BSNLର ସବୁଠୁ ଶସ୍ତା ପ୍ଲାନ, ମିଳିବ ମାଗଣା କଲିଂ ସହ ଡାଟା, ଦାମ୍ ମାତ୍ର ୪୯ ଟଙ୍କା

ବିଏସଏନଏଲ ଏହାର ରିଚାର୍ଜ ପ୍ଲାନରେ ଅନେକ ଶସ୍ତା ପ୍ଲାନ ସାମିଲ କରିଛି । କମ୍ପାନୀର ଏଭଳି ଅନେକ ପ୍ରିପେଡ ପ୍ଲାନ ଅଫର ରହିଛି, ଯାହା କମ୍ ଦାମରେ ଭଲ ବେନିଫିଟ୍ସ ଦେଇଥାଏ । ସରକାରୀ ଟେଲିକମ୍ କମ୍ପାନୀ କିଛି ଏଭଳି ପ୍ଲାନ ମଧ୍ୟ ଅଫର କରୁଛି, ଯାହା ବହୁତ କମ ବଜେଟ ବ୍ୟକ୍ତିଙ୍କୁ ସୁହାଇବ । ଯଦି ଆପଣ ମଧ୍ୟ କମ ଦାମ୍ ଥବା ପ୍ରିପେଡ ପ୍ଲାନ ଚାହୁଛନ୍ତି, ତେବେ ବିଏସଏନଏଲର ଏହି ରିଚାର୍ଜ ପ୍ଲାନକୁ ନେଇପାରିବେ । ଆସନ୍ତୁ ଜାଣିବା ବିଏସଏନଏଲର ବିଭିନ୍ନ ଶସ୍ତା ପ୍ଲାନ ବିଷୟରେ ।

ବିଏସଏନଏଲର ୨ଟି ପ୍ଲାନ ଏଭଳି ରହିଛି ଯାହା ଶସ୍ତା ଅଟେ:

୧. ବିଏସଏନଏଲ ର ଏସଟିଭି ୪୯ ରେ ୟୁଜର୍ସଙ୍କୁ ୨୪ ଦିନର ଭାଲିଡିଟି ମିଳିଥାଏ । ୪୯ ଟଙ୍କାର ଏହି ପ୍ଲାନ ରେ ୟୁଜର୍ସଙ୍କୁ ୧୦୦ ଫ୍ରି ମିନିଟ୍ସ ଭଏସ କଲିଂ ମିଳିଥାଏ, ଏହା ସହ ୟୁଜର୍ସକୁ ୨ ଜିବି ଡାଟା ମଧ୍ୟ ମିଳିଥାଏ ।

୨. ଏହା ବ୍ୟତୀତ ଅନ୍ୟ ଏକ ପ୍ଲାନ ମଧ୍ୟ ରହିଛି । ଏହି ପ୍ଲାନ ହେଉଛି ୯୯ ଟଙ୍କା ପ୍ଲାନ । ଯେଉଁଥିରେ କେବଳ ଭଏସ କଲିଂ ର ସୁବିଧା ମିଳିବ । ଏହି ପ୍ଲାନର ଭାଲିଡିଟି ୨୨ ଦିନ ରହିଛି । ଅର୍ଥାତ ଆପଣ ୨୨ ଦିନ ପର୍ଯ୍ୟନ୍ତ ବିନା କୌଣସି ଅସୁବିଧାରେ କଲିଂ କରିପାରିବେ ।

ସେହିଭଳି ଡାଟା ପାଇଁ ମଧ୍ୟ ଅନେକ ଶସ୍ତା ପ୍ଲାନ ରହିଛି । ଡାଟା ପାଇଁ ରହିଛି ଏସଟିଭି ୧୧୮ ପ୍ଲାନ, ଯେଉଁଥିରେ ଡାଟା ଏବଂ କଲିଂ ସୁବିଧା ମିଳିବ । ଏଥିରେ ୟୁଜର୍ସଙ୍କୁ ୦.୫ ଜିବି ଡାଟା ପ୍ରତିଦିନ ମିଳିଥାଏ, ଏହି ପ୍ଲାନର ଭାଲିଡିଟି ୨୬ ଦିନ ରହିଛି, ଅର୍ଥାତ୍ ୟଜର୍ସ ଏଥିରେ ସମୁଦାୟ ୧୩ ଜିବି ଡାଟା ପାଇପାରିବେ ଏହା ସହ ଅନଲିମିଟେଡ ଭଏସ କଲିଂ ମଧ୍ୟ ପାଇପାରିବେ । ସେହିଭଳି ଏସଟିଭି ୧୪୭ ରେ ୧୦ ଜିବି ଡାଟା, ଅନଲମିଟେଡ କଲିଂ ଏବଂ ବିଏସଏନଏଲ ଟ୍ୟୁନ୍ ମଧ୍ୟ ରହିଛି ଏହି ପ୍ଲାନରେ ୟୁଜର୍ସଙ୍କୁ ୩୦ ଦିନର ଭାଲିଡିଟି ମିଳିଥାଏ ।