ସହିଦ ଯବାନଙ୍କ ପେନସନ ପାଇବାର ଅଧିକାର କାହାର? ସଂସଦରେ ସ୍ପଷ୍ଟ କରିଲେ ସରକାର…
ନୂଆଦିଲ୍ଲୀ: ସହିଦ ହୋଇଥିବା ଯବାନଙ୍କ ପରିବାରରେ କିଏ ପାଉଛନ୍ତି ପେନସନ ? କଂଗ୍ରେସ ସାଂସଦ ଇମ୍ରାନ ମାସୁଦଙ୍କ ଏହି ପ୍ରଶ୍ନର ଉତ୍ତର କେନ୍ଦ୍ର ସରକାର ଅଗଷ୍ଟ ୯ ତାରିଖ ଶୁକ୍ରବାର ସଂସଦରେ ଜଣାଇଛନ୍ତି। ସହିଦଙ୍କ ପତ୍ନୀ ଏବଂ ପିତାମାତାଙ୍କ ମଧ୍ୟରେ ପେନସନ ବଣ୍ଟନ କରିବାକୁ ସରକାର ବିଚାର କରୁଛନ୍ତି। ଲୋକସଭାରେ ଏକ ଲିଖିତ ଉତ୍ତରରେ ପ୍ରତିରକ୍ଷା ରାଷ୍ଟ୍ରମନ୍ତ୍ରୀ ସଞ୍ଜୟ ସେଠ କହିଛନ୍ତି ଯେ ପିତାମାତା ଏବଂ ପତି-ପତ୍ନୀଙ୍କ ମଧ୍ୟରେ ପାରିବାରିକ ପେନସନ ବଣ୍ଟନ ପାଇଁ ଏକ ପ୍ରସ୍ତାବ ଆସିଛି, ଯାହା ବିଚାରାଧୀନ ଅଛି ।
ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ସେନା ମଧ୍ୟ ଏହି ବିଷୟରେ ପ୍ରତିରକ୍ଷା ମନ୍ତ୍ରଣାଳୟକୁ ଏକ ପ୍ରସ୍ତାବ ପଠାଇଥିବା ଜଣାପଡିଛି । ସହିଦ ଯବାନଙ୍କ ପିତାମାତା ଆର୍ଥିକ ସହାୟତା ପାଇଁ ଆଇନରେ ସଂଶୋଧନ କରିବାକୁ ଦାବି କରିଛନ୍ତି। ନିୟମ ଅନୁଯାୟୀ ସହିଦ ଯବାନଙ୍କ ନାମାଙ୍କନ କିମ୍ବା ଇଚ୍ଛା ଅନୁଯାୟୀ ଗ୍ରାଚୁଇଟି, ଭବିଷ୍ୟନିଧି ପାଣ୍ଠି, ବୀମା ଓ ଅନୁକମ୍ପା ରାଶି ପ୍ରଦାନ କରାଯାଇଥାଏ। କିନ୍ତୁ ବିବାହ ହେଲେ ସହିଦଙ୍କ ପତ୍ନୀଙ୍କୁ ପେନସନ ରାଶି ଦିଆଯାଏ ଏବଂ ପେନସନ ରାଶି ଅବିବାହିତ ସହିଦଙ୍କ ପିତାମାତାଙ୍କୁ ଦିଆଯାଏ ।
ସହିଦ ଯବାନଙ୍କ ପତ୍ନୀ କିମ୍ବା ପିତାମାତାଙ୍କ ପେନ୍ ସନ୍ ଅଧିକାର କାହାକୁ ମିଳିବ ତାହା ଏବେ ବି ଚର୍ଚ୍ଚାରେ ରହିଛି। ନିକଟ ଅତୀତରେ ଅନେକ ସହିଦ ଯବାନଙ୍କ ପରିବାର ପକ୍ଷରୁ ଅଭିଯୋଗ ଆସିଛି ଯେ ପତ୍ନୀଙ୍କୁ ସହିଦଙ୍କ ପେନସନ ସମେତ ଅନେକ ସୁବିଧା ମିଳିବା ପରେ ବାପାମାଆ ବିନା ସହାୟତାରେ ବଞ୍ଚୁଛନ୍ତି । ଏତଦ୍ ବ୍ୟତୀତ ଅନେକ କ୍ଷେତ୍ରରେ ପତ୍ନୀଙ୍କ ସହ ଅଶ୍ଳୀଳତା, ଘରେ ଦ୍ବିତୀୟ ବିବାହ ପାଇଁ ଉଚ୍ଛେଦ କିମ୍ବା ଜୋରଜବରଦସ୍ତ ଚାପ ଭଳି ଘଟଣା ସାମ୍ନାକୁ ଆସିଛି।
