ChatGPTର Ghibli ଟ୍ରେଣ୍ଡ ପରିବେଶ ପାଇଁ ବିପଦ, ଗୋଟିଏ ଫଟୋ ତିଆରି ପାଇଁ ଖର୍ଚ୍ଚ ହେଉଛି ଏତିକି LED bulb ଜଳାଇବାର ବିଦ୍ୟୁତ
ଗିବଲି ପରିବେଶ ପାଇଁ ବିପଦ, ଗୋଟିଏ ଫଟୋ ତିଆରି ପାଇଁ ଖର୍ଚ୍ଚ ହେଉଛି ଏତିକି ବିଦ୍ୟୁତ
ନୂଆଦିଲ୍ଲୀ: ଚାଟଜିପିଟି ର ରିଲିଜ ହୋଇଥିବା ଗିବଲି ଷ୍ଟାଇଲ ଇମେଜ ଜେନେରେସନ ଫିଚରକୁ ସୋସିଆଲ ମିଡିଆ ୟୁଜର୍ସ ଖୁବ ଜୋରରେ ବ୍ୟବହାର କରୁଛନ୍ତି। ଏହି ଟ୍ରେଣ୍ଡ କାରଣରୁ ବିଗତ ଦିନରେ ଚାଟଜିପିଟିର ସର୍ଭର ଡାଉନ୍ ହୋଇଥିଲା। କମ୍ପାନୀର ସିଇଓ ସାମ ଅଲ୍ଟମ୍ୟାନ ଏ ନେଇ ଚିନ୍ତା ପ୍ରକଟ କରିଥିଲେ।
ସାମ ଅଲ୍ଟମ୍ୟାନ କହିଛନ୍ତି ଯେ, ଏହା ଖୁବ ଅକର୍ଷଣୀୟ ଏବଂ ଉତ୍ସାହଜନକ। ହେଲେ ଆମର ଜିପିୟୁ ଅର୍ଥାତ ଗ୍ରାଫିକ୍ସ ପ୍ରୋସେସିଂଗ ୟୁନିଟ୍ସ ପ୍ରଭାବିତ ହେଉଛି। ଗିବଲି ଷ୍ଟାଇଲ ଇମେଜର ଲୋକପ୍ରିୟତା କାରଣରୁ କମ୍ପାନୀ ଫ୍ରୀ ୟୁଜର୍ସଙ୍କ ପାଇଁ ଇମେଜ ଜେନେରେଟ ପାଇଁ ଦୈନିକ ସୀମା ସେଟ୍ କରିଛି। ଫ୍ରୀ ୟୁଜର୍ସ ଗୋଟିଏ ଦିନରେ କେବଳ ୩ଟି ଇମେଜ ହିଁ ଜେନେରେଟ କରିପାରିବ।
ଖର୍ଚ୍ଚ ହେଉଛି ଏତିକି ବିଦ୍ୟୁତ୍: 60W ବଲବକୁ ୩.୨୫ ମିନିଟ ପର୍ଯ୍ୟନ୍ତ ଜଳାଇବାରେ ଯେତିକି ବିଦ୍ୟୁତ ଖର୍ଚ୍ଚ ହୁଏ, ଗିବଲି ଷ୍ଟାଇଲ ଇମେଜ ଜେନେରେଟ କରିବାରେ ସେତିକି ବିଦ୍ୟୁତ୍ ଖର୍ଚ୍ଚ ହେଉଛି। ସାଧାରଣତଃ ଟେକ୍ସଟ ଜେନେରେଟ କରିବା ତୁଳନାରେ ଇମେଜ କ୍ରିଏଟ କରିବାରେ ୧୦ ଗୁଣ ଅଧିକ ବିଦ୍ୟୁତ ଖର୍ଚ୍ଚ ହେଉଛି।