ଆତଙ୍କବାଦୀଙ୍କୁ ଚିହ୍ନିଥିବା ଦେବିକା ରୋଟାୱନ, ସାମିଲ ହେଲେ ଭାରତ ଯୋଡ଼ ଯାତ୍ରାରେ
ଜୟୀପୁର: ରାହୁଲ ଗାନ୍ଧୀଙ୍କ ଭାରତ ଯୋଡ଼ ଯାତ୍ରାରେ ଦେବିକା ରୋଟାୱନ ନାମକ ଯୁବତୀ ଅଂଶୀଦାର ହୋଇଛନ୍ତି । ଦେବିକା ନଭେମ୍ବର ୨୬/୧୧ ଆତଙ୍କବାଦୀ ଆକ୍ରମଣରେ ଶିକାର ହୋଇଥିଲେ ଏବଂ ସେମାନଙ୍କ ବିରୋଧରେ ସାକ୍ଷୀ ଦେଇଥିଲେ । ରାହୁଲ ଗାନ୍ଧୀଙ୍କ ଯାତ୍ରାରେ ସାମିଲ ହୋଇଥିବା ଦେବିକାଙ୍କ ଫଟୋ ସେୟାର କରି ଲେଖିଛନ୍ତି ଯେ, ୯ବର୍ଷର ଦେବିକା ରୋଟାୱନ ୨୬/୧୧ରେ ଆହତ ହୋଇଥିଲେ । ଏହାପରେ ଦେଶକୁ ନ୍ୟାୟ ଦେବା ପାଇଁ ସାକ୍ଷୀ ବନିଥିଲେ । ବର୍ତ୍ତମାନ ସେ ଭାରତ ଯୋଡ଼ ଯାତ୍ରା ରେ ସାମିଲ ହୋଇଛନ୍ତି ।
କଂଗ୍ରେସ ସାଂସଦ ନିଜର ଟ୍ୱିଟରେ ଲେଖିଛନ୍ତି ଯେ, ରାଜସ୍ଥାନର ସରକାର ତାଙ୍କ ଦେଶ ଭକ୍ତିକୁ ସମ୍ମାନ କରି ତାଙ୍କ ପରିବାରର ସ୍ୱପ୍ନ ପୂରଣ କରୁଛନ୍ତି । ରାହୁଲ ଗାନ୍ଧୀଙ୍କ ଏହି ଟ୍ୱିଟକୁ ରିଟ୍ୱିଟ କରି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଲେଖିଛନ୍ତି ଯେ, ଦେବିକା ‘ଡାରୋ ମ୍ୟାଟ୍’ର ପ୍ରକୃତ ଉଦାହରଣ, ଯିଏ ନିର୍ଭୟରେ ସାରା ରାଜ୍ୟର ପ୍ରତିଷ୍ଠା ବଢ଼ାଇଛନ୍ତି। ତାଙ୍କର ଅଦମ୍ୟ ସାହସ ଏବଂ ଦେଶପ୍ରେମ ସମ୍ମାନର ଯୋଗ୍ୟ । ଏହାକୁ ଦୃଷ୍ଟିରେ ରଖି ରାଜସ୍ଥାନ ସରକାର ସେମାନଙ୍କ ପାଇଁ ଆବାସ ଯୋଗାଇବାକୁ ନିଷ୍ପତ୍ତି ନେଇଛନ୍ତି।
देविका ’डरो मत’ की सच्ची मिसाल हैं, जिन्होंने अपनी निडरता से पूरे प्रदेश का मान बढ़ाया है।
उनका अदम्य साहस और देशप्रेम, सम्मान का हक़दार है। यह देखते हुए, राजस्थान सरकार ने उनके लिए आवास प्रदान करने का निर्णय लिया है। https://t.co/RlBrCrSoYM
— Ashok Gehlot (@ashokgehlot51) January 21, 2023
ସୂଚନା ଅନୁଯାୟୀ, ୨୦୦୮ ମସିହାରେ ଘଟିଥିବା ମୁମ୍ବାଇ ଆତଙ୍କବାଦ ଘଟଣାର ମୁଖ ସାକ୍ଷୀ ହେଉଛନ୍ତି ଦେବିକା ରୋଟାୱନ । ଯିଏ ଆତଙ୍କବାଦୀ ଅଜମଲ କାସାବଙ୍କୁ ଚିହ୍ନଟ କରିଛନ୍ତି । ମୁମ୍ବାଇ ଛତ୍ରପତି ଶିବାଜୀ ଟର୍ମିନାସରେ ହୋଇଥିବା ଆକ୍ରମଣରେ ଦେବିକାଙ୍କ ଗୋଡରେ ଗୁଳିବାଜିଥିଲା । ସେତେବେଳେ ତାଙ୍କୁ ମାତ୍ର ୯ ବର୍ଷ ହୋଇଥିଲା । ୨୬ ନଭେମ୍ବର ୨୦୦୮ରେ ଯେତେବେଳେ ଆକ୍ରମଣ ଆରମ୍ଭ ହୋଇଥିଲା ସେ ତାଙ୍କ ବାପା ଏବଂ ଭାଇଙ୍କ ସହ ଟ୍ରେନକୁ ଅପେକ୍ଷା କରିଥିଲେ ।
ଅଜମଲ କସାବଙ୍କ ବିରୋଧ ମକବ୍ଦମାରେ ସେ ସବୁଠାରୁ କମ ବୟସର ସାକ୍ଷୀ ଥିଲେ । ୧୦ ଜୁନ ୨୦୦୯ରେ, ମୋକବ୍ଦମା ଚାଲିଥିବା ବେଳେ ସେ ସାକ୍ଷୀ ଦେଇ କହିଥିଲେ ଯେ, କସାବଙ୍କୁ ମୁଁ ଟ୍ରେନ ଷ୍ଟେସନରେ ଏକ ହତ୍ୟାକାରୀ ରୂପରେ ଦେଖିଥିଲି । ଏହାସହ ତାଙ୍କ ବାପା ମଧ୍ୟ ସାକ୍ଷୀ ଦେଇଥିଲେ । ସେଥିପାଇଁ ରାଜସ୍ଥାନ ସରକାର ତାଙ୍କୁ ଆବାସ ପ୍ରଦାନ କରିବାକୁ ନିର୍ଣ୍ଣୟ ନେଇଛନ୍ତି ।
