ଆଜିଠାରୁ ସଂସଦର ବଜେଟ୍ ଅଧିବେଶନ, ପୂର୍ବାହ୍ନ ୧୧ଟାରେ ମିିଳିତ ଅଧିବେଶନକୁ ସମ୍ବୋଧିତ କରିବେ ରାଷ୍ଟ୍ରପତି

ନୂଆଦିଲ୍ଲୀ: ଆଜିଠାରୁ ଆରମ୍ଭ ହେଉଛି ସଂସଦର ବଜେଟ୍ ଅଧିବେଶନ । ପୂର୍ବାହ୍ନ ୧୧ଟାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଲୋକସଭା ଏବଂ ରାଜ୍ୟସଭାର ମିିଳିତ ଅଧିବେଶନକୁ ସମ୍ବୋଧିତ କରିବେ ।

ରାଷ୍ଟ୍ରପତିଙ୍କ ଅଭିଭାଷଣ ପରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୪-୨୫ର ଆର୍ଥିକ ସର୍ବେକ୍ଷଣ ପ୍ରସ୍ତୁତ କରିବେ ।

୧ ଫେବୃଆରୀରେ ମୋଦୀ ୩.୦ ସରକାରଙ୍କ ପ୍ରଥମ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନ କରିବେ ।

ଚଳିତ ବଜେଟ୍ ଅଧିବେଶନରେ ସରକାର WAQF ସଂଶୋଧନ ବିଲ୍ ସହ ଅନେକ ଗୁରୁତ୍ୱପୂର୍ଣ୍ଣ ବିଲ୍ ଆଗତ କରିପାରନ୍ତି ।

ଅଧିବେଶନ ଅବଧୀ: ଜାନୁଆରୀ ୩୧ରୁ ଏପ୍ରିଲ ୪ ପର୍ଯ୍ୟନ୍ତ ଦୁଇଟି ପର୍ଯ୍ୟାୟରେ ବଜେଟ୍ ଅଧିବେଶନ ଅନୁଷ୍ଠିତ ହେବ ।

ଅଧିବେଶନର ପ୍ରଥମ ପର୍ଯ୍ୟାୟ ୩୧ ଫେବୃଆରୀରେ ଶେଷ ହେବ ଏବଂ ଦ୍ୱିତୀୟ ପର୍ଯ୍ୟାୟ ୧୦ ମାର୍ଚ୍ଚରୁ ଆରମ୍ଭ ହୋଇ ୪ ଏପ୍ରିଲ ପର୍ଯ୍ୟନ୍ତ ଚାଲିବ ।

ସର୍ବଦଳୀୟ ବୈଠକ: ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ଗୁରୁବାର ବଜେଟ ଅଧିବେଶନ ସମ୍ପର୍କରେ ଏକ ସର୍ବଦଳୀୟ ବୈଠକ ଡାକିଥିଲେ।

ବୈଠକରେ ସମସ୍ତ ଦଳକୁ ସଂସଦର କାର୍ଯ୍ୟକୁ ସୁରୁଖୁରୁରେ ଚଳାଇବାରେ ସହଯୋଗ କରିବାକୁ ଅପିଲ୍ କରିଥିଲେ । କିନ୍ତୁ ବିରୋଧୀ ଦଳଗୁଡ଼ିକ ଏଥିରେ ସେମାନଙ୍କର ଉଦ୍ଦେଶ୍ୟ ସ୍ପଷ୍ଟ କରିଥିଲେ।

ମହାକୁମ୍ଭରେ ଘଟିଥିବା ଦୁର୍ଘଟଣା ପ୍ରସଙ୍ଗରେ ସମାଜବାଦୀ ପାର୍ଟି ଗୃହରେ ଆଲୋଚନା ସହ ଘଟଣାର ସ୍ୱଚ୍ଛ ତଦନ୍ତ ମଧ୍ୟ ଦାବି କରିଥିଲା।