ୱେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ ଟି-୨୦ରୁ ବାଦ ପଡିବେ ଦୀପକ ଚହର: କିଏ ପୂରଣ କରିବେ ସ୍ଥାନ? ଦଳରେ ସାମିଲ ଦୁଇ ବିକଳ୍ପ

କୋଲକାତା: ୱେଷ୍ଟଇଣ୍ଡିଜ ବିପକ୍ଷ ପ୍ରଥମ ଟି-୨୦ରେ ବିଜୟ ହାସଲ କରି ସିରିଜରେ ୧-୦ରେ ଆଗୁଆ ରହିଛି ଭାରତ । ଆଜି ଉଭୟଙ୍କ ମଧ୍ୟରେ ଇଡେନ ଗାର୍ଡେନ୍ସରେ ଖେଳାଯିବ ଦ୍ୱିତୀୟ ଟି-୨୦ ମ୍ୟାଚ । ତେବେ ଏହି ମ୍ୟାଚରେ ଦଳରୁ ବାଦ ପଡିପାରନ୍ତି ଭାରତର ଷ୍ଟାର ଅଲରାଉଣ୍ଡର ଦୀପକ ଚହର । ଆହି ସମସ୍ୟ କାରଣରୁ ତାଙ୍କୁ ଏହି ମ୍ୟାଚ ପାଇଁ ବିଶ୍ରାମ ଦିଆଯାଇପାରେ । ତେବେ ତାଙ୍କ ସ୍ଥାନରେ କିଏ ଖେଳିବେ ସେ ନେଇ ଏବେ ପ୍ରଶ୍ନ ।

ସୂଚନା ମୁତାବକ, ପ୍ରଥମ ମ୍ୟାଚରେ ୱେଷ୍ଟଇଣ୍ଡିଜ ଅଧିନାୟକ କାଏରନ ପୋଲାର୍ଡଙ୍କର ଏକ ଦମଦାର ସଟ୍ କୁ ରୋକିବାକୁ ଯାଇ ସେ ହାତରେ ଆଘାତ ପାଇଥିଲେ । ସଟ୍ ଅଟକାଇ ଦେଇଥିଲେ ସତ, କିନ୍ତୁ ଆହତ ହୋଇ ମଇଦାନ ଛାଡିବାକୁ ବାଧ୍ୟ ହୋଇଥିଲେ ଦୀପକ । ତେଣୁ ଆଜିର ଦ୍ୱିତୀୟ ମ୍ୟାଚରେ ତାଙ୍କ ଖେଳିବାକୁ ନେଇ ସନ୍ଦେହ ସୃଷ୍ଟି ହୋଇଛି । ତେବେ ଯଦି ସେ ଏହି ମ୍ୟାଚରେ ନଖେଳନ୍ତି କିଏ ନେବେ ତାଙ୍କ ସ୍ଥାନ ?

ଦୀପକଙ୍କୁ ରିପ୍ଲେସ କରିବା ପାଇଁ ଦଳରେ ଅନ୍ୟ ଦୁଇ ଜଣ ପେସ ବୋଲର ଅଛନ୍ତି ମହମ୍ମଦ ସିରାଜ ଏବଂ ଶାର୍ଦ୍ଦୁଳ ଠାକୁର । କିନ୍ତୁ ଦୀପକ ଚହରଭ୍କ ସ୍ଥାନ ପୂରଣ କରିବା ପାଇଁ ଟିମ ଇଣ୍ଡିଆର ପ୍ରଥମ ପସନ୍ଦ ରହିବେ ଠାକୁର । ତେବେ ଦୀପକ ଚହରଙ୍କ ବ୍ୟତୀତ ରୋହିତ ଅନ୍ୟ କୌଣସି ପରିବର୍ତ୍ତନ କରିବେ ନାହିଁ ବୋଲି ଆଶା କରାଯାଉଛି । ବିଜୟୀ ଟିମକୁ ନେଇ ଦଳ ଆଗକୁ ବଢାଇବେ ବୋଲି ଚର୍ଚ୍ଚା ହେଉଛି ।

ଭାରତର ଶ୍ରେଷ୍ଠ ଏକାଦଶ:
ରୋହିତ ଶର୍ମା(ଅଧିନାୟକ), ଇଶାନ କିଶାନ, ବିରାଟ କୋହଲି, ଋଷଭ ପନ୍ତ, ସୂର୍ଯ୍ୟକୁମାର ଯାଦବ, ଭେଙ୍କଟେଶ ଆୟର, ଦୀପକ ଚହର/ଶାର୍ଦ୍ଦୁଳ ଠାକୁର, ହର୍ଷଲ ପଟେଲ, ଭୁବନେଶ୍ୱର କୁମାର, ୟୁଜବେନ୍ଦ୍ର ଚହଲ ଏବଂ ରବି ବିଷ୍ଣୋଇା