଶ୍ନ ଉଠାଇଥିଲେ ।
ବିଧାନସଭା ନିର୍ବାଚନ ପରେ ହିଂସା ଘଟଣାର ଅନୁସନ୍ଧାନ କରି କମିଟି ଜୁଲାଇ ୧୨ରେ ହାଇକୋର୍ଟରେ ୫୦ ପୃଷ୍ଠାର ରିପୋର୍ଟ ଦାଖଲ କରିଥିଲା । ଏଥିରେ କୁହାଯାଇଥିଲା ମେ ୨ରୁ ଜୁନ ୨୦ ମଧ୍ୟରେ ଅତି କମରେ ୧୯୩୪ଟି ଅଭିଯୋଗ ଦାଖଲ ହୋଇଛି । ଯେଉଁଥିରେ ୨୯ଟି ହତ୍ୟା ୧୨ ଯୌନ ନିର୍ଯ୍ୟାତନା, ବଳାକ୍ରାର ମାମଲା ଏବଂ ପ୍ରାୟ ୯୩୦ ଡକାୟତି ମାମଲା ଅନ୍ତର୍ଭୁକ୍ତ ରହିଛି । ରିପୋର୍ଟରେ ଆଇନ ଶୃଙ୍ଖଳା ଉପରେ ମଧ୍ୟ ଗୁରୁତର ପ୍ରଶ୍ନ ଉଠିଛି ।
ସେପଟେ ଏନଏଚଆରସିର ସରକାରଙ୍କ ଉପରେ ଲଗାଯାଇଥିବା ଅଭିଯୋଗକୁ ଭିତ୍ତିହୀନ ବୋଲି କହିଛନ୍ତି ରାଜ୍ୟ ସରକାର । ନିର୍ବାଚନ ପରେ ହୋଇଥିବା ହିଂସାକୁ ମନା କରିଛନ୍ତି । ସରକାର ଏନଏଚଆରସିର ସେହି ଦାବିକୁ ମଧ୍ୟ ଅଗ୍ରାହ୍ୟ କରିଛନ୍ତି ଯେଉଁଥିରେ କୁହାଯାଇଥିଲା ଯେ ହିଂସାକାଣ୍ଡରେ ଶିକାର ହୋଇଥିବା ଲୋକମାନେ ପୋଲିସକୁ ମଧ୍ୟ ଡରୁଥିଲେ ।
