500 କୋଟିର ଫିଲ୍ମ ଛାବା ଦେଖିବେ ମୋଦୀ, ଭିକି କୌଶଲ ବି ହେବେ ସାମିଲ

ନୂଆଦିଲ୍ଲୀ: ଭିକି କୌଶଲ ଏବଂ ରଶ୍ମିକା ମନ୍ଦାନାଙ୍କ ଫିଲ୍ମ ‘ଛାବା’କୁ ଦର୍ଶକ ବହୁତ ଭଲ ପାଇବା ଦେଇଛନ୍ତି । ୨୦୨୫ର ସୁପରହିଟ୍ ଫିଲ୍ମ ‘ଛାଭା’ ବକ୍ସ ଅଫିସରେ ବିପୁଳ ଲାଭ କରୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ପୂର୍ବରୁ ‘ଛାଭା’ ଫିଲ୍ମର ପ୍ରଶଂସା କରିଥିଲେ । ଆଜି ଏହି ଚଳଚ୍ଚିତ୍ର ଦେଖିବେ ପ୍ରଧାନମନ୍ତ୍ରୀ ।

ସଂସଦରେ ସ୍ପେସାଲ ସ୍କ୍ରିନିଂ- ସଂସଦରେ ‘ଛାବା’ ଚଳଚ୍ଚିତ୍ରର ଏକ ସ୍ୱତନ୍ତ୍ର ସ୍କ୍ରିନିଂ ଅନୁଷ୍ଠିତ ହେବାକୁ ଯାଉଛି । ପ୍ରଧାନମନ୍ତ୍ରୀ ମୋଦୀ ଏହି ଗୁରୁବାର (୨୭ ମାର୍ଚ୍ଚ) ସଂସଦର ପାଠାଗାର ଭବନର ବାଲଯୋଗୀ ଅଡିଟୋରିୟମ୍‌ରେ ଭିକି କୌଶଲଙ୍କ ଫିଲ୍ମ ଦେଖି ବେ। ତାଙ୍କ ସହିତ ଗୃହମନ୍ତ୍ରୀ ଅମିତ ଶାହ, ବହୁ ବିଜେପି ମନ୍ତ୍ରୀ ଏବଂ ସାଂସଦ ମଧ୍ୟ ଏହି ସ୍ୱତନ୍ତ୍ର ସ୍କ୍ରିନିଂର ଅଂଶ ହେବେ। ଏହି ସ୍କ୍ରିନିଂରେ ଭିକି କୌଶଲ, ନିର୍ଦ୍ଦେଶକ ଲକ୍ଷ୍ମଣ ଉତେକର ଏବଂ ପ୍ରଯୋଜକ ଦିନେଶ ବିଜାନ ମଧ୍ୟ ଯୋଗଦେବେ ।

ପ୍ରଶଂସା କରିଥିଲେ ପ୍ରଧାନମନ୍ତ୍ରୀ- କହି ରଖୁଛୁ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଫେବୃଆରୀ 21 ତାରିଖରେ ଦିଲ୍ଲୀରେ ଅଖିଳ ଭାରତୀୟ ମରାଠୀ ସାହିତ୍ୟ ସମ୍ମିଳନୀକୁ ସମ୍ବୋଧିତ କରିବା ସମୟରେ ‘ଛାବା’ ଫିଲ୍ମର ପ୍ରଶଂସା କରିଥିଲେ । ସେ କହିଥିଲେ ଯେ ମହାରାଷ୍ଟ୍ର ଏବଂ ମୁମ୍ବାଇ ହିନ୍ଦୀ ସିନେମା ସହିତ ମରାଠୀ ଚଳଚ୍ଚିତ୍ରକୁ ଉଚ୍ଚତା ଦେଇଛି । ଆଜିକାଲି “ଛାବା” ଚଳଚ୍ଚିତ୍ରଟି ଖୁବ୍ ଚର୍ଚ୍ଚାରେ ରହିଛି ।