ଭୁଲରେ ବି ଡାଉନଲୋଡ୍ କରନ୍ତୁ ନାହିଁ ଏହି ୧୧ଟି ଆପ୍, ନଚେତ୍ ଖାଲି ହୋଇଯିବ ବ୍ୟାଙ୍କ୍ ଆକାଉଣ୍ଟ୍

ନୂଆଦିଲ୍ଲୀ: ବ୍ୟାଙ୍କ ଗ୍ରାହକ ମାନେ ହୋଇଯାଆନ୍ତୁ ସାବଧାନ । ଆଜିକାଲି ଲଗାତର ଭାବରେ ସାଇବର୍ ଅପରାଧ ବଢ଼ିବାରେ ଲାଗିଛି । ନିମିଷକେ ସାଇବର୍ ଅପରାଧି ମାନେ ଅନେକ ପ୍ରକାରର ଅଫର୍ ର ଲୋଭ ଦେଖାଇ ବ୍ୟାଙ୍କ୍ ଆକାଉଣ୍ଟ୍ ଖାଲି କରିଦେଉଛନ୍ତି । ଗୋଟିଏ ଭୁଲ୍ କାରଣରୁ ଆପଣଙ୍କ ବ୍ୟାଙ୍କ୍ ଆକାଉଣ୍ଟ୍ ଖାଲି ହୋଇ ଯାଇପାରେ । ପ୍ରକୃତରେ ଗୁଗୁଲ୍ ପ୍ଲେ ଷ୍ଟୋର୍ ରେ କିଛି ଏଭଳି ଆପ୍ ରହିଛି ଯାହା ଡାଉନଲୋଡ଼ କରିବା ଦ୍ୱାରା ଆପଣଙ୍କର ହିଁ କ୍ଷତି ହେବ ।

ସାଇବର୍ ସିକ୍ୟୁରିଟି ରିସର୍ଚ୍ଚର୍ Zscaler ର ThreatLabz ପକ୍ଷରୁ ଜାରି କରାଯାଇଥିବା ଏକ ରିପୋର୍ଟ ଅନୁସାରେ, ମୋଟ ୧୧ଟି ଆପ୍ କୁ ଚିହ୍ନଟ କରାଯାଇଛି ଯାହାଦ୍ୱାରା ବ୍ୟାଙ୍କ୍ ସମ୍ପର୍କିତ ଠକେଇ ଭଳି ଘଟଣା ହୋଇପାରେ । ରିପୋର୍ଟରେ କୁହାଯାଇଛି ଯେ, ଏହି ଆପ୍ ଗୁଡ଼ିକୁ ପାଖାପାଖି ୩ ହଜାରରୁ ଅଧିକ ଥର ଡାଉନଲୋଡ୍ କରାଯାଇଛି । ତେବେ ଯଦି ଆପଣ ମାନେ ବି ଏହିଭଳି କିଛି ଆପ୍ କୁ ଫୋନ୍ ରେ ରଖିଛନ୍ତି ତେବେ ତୁରନ୍ତ ଡିଲିଟ୍ କରିଦିଅନ୍ତୁ ।

ରିସର୍ଚ୍ଚ ମୁତାବକ, ଏହା ଜୋକର୍ ମେଲୱେୟାର୍ ର ଏକ ଫେମସ୍ ଭାରିଆଣ୍ଟ୍ ଯଦ୍ୱାରା ଆଣ୍ଡ୍ରଏଡ୍ ଡିଭାଇଜ୍ ପାଇଁ ତିଆରି କରାଯାଇଛି । ଏହାକୁ ୟୁଜର୍ ମାନଙ୍କ ଜାସୁସୀ କରିବା ପାଇଁ ଅର୍ଥାତ୍ ମେସେଜ୍ ଜରିଆରେ ତଥ୍ୟ ଚୋରୀ କରିବା ପାଇଁ ପ୍ରସ୍ତୁତ କରାଯାଇଛି । ତେବେ ଉକ୍ତ ଆପ୍ ଗୁଡ଼ିକ ହେଲା-

1.Free Affluent Message
2.PDF Photo Scanner
3.delux Keyboard
4.Comply QR Scanner
5.PDF Converter Scanner
6.Font Style Keyboard
7.Translate Free
8.Saying Message
9.Private Message
10.Read Scanner
11.Print Scanner