COVID-19 : ୨୪ ଘଣ୍ଟାରେ ୭୮୩୦ ନୂଆ ମାମଲା, ଆକ୍ଟିଭ୍ କେଶ୍ ୪୦ ହଜାର ଅତିକ୍ରମ କଲା
ନୂଆଦିଲ୍ଲୀ : ବୁଧବାର ଦିନ କୋଭିଡ -୧୯ ସଂକ୍ରମଣ ମାମଲାରେ ଭାରତରେ ବିସ୍ଫୋରକ ରୂପ ନେଇଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୭୮୩୦ ନୂତନ କରୋନା ଜୀବାଣୁ ସଂକ୍ରମଣ ହୋଇଥିବା ରିପୋର୍ଟ ହୋଇଥିଲା। ଗୋଟିଏ ଦିନ ପୂର୍ବରୁ ଅର୍ଥାତ୍ ମଙ୍ଗଳବାର ଦିନ ମୋଟ ୫,୬୭୬ ଟି ମାମଲା ସାମ୍ନାକୁ ଆସିଥିଲା । ବୁଧବାର ସକାଳେ ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଏହି ନୂତନ ମାମଲା ସହିତ ଦେଶରେ କୋଭିଡ୍ ସକ୍ରିୟ ରୋଗୀଙ୍କ ସଂଖ୍ୟା ୪୦,୨୧୫ ରେ ପହଞ୍ଚିଛି।
ଏହି ନୂତନ ଆକଳନ ଅନୁଯାୟୀ, ଦେଶରେ କରୋନା ସଂକ୍ରମିତ ୪୦,୨୧୫ ଲୋକ ବର୍ତ୍ତମାନ ଚିକିତ୍ସିତ ହେଉଛନ୍ତି । ଏଥି ସହିତ ମୋଟ ୪,୪୨,୦୪,୭୭୧ କୋଭିଡ ସଂକ୍ରମଣମୁକ୍ତ ହୋଇଛନ୍ତି ବା ସୁସ୍ଥ ହୋଇଛନ୍ତି । ଏହି ମହାମାରୀ ହେତୁ ବର୍ତ୍ତମାନ ସୁଦ୍ଧା ଦେଶରେ ସମୁଦାୟ ୫,୩୧,୦୧୬ ଲୋକ ପ୍ରାଣ ହରାଇଛନ୍ତି।