ନେହେରୁଙ୍କୁ ମୋଦୀଙ୍କ ଅବମାନନା; ସ୍ୱାଧୀନତା ସଂଗ୍ରାମୀଙ୍କ ତାଲିକାରୁ ବାଦ ପଡିଲା ଫଟୋ
ନୂଆଦିଲ୍ଲୀ: ପୁଣି ଥରେ ଦେଶର ପ୍ରଥମ ପ୍ରଧାନମନ୍ତ୍ରୀ ଜୱାହାରଲାଲ ନେହେରୁଙ୍କୁ ଅବମାନନା କରିଛି ମୋଦୀ ସରକାର । ସ୍ୱାଧୀନତା ସଂଗ୍ରାମୀଙ୍କ ଉଦ୍ଦେଶ୍ୟରେ ନିର୍ମିତ ଏକ ପୋଷ୍ଟର ଓ ଅଫିସିଆଲ ୱେବସାଇଟରୁ ନେହେରୁଙ୍କ ଫଟୋ ସ୍ଥାନିତ କରାନଯିବାକୁ ନେଇ ବିବାଦ ସୃଷ୍ଟି ହୋଇଛି । ଆଜାଦୀ କି ଅମ୍ରିତ ନାମକ କାର୍ଯ୍ୟକ୍ରମର ପୋଷ୍ଟରରୁ ନେହେରୁଙ୍କୁ ବାଦ ଦିଆଯିବାକୁ ନେଇ ଏହି ବିବାଦର ସୂତ୍ରପାତ ହୋଇଛି । ମୋଦୀ ଏବଂ ବିଜେପି ସରକାର ଶସ୍ତା ରାଜନୀତି କରୁଛନ୍ତି ବୋଲି କଂଗ୍ରେସ ପକ୍ଷରୁ ଅଭିଯୋଗ କରାଯାଇଛି ।
ଭାରତୀୟ ଐତିହାସିକ ଗବେଷଣା କେନ୍ଦ୍ର(ଆଇସିଏଚଆର)ରେ ରଖାଯାଇଥିବା ପୋଷ୍ଟରରେ ମହାତ୍ମା ଗାନ୍ଧୀ, ସୁଭାଷ ଚନ୍ଦ୍ର ବୋଷ, ଭଗତ ସିଂ ଏବଂ ବିନାୟକ ଦାମୋଦର ସାଭରକରଙ୍କ ଫଟୋ ରହିଛି । ଉଦ୍ଦେଶ୍ୟମୂଳକ ଭାବରେ ସ୍ୱାଧୀନ ଭାରତର ପ୍ରଥମ ପ୍ରଧାନମନ୍ତ୍ରୀଙ୍କ ଫଟୋକୁ ହଟାଯାଇଛି ବୋଲି ଥରୁର କହିଛନ୍ତି । ଆଇସିଏଚଆର ପକ୍ଷରୁ ପୁନର୍ବାର ଏକ ଖରାପ ଉଦାହରଣ ସୃଷ୍ଟି କରାଯାଇଛି ବୋଲି କହି ନିନ୍ଦା କରିଛନ୍ତି କଂଗ୍ରେସ ସାଂସଦ ଶଶୀ ଥରୁର ।
"If any people choose to think of me, then I should like them to say—this was the man who, with all his mind and heart, loved India and the Indian people. And they in turn were indulgent to him and gave their love most abundantly and extravagantly."~Jawaharlal Nehru. https://t.co/aS2LOiBWoI
— T S Singhdeo (@TS_SinghDeo) August 27, 2021
