ଚେନ୍ନାଇ ପାଇଁ ବଢୁଛି ଅଡୁଆ: ଲଗାତାର ତୃତୀୟ ମ୍ୟାଚରେ ପ୍ରଥମ ବିଜୟ ପାଇଁ ବଦଳିପାରେ ପ୍ଲେଇଙ୍ଗ ୧୧
ମୁମ୍ବାଇ: ଆଜି ପଞ୍ଜାବ କିଙ୍ଗ୍ସ ବିରୁଦ୍ଧରେ ନିଜର ତୃତୀୟ ମ୍ୟାଚ ଖେଳିବାକୁ ଯାଉଛି ଚେନ୍ନାଇ ସୁପର କିଙ୍ଗ୍ସ । କିନ୍ତୁ ଦଳ ଏବେ ବି ଚଳିତ ସିଜନର ପ୍ରଥମ ବିଜୟ ଅପେକ୍ଷାରେ ରହିଛି । ପ୍ରଥମକ ଦୁଇ ମ୍ୟାଚ କୋଲକାତା ଏବଂ ଲକ୍ଷେ୍ନø ବିପକ୍ଷରେ ପରାଜୟ ପରେ ଆଜି ପଞ୍ଜାବ କିଙ୍ଗସକୁ ଭେଟିବ ଚେନ୍ନାଇ ସୁପର କିଙ୍ଗସ । ଦୁର୍ବଳ ବୋଲିଂ ଲାଇନ ଅପ ଏବେ ପର୍ଯ୍ୟନ୍ତ ଦଳର ଏକ ପ୍ରମୁଖ ଚିନ୍ତା ପାଲଟିଛି । ଫଳରେ ଆଜିର ମ୍ୟାଚରେ ମଧ୍ୟ କିଛି ବଡ ପରିବର୍ତ୍ତନ କରି ପାରନ୍ତି କ୍ୟାପଟେନ ଜାଡେଜା ।
ଇତିହାସରେ ପ୍ରଥମ ଥର ପାଇଁ ଚେନ୍ନାଇ ଲଗାତାର ପ୍ରଥମ ଦୁଇ ମ୍ୟାଚ ହାରିଛି । ପ୍ରଥମେ ଉଦଘାଟନୀ ମ୍ୟାଚରେ କୋଲକାତାଠାରୁ ପରାଜୟ ବରଣ କରିବା ପରେ ରାହୁଲ ମଧ୍ୟ ଦ୍ୱିତୀୟ ମ୍ୟାଚରେ ଜାଡେଜାଙ୍କୁ ହରାଇଥିଲେ । ତେବେ ଆଜି ଜାଡେଜା ମୟଙ୍କ ଅଗ୍ରୱାଲଙ୍କ ପଞ୍ଜାବ କିଙ୍ଗସର ସାମନା କରିବାକୁ ଯାଉଛନ୍ତି । ଏହି ମ୍ୟାଚକୁ ଜିତି ସିଜନର ପ୍ରଥମ ବିଜୟ ହାସଲ କରିବାକୁ ଚେଷ୍ଟା କରିବ ସିଏସକେ । ଉଭୟ ମ୍ୟାଚରେ ଦୁର୍ବଳ ପରିଲକ୍ଷିତ ହେଉଥିବା ବୋଲିଂ ଲାଇନ ଅପରେ ସୁଧାର ଆଣିବା ଜରୁରୀ ହୋଇ ପଡିଛି । ତେଣୁ ଏଥିପାଇଁ ଦଳରେ ପୁଣି କିଛି ପରିବର୍ତ୍ତନ କରିପାରନ୍ତି ରବିନ୍ଦ୍ର ଜାଡେଜା । ସେପଟେ ପଞ୍ଜାବ ମଧ୍ୟ ନିଜ ବ୍ୟାଟିଂକୁ ଶକ୍ତିଶାଳୀ କରିବା ଦିଗରେ ଧ୍ୟାନ ଦେବ । ତେବେ ଆସନ୍ତୁ ଦେଖିବା କ’ଣ ରହିପାରେ ଉଭୟ ଦଳର ପ୍ଲେଇଙ୍ଗ ୧୧ ।
ପଞ୍ଜାବ କିଙ୍ଗସ:
ମୟଙ୍କ ଅଗ୍ରୱାଲ(ଅଧିନାୟକ), ଶିଖର ଧୱନ, ଭାନୁକା ରାଜପକ୍ଷେ, ଲିୟାମ ଲିଭିଙ୍ଗଷ୍ଟୋନ, ଓଡିୟନ ସ୍ମିଥ, ଶାହରୁକ ଖାନ, ରାଜ ବାୱା, ହରପ୍ରୀତ ବ୍ରାର, କାଗିସୋ ରାବାଡା, ଅର୍ଶଦୀପ ସିଂହ, ରାହୁଲ ଚହର ।
ଚେନ୍ନାଇ ସୁପର କିଙ୍ଗସ:
ଋତୁରାଜ ଗାଏକ୍ୱାଡ, ରବିନ ଉତ୍ଥାପା, ମୋଇନ ଅଲୀ, ଅମ୍ବାତି ରାୟୁଡୁ, ଶିବମ ଦୁବେ, ରବିନ୍ଦ୍ର ଜାଡେଜା(ଅଧିନାୟକ), ଏମ. ଏସ ଧୋନୀ, ଡ୍ୱେନ ବ୍ରାଭୋ, ଡ୍ୱେନ ପ୍ରିଟିରିୟସ, ରାଜବର୍ଦ୍ଧନ ହଙ୍ଗରଗେକର, ମିଚେଲ ସାଣ୍ଟନର,
