ଚୀନ୍ ପ୍ରସ୍ତୁତ କରୁଛି ସବୁଠାରୁ ବିପଜ୍ଜନକ ଏବଂ ଆଧୁନିକ ପରିବହନକାରୀ ଯୁଦ୍ଧ ଜାହାଜ
ନୁଆଦିଲ୍ଲ(ଓଡ଼ିଶା ଭାସ୍କର): ଚୀନ୍ ନିଜର ଅତ୍ୟାଧୁନିକ ଏବଂ ଖତରନାକ୍ ଏୟାରକ୍ରାଫ୍ଟ କାରିଅର୍ ପ୍ରସ୍ତୁତ କରୁଛି। ଏବେ ଏହାର ସୂଚନା ସାଟେଲାଇଟ୍ ଚିତ୍ରରୁ ଜଣାପଡ଼ିଛି। ଏହି ଫଟୋକୁ ଖବର ସରବରାହ ସଂସ୍ଥା ଦି ଆସୋସିଏଟ୍ ପ୍ରେସ୍ ପ୍ରକାଶ କରିଛି। ରକ୍ଷା ବିଶେଷଜ୍ଞଙ୍କ କହିଛନ୍ତି ଯେ ଚୀନ୍ ଏହି ଯୁଦ୍ଧ ଜାହାଜକୁ ଖୁବଶିଘ୍ର ସମୁଦ୍ରକୁ ଆଣିପାରେ।
ସୂଚନା ଅନୁସାରେ ଚୀନ୍ ଅତ୍ୟାଧୁନିକ ତାଇପ୦୦୩ ଏୟାରକ୍ରାଫ୍ଟ କାରିଅର ନିର୍ମାଣ କରୁଛି। ଯାହା ସମାପ୍ତ ହେବାକୁ ଯାଉଛି, ଏହା ୨୦୧୮ ମସିହାରୁ ସାଂଘାଇ ନିକଟ ଉତ୍ତର-ପୂର୍ବର ଜିଆଙ୍ଗନ୍ ସିପିୟାର୍ଡରେ ନିର୍ମିତ ହେଉଛି। ସାଟେଲାଇଟ୍ରେ ୭ ଜୁନ୍ ୨୦୨୨ ରେ ଏହାର ଛବି ନିଆଯାଇଥିଲା। ଉପଗ୍ରହ ଚିତ୍ରଗୁଡ଼ିକରେ କ୍ୟାରିଅର ଡ଼େକ୍ ସ୍ପଷ୍ଟ ଭାବରେ ଦେଖାଯାଉଛି।
ଏୟାରକ୍ରାଫ୍ଟ କାରିଅରରୁ ନିର୍ମାଣ ସାମଗ୍ରୀ ବାହାର କରାଯାଇଛି। ଜାହାଜକୁ ପାଣିକୁ ଆଣିବାକୁ ପ୍ରସ୍ତୁତି ଚାଲିଥିବା ଜଣାପଡ଼ୁଛି। ତେବେ ଏହି ବିଷୟରେ ଚୀନ୍ ରକ୍ଷାମନ୍ତ୍ରଳାୟ ପକ୍ଷରୁ କୋଣସି ସୂଚନା ମିଳିପାରି ନାହିଁ। ଏବେ ସୁଦ୍ଧା ଏହି ଯୁଦ୍ଧ ଜାହାଜକୁ ଲଞ୍ଚ କରିବାକୁ ନେଇ କୌଣସି ଘୋଷଣା କରାଯାଇ ନାହିଁ। କିନ୍ତୁ ଚୀନ୍ ସରକାରୀ ନ୍ୟୁଜ୍ ଏଜେନ୍ସି ଗ୍ଲୋବାଲ ଟାଇମ୍ସ ଅନୁଯାୟୀ ଏହାକୁ ଖବୁଶିଘ୍ର ସମୁଦ୍ରରେ ଲଞ୍ଚ କରାଯାଇପାରେ।
ଏହି ଚାଇନାର ବିମାନ ପରିବହନକାରୀ ଚୀନ୍ ସୈନ୍ୟବାହିନୀର ଆଧୁନିକୀକରଣର ଏକ ଅଂଶ ଭାବରେ ବିବେଚନା କରାଯାଉଛି। ଏହା କରିବା ପଛରେ ଚୀନ୍ର ଉଦ୍ଦେଶ୍ୟ ହେଉଛି ଏସୀୟ ଅଞ୍ଚଳରେ ଏହାର ଦବଦବା ଜାହିର କରିବା, ଯୁଦ୍ଧ ଜାହାଜ ସଂଖ୍ୟା ଦୃଷ୍ଟିରୁ ଚୀନ୍ର ବିଶ୍ୱର ସର୍ବ ବୃହତ ନୌସେନା ରହିଛି, ଯଦିଓ ସାମର୍ଥ୍ୟ ଦୃଷ୍ଟିରୁ ସେମାନେ ଆମେରିକାର ନୌସେନାଠାରୁ ବହୁ ପଛରେ ଅଛନ୍ତି, କିନ୍ତୁ ଯେତେବେଳେ ବିମାନ ପରିବହନକାରୀଙ୍କ କଥା ଆସେ। ତା’ପରେ ଆମେରିକାର ନୌସେନା ବିଶ୍ୱର ଏକ ନମ୍ବର ଶକ୍ତିଶାଳୀ ନୌସେନା ବୋଲି ପ୍ରମାଣିତ ହୋଇଥାଏ।
