(video):ମ୍ୟାଡମ ଇତିହାସ ପଢନ୍ତୁ, ସୋସିଆଲ ମିଡିଆ ନିଶାଣରେ ସୁଧାମୂର୍ତ୍ତି, ୧୦୦ ଘଣ୍ଟା ପଢିବାର ପରାମର୍ଶ ଦେଉଛନ୍ତି ଲୋକେ , ତେବେ କାହିଁକି…
ଓଡିଶା ଭାସ୍କର: ରାଜ୍ୟସଭା ସାଂସଦ ତଥା ଇନଫୋସିସ (infosys) ର ଫାଉଣ୍ଡର ନାରାୟଣ ମୂର୍ତ୍ତିଙ୍କ ପତ୍ନୀ ସୁଧା ମୂର୍ତ୍ତି ରକ୍ଷାବନ୍ଧନ ଅବସରରେ ଏକ ଭିଡିଓ ଜାରି କରି ଲୋକଙ୍କୁ ଏହି ପର୍ବର ଶୁଭେଚ୍ଛା ତଥା ଶୁଭକାମନା ଜଣାଇଥିଲେ । ମାତ୍ର ଅନେକ ଲୋକ ତାଙ୍କର ଏହି ଶିଭେଚ୍ଛାକୁ ସ୍ୱୀକାର କରି ପାରିଲେ ନାହିଁ । ଲୋକେ ତାଙ୍କର ଇତିହାସ ଜ୍ଞାନ ଉପରେ ପ୍ରଶ୍ନ କରିବାରେ ଲାଗିଲେ । ଶେଷରେ ଲୋକେ ତାଙ୍କୁ ୧୦୦ ଘଣ୍ଟା ଇତିହାସ ପଢିବାକୁ ପରାମର୍ଶ ବି ଦେଇଦେଲେ ।
Raksha Bandhan has a rich history. When Rani Karnavati was in danger, she sent a thread to King Humayun as a symbol of sibling-hood, asking for his help. This is where the tradition of the thread began and it continues to this day. pic.twitter.com/p98lwCZ6Pp
— Smt. Sudha Murty (@SmtSudhaMurty) August 19, 2024
କହିରଖୁ, ସୁଧାମୂର୍ତ୍ତି ସୋସିଆଲ ମିଡିଆରେ ଜାରି କରିଥିବା ରକ୍ଷାବନ୍ଧନ ଶୁଭେଚ୍ଛା ଭିଡିଓରେ ଚିତ୍ତୋଡର ରାଣୀ କର୍ଣ୍ଣାବତୀ ୧୬ ଶହ ଶତାବ୍ଦୀରେ ମୋଗଲ ସମ୍ରାଟ ହୁମାୟୁନଙ୍କୁ ନିଜର ରାଜ୍ୟ ବଞ୍ଚାଇବା ପାଇଁ ତାଙ୍କ ପାଖକୁ ରାକ୍ଷୀ ପଠାଇଥିଲେ ବୋଲି ଉଲ୍ଲେଖ କରିଛନ୍ତି । ଭିଡିଓରେ ସୁଧା ମୂର୍ତ୍ତି କହିଛନ୍ତି ଯେ, ରକ୍ଷାବନ୍ଧନରେ ଲମ୍ବା ଇତିହାସ ଜଡିତ ହୋଇ ରହିଛି । ରାଣୀ କର୍ଣ୍ଣାବତୀ ହୁମାୟୁନଙ୍କୁ ରାକ୍ଷୀ ପଠାଇ ଏହି ପରମ୍ପରାର ସୃଷ୍ଟି କରିଥିଲେ ବୋଲି ସେ ପ୍ରକାଶ କରିଛନ୍ତି । ଫଳରେ ଏହାକୁ ନେଇ ସେ ୟୁଜର୍ସଙ୍କ ଟାର୍ଗେଟର ଶିକାର ହୋଇଛନ୍ତି ।
ସୋସିଆଲ ମିଡିଆ ତୀରରେ ଏବେ ସୁଧା ମୂର୍ତ୍ତି ଘାଇଲା ମଧ୍ୟ ହୋଇଛନ୍ତି । ଜଣେ ସୋସିଆଲ ମିଡିଆ ବ୍ୟବହାରକାରୀ ଲେଖିଛନ୍ତି ଯେ, ଏହା ସମ୍ପୂର୍ଣ୍ଣ ଭାବରେ ଭୁଲ ତଥ୍ୟ । ସେପଟେ ଆଉ ଜଣେ ୟୁଜର୍ସ ଲେଖିଛନ୍ତି ଯେ, ସୁଧା ଦିନକୁ ୨୦ ଘଣ୍ଟା ଇତିହାସ ପଢିବା ଆବଶ୍ୟକ । ସେହିଭଳି ଆଉ ଜଣେ ସୋସିଆଲ ମିଡିଆ ୟୁଜର୍ସ ତ ତାଙ୍କୁ ସପ୍ତାହକୁ ୧୦୦ ଘଣ୍ଟା ପଢିବାର ପରାମର୍ଶ ମଧ୍ୟ ଦେଇ ଦେଇଛନ୍ତି ।
