ନବୀନଙ୍କୁ ବାପା ଭଳି ସେବା କରୁଛନ୍ତି ପାଣ୍ଡିଆନ, ମେଡିସିନଠୁ ନେଇ ଯୋଗ ଯାଏଁ ସବୁ ବୁଝୁଛନ୍ତି: ମନ୍ମଥ

ଭୁବନେଶ୍ବର: ନବୀନ ପଟ୍ଟନାୟକ ଏବଂ ଭିକେ ପାଣ୍ଡିଆନକୁ ନେଇ ବଡ଼ ଖୁଲାସା କରିଛନ୍ତି ବିଜେଡି ନେତା ମନ୍ମଥ ରାଉତରାୟ । ପାଣ୍ଡିଆନ ନବୀନ ପଟ୍ଟନାୟକଙ୍କର ସ୍ବାସ୍ଥ୍ୟବସ୍ଥା ବୁଝୁଥିବା ନେଇ ସେ କହିଛନ୍ତି ।

ନବୀନଙ୍କର ସ୍ବାସ୍ଥ୍ୟକଥା ବୁଝନ୍ତି ପାଣ୍ଡିଆନ-  ମନ୍ମଥଙ୍କର କହିବା ଅନୁସାରେ,ବାହାରୁ ଡାକ୍ତର ଆସନ୍ତି ନବୀନ ପଟ୍ଟନାୟକଙ୍କ ପାଇଁ । ସେହି ସବୁ ପାଣ୍ଡିଆନ ଦେଖାଦେଖି କରନ୍ତି । ସେ କାହାକୁ ଦେଖା ହେଉନାହାନ୍ତି । ବିଜେଡି ଓ ନବୀନ ପଟ୍ଟନାୟକଙ୍କ ଅବସ୍ଥା ପାଣ୍ଡିଆନ ନିଜ ଉପରକୁ ନେଇଛନ୍ତି ।

ଆଗରୁ ପାଣ୍ଡିଆନ ନବୀନଙ୍କ କଥା ବୁଝୁଥିଲେ ଏବେ ବି ବୁଝୁଛନ୍ତି । ନବୀନଙ୍କ ମେଡିସିନ, ଯୋଗ, ବ୍ୟାୟାମ ଠିକ୍ ଭାବେ ହେଉଛି କି ନାହିଁ ତାହା ମଧ୍ୟ ବୁଝୁଛନ୍ତି । ନିଜ ଗୁରୁଙ୍କୁ ବାପା ଭଳି ସେବା କରୁଛନ୍ତି ପାଣ୍ଡିଆନ ।

କିଛି ଲୋକଙ୍କ ପାଇଁ ହାରିଗଲା ବିଜେଡି-   ତେବେ ବିଜେଡି କାହିଁକି ହାରିଲା ସେନେଇ ମଧ୍ୟ କହିଛନ୍ତି ମନ୍ମଥ । ପୁରା ଟିମର ଭୁଲ ନଥିଲା କିଛି ଜଣଙ୍କ ଭୁଲ ଥିଲା । କିଛି ଲୋକଙ୍କ ପାଇଁ ହିଁ ବିଜେଡିକୁ ବହୁମତ ମିଳିଲା ନାହିଁ । ଯେଉଁମାନଙ୍କର ଅଂହକାର ଅଛି, ଯେଉଁମାନେ ଭୁଲ କରିଥିଲେ ସେମାନେ ଭୁଲ ମାନୁଛନ୍ତି । ପଶ୍ଚାତାପ କରୁଛନ୍ତି ।

ତେବେ ବିଜେଡି ପୁଣି ଏକ ଭଲ ଦଳ ହୋଇ ଆଗକୁ ଆସିବ । ସମସ୍ତେ ଗ୍ରାସ ରୁଟରେ ରହିବା ପାଇଁ ନବୀନ ପଟ୍ଟନାୟକ କହିଛନ୍ତି । ଟିକେଟ୍ ବଣ୍ଟନକୁ ନେଇ ମନ୍ମଥ କହିଛନ୍ତି, ଟିକେଟ ବଣ୍ଟନରେ ଭୁଲ ଥିଲା ।