ରାସ୍ତାର ୩୦ ଫୁଟ ତଳକୁ ଖସିଲା କାର, ଜଣେ ମୃତ, ଜଣେ ଗୁରୁତର

ଖଲ୍ଲିକୋଟ: ୩୦ ଫୁଟ୍ ତଳକୁ ଖସିଲା କାର୍। କାରରେ ଥିବା ଲୋକ ମୃତ। ରାସ୍ତାରେ ଘଟିଗଲା ଭୟଙ୍କର ଦୁର୍ଘଟଣା। ଆଖି ପିଛୁଳାକେ ରାସ୍ତା ଉପରୁ ୩୦ ଫୁଟ୍ ତଳକୁ ଖସି ପଡିଲା କାର। କାରରେ ଥିଲେ ଦୁଇଜଣ ବ୍ୟକ୍ତି।

ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ, ଆଉ ଜଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ଦୁର୍ଘଟଣାଟି ଘଟିଛି ଖଲ୍ଲିକୋଟ ନିକଟ ଏନଏଚ ୧୬ ରମ୍ଭା ଗୁପ୍ତେଶ୍ୱର ମନ୍ଦିର ନିକଟରେ।

ସନ୍ଧ୍ୟା ସମୟରେ ବ୍ରହ୍ମପୁରରୁ ଭୁବନେଶ୍ୱର ଅଭିମୁଖେ ଯାଉଥିଲା କାର୍। ହେଲେ ଗୁପ୍ତେଶ୍ୱର ମନ୍ଦିର ନିକଟରେ ଡ୍ରାଇଭର ଜଣକ ଭାରସାମ୍ୟ ହରାଇ ବସିଥିଲେ। ଫଳରେ ଏତେବଡ଼ ଦୁର୍ଘଟଣା ଘଟିଗଲା। ଆଉ କାରଟି ରାସ୍ତାର ୩୦ ଫୁଟ ତଳକୁ ଖସିପଡିଲା। ଯେଉଁଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ, ଆଉ ଜଣେ ଗୁରୁତର ହୋଇଛନ୍ତି।