୧୦୦୦ କର୍ମଚାରୀଙ୍କୁ ଛଟେଇ କଲା Byju’s: ୨୪ ଘଣ୍ଟା କାର୍ଯ୍ୟ କରୁଥିବା କର୍ମଚାରୀଙ୍କୁ ତୁରନ୍ତ ଇସ୍ତଫା ଦେବାକୁ କହିଲା କମ୍ପାନୀ
ନୂଆଦିଲ୍ଲୀ: ଦେଶର ସବୁଠୁ ବଡ଼ ଅନଲାଇନ୍ କୋଚିଂ କମ୍ପାନୀ ବାଇଜୁ(Byju’s)ରେ ବଡ଼ ଧରଣର ଛଟେଇ ହୋଇଛି । କମ୍ପାନୀ ଏହାର ରିଷ୍ଟ୍ରକଚରିଂ ପ୍ରକ୍ରିୟାରେ ୧୦୦୦ କର୍ମଚାରିଙ୍କୁ ଛଟେଇ କରିଛି । ସୁତ୍ରରୁ ମିଳିଥିବା ଖବର ଅନୁଯାୟୀ ବିଭିନ୍ନ ବିଭାଗର କର୍ମଚାରୀ ଏହି ଛଟେଇରେ ସାମିଲ ଅଛନ୍ତି । ତେବେ କମ୍ପାନୀ ସହିତ ନୂତନ କର୍ମଚାରୀ ଯୋଡ଼ି ହେବା ସହିତ ବର୍ତ୍ତମାନ କମ୍ପାନୀରେ ପ୍ରାୟ ୫୦,୦୦୦ କର୍ମଚାରୀ ରହିଛନ୍ତି ।
ସଦ୍ୟ ଛଟେଇ ହୋଇଥିବା କର୍ମଚାରୀଙ୍କ ସଂଖ୍ୟା କମ୍ପାନୀର ଦୁଇ ପ୍ରତିଶତ । ଏହି ଛଟେଇ ଏଭଳି ସମୟରେ ହୋଇଛି ଯେତେବେଳେ କମ୍ପାନୀ ଏକ ମିଲିୟନ ଡଲାର ଋଣ ପରିଶୋଧକୁ ନେଇ ଆମେରିକୀୟ କୋର୍ଟରେ ମାମଲା ଆରମ୍ଭ ହୋଇଛି । ପୁର୍ବରୁ ବାଇଜୁ ଅକ୍ଟୋବର ୨୦୨୨ରେ କହିଥିଲା ଯେ, ଆଗାମୀ ୬ ମାସ ମଧ୍ୟରେ କମ୍ପାନୀ ୨,୫୦୦ କର୍ମଚାରୀଙ୍କୁ ଛଟେଇ କରିବ । ଚଳିତ ବର୍ଷ ଫେବୃଆରୀରେ ବାଇଜୁ ୧,୫୦୦ କର୍ମଚାରୀଙ୍କୁ ଛଟେଇ କରିଥିଲା । ଏଥିରେ ମୁଖ୍ୟତଃ ଡିଜାଇନର, ଇଞ୍ଜିନିୟର ଏବଂ ପ୍ରଡକସନ୍ କାର୍ଯ୍ୟକ୍ଷେତ୍ରର କର୍ମଚାରୀ ସାମିଲ ଥିଲେ । ଯାହା କମ୍ପାନୀ କାର୍ଯ୍ୟକ୍ଷମତାର ପାଞ୍ଚ ପ୍ରତିଶତ ଥିଲା ।
ବାଇଜୁ ପ୍ରତିଷ୍ଠାତା ତଥା ସିଇଓ ବାଇଜୁ ରାଭେନ୍ଦ୍ରନ୍ ଗତ ବର୍ଷ ଅକ୍ଟୋବରରେ କର୍ମଚାରୀମାନଙ୍କୁ ଆଶ୍ୱାସନା ଦେଇଥିଲେ ଯେ ଯୋଜନାବଦ୍ଧ 2500 କର୍ମଚାରୀଙ୍କ ବ୍ୟତୀତ କୌଣସି ଛଟେଇ ହେବ ନାହିଁ। ତେବେ ବର୍ତ୍ତମାନ ସୂତ୍ରମୁ ଖବର ମିଳିଛି ଯେ, କମ୍ପାନୀ ଅପରେସନ୍, ଲଜିଷ୍ଟିକ୍ସ, କଷ୍ଟମର କେୟାର, ଇଞ୍ଜିନିୟରିଂ, ସେଲସ୍, ମାର୍କେଟିଂ ଏବଂ ଯୋଗାଯୋଗ ଏବଂ ଅନ୍ୟାନ୍ୟ କ୍ଷେତ୍ରରେ କିଛି କାର୍ଯ୍ୟ ଆଉଟସୋର୍ସ କରିବାକୁ ଯୋଜନା କରୁଛି।
