Video: ସୁଦାନରେ ବିନା ଆଲୋକରେ ବିମାନ ଅବତରଣ କଲେ ସାହସୀ IAF ପାଇଲଟ, ଆଶ୍ଚର୍ଯ୍ୟଜନକ ଅପରେସନରେ ୧୨୧ ଜଣ ଭାରତୀୟ ଉଦ୍ଧାର
ନୂଆଦିଲ୍ଲୀ: ବୀରତ୍ୱ ଦେଖାଇଲେ ସାହାସୀ ଭାରତୀୟ ବାୟୁସେନା ପାଇଲଟ । ବିନା ଆଲୋକରେ ବିମାନ ଅବତରଣ କଲେ ଗୃହ ଯୁଦ୍ଧ ଚାଲିଥିବା ଆଫ୍ରୀକୀୟ ଦେଶ ସୁଦାନରେ । ସେଠାରେ ଫସିଥିବା ଭାରତୀୟ ମାନଙ୍କୁ ଉଦ୍ଧାର କରିବା ପାଇଁ ଭାରତ ସରକାର ‘ଅପରେସନ୍ କାବେରୀ’ ଆରମ୍ଭ କରିଛନ୍ତି । ଭାରତୀୟ ବାୟୁସେନା ଏବଂ ନୌସେନା ଏପର୍ଯ୍ୟନ୍ତ ୧୩୬୦ ଜଣ ନାଗାରୀକଙ୍କୁ ସ୍ୱଦେଶ ଫେରାଇ ଆଣିଛନ୍ତି।
ଏହାରି ମଧ୍ୟରେ ଭାରତୀୟ ବାୟୁସେନା ସୁଦାନରେ ଏକ ଆଶ୍ଚର୍ଯ୍ୟଜନକ କାର୍ଯ୍ୟ କରିଛି । ଭାରତୀୟ ବାୟୁସେନା ଶୁକ୍ରବାର ଦିନ ସୁଦାନର ସୟଦନା ଆର୍ମି ବିମାନବନ୍ଦରର ରନୱେରେ ହର୍କ୍ୟୁଲସ୍ ପରିବହନ ବିମାନ ଅବତରଣ କରିଛି । ଏହି ସମୟ ମଧ୍ୟରେ ବାୟୁସେନା ଦଳ ଜଣେ ଗର୍ଭବତୀ ମହିଳାଙ୍କ ସମେତ ୧୨୧ ଭାରତୀୟ ନାଗରିକଙ୍କୁ ଉଦ୍ଧାର କରିଛନ୍ତି ।
ରିପୋର୍ଟ ମୁତାବକ ଏହି ରନୱେରେ ନାଭିଗେସନ୍ ପାଇଁ କୌଣସି ସପୋର୍ଟ ନଥିଲା । ଆଲୋକ ମଧ୍ୟ ନଥିଲା । ଇନ୍ଧନ ପାଇଁ ମଧ୍ୟ କୌଣସି ବ୍ୟବସ୍ଥା ନଥିଲା । ଏହି ଉଦ୍ଧାର କାର୍ଯ୍ୟ ସମୟରେ ବାୟୁସେନା ପାଇଲଟମାନେ ନାଇଟ୍ ଭିଜନ୍ ଗଗଲ୍ ବ୍ୟବହାର କରିଥିଲେ ।
#OperationKaveri takes to the Skies!
Two #IAF C-130 J aircraft have evacuated more than 250 personnel from Port Sudan.#HarKaamDeshKeNaam pic.twitter.com/dXJ2VQzp19
— Indian Air Force (@IAF_MCC) April 26, 2023
ଖବର ଅନୁଯାୟୀ, ୨୭ ଏପ୍ରିଲ ୨୦୨୩ ରାତିରେ କରାଯାଇଥିବା ଏକ ସାହସିକ ଅପରେସନରେ ଭାରତୀୟ ବାୟୁସେନାର ଏକ ସି-୧୩୦ଜେ ବିମାନ ୱାଡି ସୟିଦନାରେ ଥିବା ଏକ ଛୋଟ ଏୟାରଷ୍ଟ୍ରିପରୁ ୧୨୧ ଜଣଙ୍କୁ ଉଦ୍ଧାର କରିଥିଲା । ଏହି ଲୋକମାନଙ୍କର ସୁଦାନ ବନ୍ଦରରେ ପହଞ୍ଚିବା ପାଇଁ କୌଣସି ମାଧ୍ୟମ ନଥିଲା । ତେବେ ଏହି ଭାରତୀୟ ମାନଙ୍କୁ ଏୟାରଷ୍ଟ୍ରୀପ୍ ପର୍ଯ୍ୟନ୍ତ ଆଣିବାରେ ଭାରତୀୟ ଦୂତାବାସର ଜଣେ ଅଧିକାରୀ ଏହି ଦଳର ନେତୃତ୍ୱ ନେଇଥିଲେ । ଏହି ଦଳର ଲୋକମାନେ ସୟେଦନାରେ ଏୟାରଷ୍ଟ୍ରିପରେ ପହଞ୍ଚିବା ପର୍ଯ୍ୟନ୍ତ ଭାରତୀୟ ବାୟୁସେନା ଅଧିକାରୀଙ୍କ ସହ ନିରନ୍ତର ଯୋଗାଯୋଗରେ ଥିଲେ ।
ତେବେ ସୁଦାନରେ ଫସିଥିବା ଭାରତୀୟ ମାନଙ୍କୁ ଉଦ୍ଧାର କରବିା ପାଇଁ ଅପରେସନ୍ କାବେରୀ ଆରମ୍ଭ କରାଯାଇଛି । ଏହି ଅପରେସନ୍ରେ ନୌସେନା ଜାହାଜ ଆଇଏନ୍ଏସ୍ ସୁମେଧା, ତେଗ, ତରକଶ ଏବଂ ଭାରତୀୟ ବାୟୁସେନାର ସି-୧୩୦ ଜେ ଏବଂ ସି-୧୭ ସାହାଯ୍ୟରେ କରାଯାଉଛି ।
