ଶୋଇଥିବା ବେଳେ ହଠାତ୍ ଘରେ ଲାଗିଲା ନିଆଁ, ଜୀବନ୍ତ ଦଗ୍ଧ ହୋଇଗଲେ ଦମ୍ପତି

ହାଇଦ୍ରାବାଦ: ଘରେ ଶୋଇଥିବା ବେଳେ ଘରେ ଲାଗିଗଲା ନିଆଁ । 2 ମହଲା ବିଶିଷ୍ଟ କୋଠାରେ ଭୟଙ୍କର ଅଗ୍ନିକାଣ୍ଡ ଯୋଗୁଁ ଦମ୍ପତି ଜୀବନ୍ତ ଦଗ୍ଧ ହୋଇଯାଇଥିବା ଜଣାପଡିଛି । ହାଇଦ୍ରାବାଦର ୟକାତପୁର ରେଳ ଷ୍ଟେସନ ନିକଟ ପୂର୍ବ ଚନ୍ଦ୍ରନଗରରେ ଘଟିଛି ଭୟଙ୍କର ଦୁର୍ଘଟଣା । ଦମ୍ପତିଙ୍କ ମୃତ୍ୟୁ ହୋଇଥିବା ବେଳେ ଜଣେ ନାବାଳିକା ଗୁରୁତର ହୋଇଛନ୍ତି ତାଙ୍କୁ ସଙ୍ଗେସଙ୍ଗେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିବା ନେଇ ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି । ସୋମବାର ରାତି 11ଚା ସମୟରେ ଏହି ଦୁର୍ଘଟଣା ଘଟିଥିବା ଜଣାପଡିଛି ।

ସୂଚନା ଅନୁସାରେ, ନିଆଁ ଲାଗିବା ସମୟରେ ପ୍ରଥମ ମହଲାରେ ପେଷ୍ଟ୍ରି ତିଆରି ହେଉଥିଲା । ତେବେ ଚାହୁଁଚାହୁଁ ନିଆଁ ତୁଳା ଗୋଗାମ ଏବଂ ବାଣ ଗୋଦାମକୁ ବ୍ୟାପି ଯାଇଥିବା ନେଇ ପୋଲିସ ପକ୍ଷରୁ କୁହାଯାଇଛି । ତେବେ ପ୍ରାଣ ହରାଇଥିବା ଦମ୍ପତି ହେଲେ ଉଷାରାନୁଇ(50) ଏବଂ ମହୋନ ଲାଲ(58) । ଅନ୍ୟପଟେ ଆହତ ନାବାଳିକାକୁ ଓସମାନିଆ ହସ୍ପିଟାଲରେ ଭର୍ତ୍ତି କରାଯାଇଛି । ଖବରପାଇ ଅଗ୍ନିଶମ ବାହୀନି ନିଆଁକୁ ଆୟତ୍ତ କରିବା ପରେ ମୃତଦେହକୁ ବାହାରକୁ ବାହାର କରାଯାଇଛି । ପୋଲିସ ଦମ୍ପତିଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । କିନ୍ତୁ କେଉଁ କାରଣ ପାଇଁ ଏତେ ବଡ ଦୁର୍ଘଟଣା ଘଟିଲା ତାହା ଜଣାପଡିନଥିବା ବେଳେ ତଦନ୍ତ ଆରମ୍ଭ କରିଛି ପୋଲିସ ।