(video)ପ୍ରଳୟଙ୍କରୀ ବର୍ଷା; ଅଚାନକ ନଦୀରେ ବନ୍ୟା ଆସି ଭାସିଗଲା ୫୦ ଯାତ୍ରୀଙ୍କୁ ନେଇ ଯାଉଥିବା ଏକ ବସ୍

ହରିଦ୍ୱାର:ଉତ୍ତରାଖଣ୍ଡରେ ଆକାଶରୁ ଏବେ ଯେପରି ପ୍ରଳୟ ବରଷୁଛି । ଭୀଷଣ ବର୍ଷା ପରେ ଏଠାରେ ନଦୀଗୁଡିକ ଭୟଙ୍କର ରୂପ ଧାରଣ କରିଛି । ଉତ୍ତରାଖଣ୍ଡରେ ପୁରା ଜନଜୀବନ ଅସ୍ତବ୍ୟସ୍ତ ହୋଇପଡିବା ସହ ହରିଦ୍ୱାରରେ ଏପରି ଏକ ମାମଲା ନଜରକୁ ଆସିଛି ଯାହା ଆପଣଙ୍କ ଛାତି ଥରାଇ ଦେବ । ହରିଦ୍ୱାରର ଶ୍ୟାମପୁର ଅଞ୍ଚଳରେ ୫୦ ଯାତ୍ରୀଙ୍କୁ ନେଇ ଯାଉଥିବା ଏକ ବସ୍ ଅଚାନକ ବନ୍ୟା ଜଳରେ ଭାସି ଯାଇଥିଲା । ଭୀଷଣ ବର୍ଷା କାରଣରୁ ନଦୀର ଜଳସ୍ତର ଅଚାନକ ବଢିଯାଇଥିଲା ।

#WATCH | हरिद्वार के श्यामपुर क्षेत्र के कोटा वाली नदी में 50 से ज्यादा यात्रियों से भरी बस नदी में बहने से बच गई। अचानक नदी का जलस्तर बढ़ने से चालक ने नियंत्रण खो दिया जिस कारण बस नदी में बहने लगी। क्रेन की मदद से बस को बाहर निकाला गया। pic.twitter.com/tlH7Hyu2Sm

— Hindustan (@Live_Hindustan) July 22, 2023

ନଦୀରେ ଅଚାନକ ଜଳସ୍ତର ବୃଦ୍ଧି ପାଇବାରୁ ବସ୍ ଡ୍ରାଇଭର ବସ୍ ଉପରେ ନିୟନ୍ତ୍ରଣ ହରାଇ ବସିଥିଲେ । ଫଳରେ ବସ୍ ନଦୀ ଆଡକୁ ଭାସି ଯାଇଥିଲା । ଉତ୍ତରାଖଣ୍ଡର ଉଫନତୀ ନଦୀ ମଧ୍ୟରେ ବସ୍ ନଦୀ ମଧ୍ୟକୁ ପଶିଯାଇଥିଲା । ଏହି ସମୟରେ ଯାତ୍ରୀମାନେ ଭୀଷଣ ଜୋରରେ ଚିକ୍ରାର କରିଥିଲେ । ଯାତ୍ରୀଙ୍କ ଚିକ୍ରାର ଶୁଣି ସ୍ଥାନୀୟ ଲୋକମାନେ କଣ୍ଟ୍ରୋଲ ରୁମକୁ ଖବର ଦେଇଥିଲେ । ଫଳରେ କ୍ରେନ୍ ସାହାଯ୍ୟରେ ବସକୁ ନଦୀ ମଧ୍ୟରୁ ବାହାରକୁ କଢାଯାଇଥିଲା । ବସ୍ ଟି ରୁପଡିଆ ଡିପୋର ଥିଲା ଓ ହରିଦ୍ୱାର ଆଡକୁ ଆସୁଥିଲା ।