(Video) ଗର୍ଲଫ୍ରେଣ୍ଡକୁ କୋଳରେ ବସାଇ ଷ୍ଟାଇଲ୍ ମାରୁଥିଲା ଯୁବକ: ବାଇକ୍ ସହ ଉଠାଇନେଲା ପୋଲିସ
ପୁଅମାନେ ନିଜ ଗର୍ଲଫ୍ରେଣ୍ଡମାନଙ୍କୁ ଇମପ୍ରେସ୍ କରିବା ପାଇଁ ବିଭିନ୍ନ କାର୍ଯ୍ୟ କରନ୍ତି । ନିକଟରେ ଏଭଳି କିଛି ମାମଲା ସାମ୍ନାକୁ ଆସିଥିଲା ଯେଉଁଥିରେ ପୁଅମାନେ ବାଇକରେ ନିଜ ଗର୍ଲଫ୍ରେଣ୍ଡମାନଙ୍କ ସହିତ ଷ୍ଟଣ୍ଟ କରୁଥିବା ଦେଖାଯାଇଥିଲା । ବେଙ୍ଗାଲୁରୁରୁ ଏପରି ଆଉ ଏକ ମାମଲା ସାମ୍ନାକୁ ଆସିଛି, ଯେଉଁଠାରେ ଜଣେ ଯୁବକ ତାଙ୍କ ପ୍ରେମିକାଙ୍କୁ କୋଳରେ ବସାଇ ରାସ୍ତାରେ ବାଇକ୍ ଚଳାଉଥିବାର ନଜର ଆସିଥିଲେ । ଭିଡିଓ ଭାଇରାଲ ହେବା ପରେ ବ୍ୟକ୍ତି ଜଣକ ଅସୁବିଧାରେ ପଡ଼ିଗଲେ ।
ଯେଉଁ ଭିଡିଓ ସାମ୍ନାକୁ ଆସିଛି, ସେଥିରେ ଦେଖିବାକୁ ମିଳିଛି ଯେ ଯୁବକ-ଯୁବତୀ ବାଇକ୍ ଚଳାଉଛନ୍ତି କିନ୍ତୁ ଉଭୟ ସାଧାରଣ ଢ଼ଙ୍ଗରେ ବସିନାହାଁନ୍ତି । ଯୁବତୀ ଜଣକ ନିଜ ପ୍ରେମୀ ଆଗରେ କୋଳରେ ବସିଛନ୍ତି । ଉଭୟ ଚଳନ୍ତା ବାଇକରେ ରୋମାନ୍ସ କରୁଛନ୍ତି । ଏହି ଭିଡିଓଟି ଜଣେ କାର୍ ଆରୋହୀଙ୍କ ଦ୍ୱାରା ରେକର୍ଡ କରାଯାଇ ସୋସିଆଲ୍ ମିଡିଆରେ ସେୟାର କରାଯାଇଥିଲା ।
ଭିଡିଓ ଭାଇରାଲ ହେବା ପରେ ବେଙ୍ଗାଲୁରୁ ପୋଲିସ ଆକ୍ଟିଭ୍ ହୋଇ ବାଇକରେ ଯାଉଥିବା ବ୍ୟକ୍ତିଙ୍କୁ ଖୋଜିବା ଆରମ୍ଭ କରିଥିଲା । ଅନୁସନ୍ଧାନ ପରେ ଉକ୍ତ ବ୍ୟକ୍ତିଙ୍କୁ ନମ୍ବର ପ୍ଲେଟ ଆଧାରରେ ଚିହ୍ନଟ କରାଯାଇଥିଲା ଏବଂ ୟେଲାହଙ୍କା ପୋଲିସ ଏକ ମାମଲା ରୁଜୁ କରିଥିଲା । ଏହି ଯୁବକ ଜଣକ ୨୧ ବର୍ଷୀୟ କ୍ୟାବ ଡ୍ରାଇଭର ସିଲାମାରାସେନ ବୋଲି ଜଣାପଡିଛି ।
Hey thrill-seekers, the road isn’t a stage for stunts! Keep it safe for everyone, including yourselves. Let’s ride responsibly. 🛑🏍️#RideResponsibly pic.twitter.com/Cdg96cpdXx
— ಬೆಂಗಳೂರು ಸಂಚಾರ ಪೊಲೀಸ್ BengaluruTrafficPolice (@blrcitytraffic) May 19, 2024
ବେଙ୍ଗାଲୁରୁ ପୋଲିସ ଧାରା ୨୭୯ ଆଇପିସି ଏବଂ ଧାରା ୧୮୪, ୧୮୯, ୧୨୯, ୧୭୭ ଅନୁଯାୟୀ ଏକ ମାମଲା ରୁଜୁ କରିଛି । ପୋଲିସ ଅଭିଯୁକ୍ତକୁ ଗିରଫ କରିବା ସହ ଗାଡି ଜବତ କରିଛି । ଏହା ସହିତ ପୋଲିସ ଏପରି ଷ୍ଟଣ୍ଟ କରୁଥିବା ଲୋକଙ୍କୁ ଚେତାବନୀ ଦେଇଛି ଯେ ରାସ୍ତା ରୋମାନ୍ସ କରିବାର ସ୍ଥାନ ନୁହେଁ, ଦୟାକରି ରାସ୍ତାରେ ଏପରି ଷ୍ଟଣ୍ଟରୁ ଦୂରେଇ ରୁହନ୍ତୁ ।
