EPFOକୁ ନେଇ ବଡ଼ ଖବର, ୧୫ଟି ନୂଆ ବ୍ୟାଙ୍କ ନେଟୱର୍କରେ ହେଲା ସାମିଲ

ନୂଆଦିଲ୍ଲୀ: କର୍ମଚାରୀ ଭବିଷ୍ୟ ନିଧି ସଂଗଠନ(ଇପିଏଫଓ)କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । ଇପିଏଫଓ ନିଜ ବ୍ୟକ୍ତିଂ ନେଟୱର୍କର ବିସ୍ତାର କରି ୧୫ଟି ନୂଆ ପବ୍ଲିକ ଏବଂ ପ୍ରାଇଭେଟ ସେକ୍ଟରର ବ୍ୟାଙ୍କଗୁଡ଼ିକ ସହ ଚୁକ୍ତି କରିଛି ।

ଏହି ଅବସରରେ କେନ୍ଦ୍ରୀୟ ଶ୍ରମ ଏବଂ ରୋଜଗାର ମନ୍ତ୍ରୀ ଡା. ମନସୁଖ ମାଣ୍ଡଭିୟା ମଧ୍ୟ ଉପସ୍ଥିତ ରହିଛନ୍ତି ।

ବର୍ତ୍ତମାନ ୩୨ ହୋଇଯାଇଛି ସଂଖ୍ୟା: ଇପିଏଫଓର ବ୍ୟାଙ୍କିଂ ନେଟୱର୍କରେ ସାମିଲ ହୋଇଥିବା ୧୫ଟି ବ୍ୟାଙ୍କ ବାର୍ଷିକ ୧୨,୦୦୦ କୋଟି ଟଙ୍କାର ଡାଇରେକ୍ଟ ପେମେଣ୍ଟ ସୁବିଧା ଦେବେ ଏବଂ ସେହି କର୍ମଚାରୀମାନଙ୍କୁ ଡାଇରେକ୍ଟ ଆକ୍ସେସ ପ୍ରଦାନ କରିବେ ଯିଏ ଏହି ବ୍ୟାଙ୍କଗୁଡ଼ିକର ଆକାଉଣ୍ଟଧାରୀ ହୋଇଥିବେ । ପୂର୍ବରୁ ୧୭ଟି ବ୍ୟାଙ୍କ ଇପିଏଫଓରେ ତାଲିକାଭୁକ୍ତି ଥିଲେ, ବର୍ତ୍ତମାନ ଏହାର ସଂଖ୍ୟା ବଢି ୩୨ରେ ପହଞ୍ଚିଛି ।

ଏହି ୧୫ଟି ବ୍ୟାଙ୍କ: HSBC Bank, Standard Chartered Bank, Federal Bank, IndusInd Bank, Karur Vysya Bank, RBL Bank, South Indian Bank, City Union Bank, IDFC First Bank, UCO Bank, Karnataka Bank, Development Bank of Singapore, Tamil Nadu Mercantile Bank, Development Credit Bank and Bandhan Bank ସାମିଲ ହୋଇଛନ୍ତି ।