ଓ୍ବାକଫ ଭୋଟକୁ ନେଇ ବିଜେଡି ଉପରେ ବର୍ଷିଲା କଂଗ୍ରେସ, ନବୀନଙ୍କୁ ନେଇ ମାନସପୁତ୍ର ଡିଲ୍ କରିଛନ୍ତି କହିଲେ ଭକ୍ତ, ସମୟ ଆସିଲେ ରାଜ୍ୟବାସୀ ଉପଯୁକ୍ତ ଉତ୍ତର ଦେବେ କହିଲେ ଲଲ୍ଲୁ
ବିଜେଡି ଉପରେ ବର୍ଷିଲେ ଭକ୍ତ ଦାସ ।
ଭୁବନେଶ୍ବର: ଉଭୟ ଲୋକସଭା ଓ ରାଜ୍ୟସଭାରେ ପାରିତ ହୋଇଛି ୱାକଫ୍ ବିଲ୍ । ତେବେ ଏହାକୁ ନେଇ ବିଜେଡିରେ ଦଳୀୟ କନ୍ଦଳ ଦେଖାଯାଇଛି । ସସ୍ମିତ ପାତ୍ର ବିଲ୍ ସପକ୍ଷରେ ଭୋଟ ଦେବା ପରେ ଜୋର ଧରିଛି ରାଜନୀତି ।
ବିଜେପି- ବିଜେଡି ଡିଲ୍ ହୋଇଥିବା କହିଲେ ଭକ୍ତ ଦାସ । ସେ କହିଛନ୍ତି, ଦିଲ୍ଲୀରେ ନବୀନଙ୍କୁ ନେଇ ଡିଲ୍ କରିଛନ୍ତି ମାନସପୁତ୍ର । ବିଜେପି ନିକଟରେ ନବୀନଙ୍କୁ ବିକିଛନ୍ତି ମାନସପୁତ୍ର ।
ଉଭୟେ ବିଜେପିକୁ ଚାଲିଯିବେ, ବଳି ପଡିବେ ଅନ୍ୟ ବିଜେଡି ନେତା । ମାନସପୁତ୍ରଙ୍କୁ ବଞ୍ଚାଇବାକୁ ଯାଇ ଡିଲ ହୋଇଥିବା କହିଲେ ଭକ୍ତ । ଅନ୍ୟପଟେ ଓଡ଼ିଶା କଂଗ୍ରେସ ପକ୍ଷରୁ ମଧ୍ୟ ଟ୍ବିଟ କରାଯାଇଛି ।
ସେଥିରେ ଉଲ୍ଲେଖ କରାଯାଇଛି ଯେ, ବିଜେଡି ସାଂସଦମାନେ ନିଜ ବିବେକର କଥା ଶୁଣି ୱାକଫ ବିଲ୍ ଉପରେ ଭୋଟ ଦେବା ଉଚିତ ଥିଲା । ସେମାନଙ୍କର ସବୁଠାରୁ ବରିଷ୍ଠ ନେତା ସସ୍ମିତ ପାତ୍ର ସରକାରଙ୍କ ସପକ୍ଷରେ ଭୋଟ ଦେଇଥିଲେ । ବିଜେଡି ଏବଂ ବିଜେପି ମଧ୍ୟରେ ମେଣ୍ଟ ଅକ୍ଷୁର୍ଣ୍ଣ ରହିଛି । ସେମାନେ ଚାଲ୍ ଖେଳି ଓଡ଼ିଶାବାସୀଙ୍କୁ ଠକି ପାରିବେ ନାହିଁ । ଓଡ଼ିଶାରେ କଂଗ୍ରେସ ହିଁ ଏକମାତ୍ର ବିକଳ୍ପ ।
BJD के सांसदों को अपनी अंतरात्मा की आवाज़ सुन कर वक़्फ़ बिल पर वोट देना था – उनके सबसे वरिष्ठ नेता सस्मित पात्रा ने सरकार के पक्ष में वोट किया
BJD और BJP का गठबंधन क़ायम है. ओडिशा की जनता को नूराकुश्ती करके यह ठग नहीं सकते
ओडिशा में सिर्फ़ कांग्रेस ही एकमात्र विकल्प है pic.twitter.com/kipQUstSZE
— Odisha Congress (@INCOdisha) April 4, 2025
ଅନ୍ୟପଟେ ରାଜ୍ୟ କଂଗ୍ରେସ ପ୍ରଭାରୀ ଅଜୟ କୁମାର ଲଲୁ କହିଛନ୍ତି, ସେ ଟ୍ବିଟ କରି କହିଛନ୍ତି, ୱାକଫ ସଂଶୋଧନ ବିଲ୍ ଉପରେ, ଓଡ଼ିଶାର ତଥାକଥିତ ମୁଖ୍ୟ ବିରୋଧୀ ଦଳ ବିଜେଡି ବିଜେପିର ଏଜେଣ୍ଡାକୁ ଶକ୍ତି ଦେଇଥିଲା। ବିଜେଡି ସାଂସଦମାନେ ବିଲ୍ ସପକ୍ଷରେ ଭୋଟ୍ ଦେବାକୁ ଗ୍ରହଣ କରିଥିଲେ ।
ଏହା ହେଉଛି ବିଜେଡିର ଆଚରଣ, ଚରିତ୍ର ଏବଂ ଚେହେରା। ସେଥିପାଇଁ ଆମେ କହୁଛୁ, ‘ବିଜେଡି ହେଉଛି ବିଜେପି ଏବଂ ବିଜେପି ହେଉଛି ବିଜେଡି।’ ଏହା କେବଳ ଯେ ବିଭିନ୍ନ ରାଜ୍ୟରେ ମାସ୍କ ଭିନ୍ନ ଭିନ୍ନ।
ବିଜେଡି ତାର ବିଚାରଧାରା ଏବଂ ଚିନ୍ତାଧାରା ଦିଲ୍ଲୀରେ ଥିବା ବିଜେପି ମୁଖ୍ୟାଳୟ ପାଖରେ ବନ୍ଧକ ରଖିଛି । ଏବେ ଏହି ଦଳ ଏଠାରୁ ପରିଚାଳିତ ହେଉଛି ଯେଉଁଠାରେ ଦଳ କେବଳ ଓଡ଼ିଶାର ଲୋକଙ୍କ କଲ୍ୟାଣ ପରିବର୍ତ୍ତେ ବିଜେପିର ଏଜେଣ୍ଡା ପୂରଣ କରିବା ବିଷୟରେ ଚିନ୍ତିତ।
ସେମାନେ ସିବିଆଇ, ଇଡିକୁ ଏତେ ଭୟଭୀତ ଯେ ସେମାନେ ମୋଦି – ଶାହ – ବିଜେପି – ସଂଘ ଆଗରେ ମୁଣ୍ଡ ନୁଆଁଇ ଦେଉଛନ୍ତି । ନବୀନ ବାବୁ, ଓଡ଼ିଶାର ଲୋକମାନେ ଦେଖୁଛନ୍ତି । ସେ ତୁମକୁ ସମୟ ଆସିଲେ ଉପଯୁକ୍ତ ଉତ୍ତର ଦେବେ ବୋଲି କହିଛନ୍ତି ଲୁଲୁ ।