ପୁରୁଷମାନଙ୍କ ପାଇଁ ବେଶ୍ ଲାଭଦାୟକ ଖଜୁରୀ, ବୃଦ୍ଧି କରେ ଶୁକ୍ରାଣୁ କାଉଣ୍ଟ ଏବଂ ଶୁକ୍ରାଣୁ କ୍ୱାଲିଟି
ନୂଆଦିଲ୍ଲୀ: ଖଜୁରୀ ଖାଇବା ଦ୍ୱାରା ଅନେକ ଫାଇଦା ମିଳିଥାଏ । ଅନେକ ରୋଗର ଉପଶମ ପାଇଁ ଏହାକୁ ବ୍ୟବହାର କରାଯାଇଥାଏ । ଏହି ଖଜୁରୀ ପୁରୁଷମାନଙ୍କ ପାଇଁ ବେଶ୍ ଲାଭଦାୟକ ହୋଇଥାଏ । ପୁରୁଷମାନଙ୍କ ପାଇଁ ଖଜୁରୀ ଖାଇବା ସ୍ୱାସ୍ଥ୍ୟ ଉପକାରୀ ହୋଇଥାଏ । ଏଥିରେ କ୍ୟାଲୋରୀ, ଫାଇବର, ପ୍ରୋଟିନ୍, ପୋଟାସିୟମ୍ ଏବଂ କପର ଭଳି ପୁଷ୍ଟିକର ତତ୍ତ୍ୱ ମିଳିଥାଏ । ଏଥିପାଇଁ ଏହା ଖାଇବା ଦ୍ୱାରା ପୁରୁଷମାନଙ୍କଠାରେ ଶାରୀରିକ ଶକ୍ତି ବୃଦ୍ଧି ପାଇଥାଏ ଏବଂ ଦୁର୍ବଳତା କମ୍ ହୋଇଥାଏ । ତେବେ ଆସନ୍ତୁ ଜାଣିବା ପୁରୁଷମାନଙ୍କ ପାଇଁ ଖଜୁରୀ କେତେ ଉପକାରୀ ।
ଖଜୁରୀ ଖାଇବା ଦ୍ୱାରା ପୁରୁଷମାନଙ୍କର ହଜମ ପ୍ରକ୍ରିୟାଜନିତ ସମସ୍ୟା ଦୂର ହୋଇପାରେ । ଏହା କୋଷ୍ଠକାଠିନ୍ୟ କମ୍ କରାଇବାରେ ମଧ୍ୟ ସାହାଯ୍ୟ କରିଥାଏ । ଫଳରେ ପେଟଜନିତ ସମସ୍ୟାରୁ ମୁକ୍ତି ମିଳିଥାଏ । ତେଣୁ ପୁରୁଷମାନେ ପ୍ରତିଦିନ ଖଜୁରୀ ଖାଇବା ଉଚିତ୍ । ଖଜୁରୀ ଖାଇବା ଦ୍ୱାରା ମସ୍ତିଷ୍କ ଉପରେ ଭଲ ପ୍ରଭାବ ପଡିଥାଏ । ଖଜୁରୀରେ ଭିଟାମିନ୍ ବି ଏବଂ କୋଲିନ୍ ମିଳିଥାଏ । ଯାହା ମନେରଖିବା ଶକ୍ତି ଏବଂ ଶିଖିବାର କ୍ଷମତାକୁ ବଢାଇଥାଏ । ପୁରୁଷମାନଙ୍କଠାରେ ଶୁକ୍ରାଣୁ କାଉଣ୍ଟ ଏବଂ ଶୁକ୍ରାଣୁ କ୍ୱାଲିଟି ବୃଦ୍ଧିରେ ଖଜୁରୀ ସାହାଯ୍ୟ କରିଥାଏ । ତେଣୁ ପୁରୁଷମାନେ ନିଶ୍ଚିତ ଭାବେ ଖଜୁରୀ ଖାଇବା ଉଚିତ ।
